IPL 2024: આ રીતે ઘરે બેસીને જ ખરીદી શકો છો આઇપીએલ 2024ની મેચોની ટિકીટો, જાણો.....

IPL 2024: IPLની 17મી સિઝન 22 માર્ચથી શરૂ થશે. મેચની ટિકિટનું ઓનલાઈન વેચાણ પણ શરૂ થઈ ગયું છે. તમે ઘરે બેઠા પણ તમારી ટિકિટ બુક કરાવી શકો છો. આ માટે તમારે શું કરવું પડશે તે અમને બતાવી રહ્યાં છીએ. આઈપીએલ 2024 શરૂ થવામાં હવે થોડા જ દિવસો બાકી છે. 22 માર્ચથી સમગ્ર દેશ IPLના રંગમાં રંગાઈ જશે.

ગયા વર્ષની જેમ આ વર્ષે પણ 10 ટીમો IPL ટાઇટલ જીતવા માટે મેદાનમાં ઉતરશે. આ વર્ષે ઘણા મોટા ખેલાડીઓ પણ મેદાનમાં પરત ફરશે.

જેમાં ઋષભ પંત, જસપ્રીત બુમરાહ, શ્રેયસ અય્યર, પીટ કમિન્સ અને મિચેલ સ્ટાર્ક જેવા દિગ્ગજ ખેલાડીઓના નામ સામેલ છે. તમને જણાવી દઈએ કે મિચેલ સ્ટાર્ક IPLના ઈતિહાસનો સૌથી મોંઘો ખેલાડી બની ગયો છે. KKRએ તેને 24.75 કરોડ રૂપિયામાં ખરીદ્યો છે.

IPL 2024ની ટિકિટોનું ઓનલાઈન વેચાણ પણ શરૂ થઈ ગયું છે. તમે ઘરે બેઠા પણ તમારી ટિકિટ બુક કરાવી શકો છો. આ માટે તમારે Paytm Insider પર જવું પડશે.

Paytm Insider પરથી ઓનલાઈન ટિકિટ ખરીદવા માટે, તમારે વેબસાઈટ https://insider.in/ipl-indian-premier-leagueની આ લિંક પર જવું પડશે.

આ પછી તમારે તમારું શહેર પસંદ કરવાનું રહેશે. અને પછી તે મુજબ આગામી મેચોની ટિકિટો તમને બતાવવામાં આવશે.

જો તમે ઇચ્છો તો તમે ટીમોની સત્તાવાર વેબસાઇટની મુલાકાત લઈને પણ ટિકિટ બુક કરી શકો છો. મુંબઈ ઈન્ડિયન્સ અને રોયલ ચેલેન્જર્સ ટીમોની મેચોની ટિકિટ. તમે આ ટીમોની ઓફિશિયલ વેબસાઇટની મુલાકાત લઈને બુક કરી શકો છો.