IPL 2025: ડિફેન્ડ કરતા સમયે એક પણ મેચ નથી જીતી શકી ચેન્નઇ, ધોનીની કેપ્ટનશીપમાં 'શરમનજક' આંકડા

MS Dhoni As Captain: એમએસ ધોની દુનિયાના શ્રેષ્ઠ કેપ્ટનોમાંના એક છે. પરંતુ આ વર્ષે ચેન્નઈ સુપર કિંગ્સે તેમની કેપ્ટનશીપ હેઠળ ખરાબ પ્રદર્શન કર્યું હતું. તેઓ ડિફેન્ડ કરતી વખતે એક પણ મેચ જીતી શક્યા નહીં.

એએમએસ ધોની

MS Dhoni As Captain: એમએસ ધોની દુનિયાના શ્રેષ્ઠ કેપ્ટનોમાંના એક છે. પરંતુ આ વર્ષે ચેન્નઈ સુપર કિંગ્સે તેમની કેપ્ટનશીપ હેઠળ ખરાબ પ્રદર્શન કર્યું હતું. તેઓ ડિફેન્ડ કરતી વખતે એક પણ મેચ જીતી શક્યા નહીં. ચેન્નઈ સુપર કિંગ્સને 5 IPL ટ્રોફી અપાવનાર એમએસ ધોની આ વર્ષે ટીમ માટે પોતાનો કેપ્ટનશીપનો જાદુ ચલાવી શક્યો નહીં. આ સીઝનમાં તેની કેપ્ટનશીપ હેઠળ ચેન્નઈ એક પણ મેચ ડિફેન્ડ કરીને જીતી શક્યું નથી.

ટીમના કેપ્ટન ઋતુરાજ ગાયકવાડ 5 મેચ પછી ઈજાના કારણે બહાર હતા. આ પછી ટીમની કેપ્ટનશીપ ધોનીને સોંપવામાં આવી હતી. ચેન્નઈ અને તેના ચાહકોને આશા હતી કે ધોની પોતાની કેપ્ટનશીપમાં શાનદાર પ્રદર્શન કરીને ટીમમાં પરિવર્તન લાવશે.

ધોનીને કેપ્ટનશીપ મળી તે પહેલાં ટીમ પાંચમાંથી ચાર મેચ હારી ગઈ હતી. તે 9મા સ્થાને હતી. બધાને આશા હતી કે ધોનીની કેપ્ટનશીપ હેઠળ ટીમ સારું પ્રદર્શન કરશે. જોકે આવું બન્યું નહીં. આ સીઝનમાં કેપ્ટન તરીકે ધોની ચાહકોની અપેક્ષાઓ પર ખરા ઉતરવામાં નિષ્ફળ ગયો હતો.

ધોનીએ આ સીઝનમાં 8 મેચમાં કેપ્ટનશીપ કરી છે. જેમાંથી તે ફક્ત બે મેચ જીતાડી શક્યો છે. આ સીઝનમાં બચાવ કરતી વખતે પણ ધોની પોતાનો કેપ્ટનશિપનો જાદુ ચલાવી શક્યો નહીં. તેમની કેપ્ટનશીપ હેઠળ ટીમે રનનો બચાવ કરતી વખતે 5 માંથી 5 મેચ હારી છે.

ધોનીએ પોતાની કેપ્ટનશીપ અને બેટિંગથી બધાને નિરાશ કર્યા હતા. ધોનીએ 13 મેચમાં 24.15ની સરેરાશથી 196 રન બનાવ્યા હતા. આ સમયગાળા દરમિયાન તેનો સ્ટ્રાઇક રેટ 135.18 હતો.

ચેન્નઈ પહેલાથી જ IPL 2025 માંથી બહાર થઈ ગયું છે. ચેન્નઈએ 13 માંથી ફક્ત ત્રણ મેચ જીતી છે. જ્યારે તેને 10માં હારનો સામનો કરવો પડ્યો હતો. તેઓ પોઈન્ટ ટેબલ પર 10મા સ્થાને છે. તેમની છેલ્લી મેચ 25 મેના રોજ ગુજરાત ટાઇટન્સ સામે છે.