Test Cricket Record: ભારતના નામે એક જ સ્કોર પર 6 વિકેટ ગુમાવવાનો નોંધાયો શરમજનક રેકોર્ડ, આ ટીમો પણ ગુમાવી ચુકી છે 5 વિકેટ

ભારત આજે દક્ષિણ આફ્રિકા સામે 153 રન પર 4 વિકેટથી આ જ સ્કોર પર ઓલઆઉટ થયું. ક્રિકેટ વિશ્વમાં એક જ સ્કોર પર 6 વિકેટ ગુમાવવાનો આ રેકોર્ડ છે. ભારતે આ અણગમતો રેકોર્ડ પોતાના નામે કર્યો છે.

ભારતના નામે નોંધાયો શરમજનક રેકોર્ડ

ટેસ્ટ ક્રિકેટમાં આ પહેલા કોઈપણ ટીમે એક જ સ્કોર પર 6 વિકેટ ગુમાવી નહોતી. ભારતે આ રેકોર્ડ પણ બનાવી લીધો છે.

1946માં વેલિંગ્ટનમાં ન્યુઝીલેન્ડ અને ઓસ્ટ્રેલિયા વચ્ચે રમાયેલી મેચમાં ન્યુઝીલેન્ડનો સ્કોર 37 રન પર 2 વિકેટથી 37 રન પર 7 વિકેટ થઈ ગયો હતો. કિવી ટીમે 5 વિકેટ ગુમાવી હતી.

1965માં પાકિસ્તાન સામે ન્યુઝીલેન્ડનો સ્કોર 4 વિકેટ પર 59 રનથી 59 રન પર 9 વિકેટ પહોંચી ગયો છે. આ મેચમાં પણ ન્યુઝીલેન્ડે એક જ સ્કોર પર 5 વિકેટ ગુમાવી હતી.

2012માં હેમિલ્ટનમાં દક્ષિણ આફ્રિકાનો સ્કોર 133 રન પર 2 વિકેટથી સીધો જ 7 વિકેટ પર 133 રન થઈ ગયો હતો.

2013માં બાંગ્લાદેશ અને ઝીમ્બાબ્વે વચ્ચે રમાયેલી મેચમાં બાંગ્લાદેશ 134 રન પર 5 વિકેટથી આ સ્કોર પર જ ઓલઆઉટ થઈ ગયું હતું.