FIFA World Cup Records: મિરોસ્લાવ ક્લોસે સૌથી વધુ ગોલ કર્યા છે, ટોપ-5માં સામેલ છે આ દિગ્ગજ

ફિફા વર્લ્ડ કપમાં સૌથી વધુ ગોલ કરવાનો રેકોર્ડ જર્મનીના દિગ્ગજ ખેલાડી મિરોસ્લાવ ક્લોઝના નામે છે. તેણે 24 મેચમાં 16 ગોલ કર્યા છે. તે 2002 થી 2014 દરમિયાન ચારેય વર્લ્ડ કપમાં જર્મનીની ટીમનો ભાગ રહ્યો છે.

બ્રાઝિલનો સ્ટાર ખેલાડી રોનાલ્ડો આ યાદીમાં બીજા સ્થાને છે. રોનાલ્ડોએ 19 મેચમાં 15 ગોલ કર્યા છે. રોનાલ્ડોએ 1998ના વર્લ્ડ કપમાં ચાર ગોલ કર્યા હતા. આ પછી, 2002 માં, તેણે 8 ગોલ કર્યા. તેણે 2002 વર્લ્ડ કપ ફાઇનલમાં બે ગોલ કરીને બ્રાઝિલને ખિતાબ અપાવ્યો હતો. આ પછી, રોનાલ્ડોએ 2006 વર્લ્ડ કપમાં પણ ત્રણ ગોલ કર્યા.

જર્મનીના સ્ટાર સ્ટ્રાઈકર ગેર્ડ મુલરે માત્ર બે વર્લ્ડ કપમાં 14 ગોલ કર્યા છે. મુલરે 1970માં 10 ગોલ કર્યા હતા. જેમાં બે હેટ્રિકનો સમાવેશ થાય છે. જો કે, 1970માં, પશ્ચિમ જર્મની સેમિફાઇનલમાં બહાર થઈ ગયું હતું. જો કે, બીજી જ આવૃત્તિમાં જર્મનીએ વર્લ્ડ કપ જીત્યો હતો. 1974 માં જોર્ડ મુલરે ચાર ગોલ કર્યા હતા.

ફ્રાંસના જસ્ટ ફોન્ટેનની ગણના ફ્રાન્સના શ્રેષ્ઠ સ્ટ્રાઈકરોમાં થાય છે. ફોન્ટેને માત્ર એક વર્લ્ડ કપમાં 13 ગોલ કર્યા હતા. તેણે આ કારનામું 1958ના વર્લ્ડ કપમાં કર્યું હતું. જોકે ફોન્ટેઈન આગામી વર્લ્ડ કપ રમી શક્યો ન હતો. ઈજાના કારણે તેની કારકિર્દી માત્ર 28 વર્ષની ઉંમરે ખતમ થઈ ગઈ.

ફૂટબોલ જગતના મહાન ખેલાડીઓમાંથી એક બ્રાઝિલના પેલે પણ આ યાદીમાં સામેલ છે. પેલેએ 14 મેચમાં 12 ગોલ કર્યા હતા. તેણે 1958માં 6 ગોલ, 1962 અને 1966માં એક-એક ગોલ અને 1970માં 4 ગોલ કર્યા હતા. આ ચારમાંથી બ્રાઝિલે ત્રણ વર્લ્ડ કપ જીત્યા હતા.