World Cup 2023 Prize Money: વર્લ્ડ ચેમ્પિયન ઓસ્ટ્રેલિયા પર થયો રૂપિયાનો વરસાદ, હાર છતાં ટીમ ઇન્ડિયાને મળ્યા કરોડો

World Cup 2023 Prize Money For Winner and Runner-Up: ગઇકાલે ભારતીય ટીમની ફરી એકવાર વર્લ્ડકપની ફાઇનલમાં હાર થઇ અને છઠ્ઠી વાર ઓસ્ટ્રેલિયન ટીમ વનડે વર્લ્ડ ચેમ્પિયન બની ગઇ છે. વર્લ્ડકપ 2023 વિજેતા અને રનર અપ માટે પ્રાઈઝ મની પણ ઢગલાબંધ મળી છે. ઓસ્ટ્રેલિયાએ ભારતને હરાવીને ODI વર્લ્ડકપનું છઠ્ઠું ટાઇટલ જીત્યું. આ જીત બાદ ઓસ્ટ્રેલિયન ટીમ પર રૂપિયાનો વરસાદ થયો છે. જાણો અહીં ચેમ્પિયન ટીમને અને રનરઅપ ટીમને કેટલા કરોડ રૂપિયા મળ્યા.....

ઓસ્ટ્રેલિયાએ વર્લ્ડકપ 2023ની ફાઇનલમાં રોહિત શર્માની આગેવાની હેઠળની ભારતીય ટીમને હરાવીને ટાઇટલ જીત્યું હતું. ODI વર્લ્ડકપમાં ઓસ્ટ્રેલિયાનું આ છઠ્ઠું ટાઈટલ હતું.

આ જીત બાદ વિજયી ઓસ્ટ્રેલિયા પર પૈસાનો વરસાદ થયો હતો, માત્ર ઓસ્ટ્રેલિયા જ નહીં પરંતુ હારેલી ટીમ ઈન્ડિયાને પણ કરોડોની ઈનામી રકમ મળી છે.

ICC દ્વારા વર્લ્ડકપ 2023 માટે કુલ 10 મિલિયન યૂએસ ડૉલર (આશરે 83 કરોડ ભારતીય રૂપિયા)ની ઈનામી રકમની જાહેરાત કરવામાં આવી હતી.

વિજેતા ટીમ એટલે કે ઓસ્ટ્રેલિયાને ઈનામ તરીકે 4 મિલિયન યૂએસ ડૉલર (આશરે 33 કરોડ ભારતીય રૂપિયા) આપવામાં આવ્યા હતા.

હારેલી ટીમ એટલે કે રનર અપ ટીમ ઈન્ડિયાને પણ કરોડોની ઈનામી રકમ મળી. આઈસીસીએ ઉપવિજેતા ટીમને ઈનામી રકમ તરીકે 2 મિલિયન યૂએસ ડૉલર (આશરે 16 કરોડ ભારતીય રૂપિયા) આપ્યા હતા.

તમને જણાવી દઈએ કે ફાઈનલ મેચમાં પ્રથમ બેટિંગ કરતા ભારતીય ટીમ 240 રનના સ્કૉર પર ઓલઆઉટ થઈ ગઈ હતી. જવાબમાં ઓસ્ટ્રેલિયાએ 43 ઓવરમાં 4 વિકેટ ગુમાવીને 241 રનનો લક્ષ્યાંક હાંસલ કર્યો હતો.