Photos:કોણ છે પંજાબ કિંગ્સનો આશુતોષ શર્મા, જેણે ક્રિકેટ રમવા આઠ વર્ષની ઉંમરે છોડ્યું હતું ઘર

Ashutosh Sharma Story: પંજાબ કિંગ્સના ક્રિકેટર આશુતોષ શર્માએ ક્રિકેટ રમવા માટે આઠ વર્ષની ઉંમરે ઘર છોડી દીધું હતું. આ સિવાય તે એક સમયના ભોજન માટે ક્લબ મેચોમાં અમ્પાયરિંગ પણ કરતો હતો. આશુતોષ શર્માએ મુંબઈ ઈન્ડિયન્સ સામે શાનદાર ઈનિંગ રમી હતી. IPL 2024માં પંજાબ કિંગ્સ તરફથી રમી રહેલો આશુતોષ ખૂબ જ સારા ફોર્મમાં જોવા મળી રહ્યો છે. પરંતુ આશુતોષ માટે અહીં પહોંચવું બિલકુલ સરળ ન હતું. (ફોટોઃ સોશિયલ મીડિયા )

આશુતોષે ક્રિકેટ રમવા માટે ઘણા સંઘર્ષનો સામનો કરવો પડ્યો હતો. તેણે ક્રિકેટર બનવા માટે 8 વર્ષની ઉંમરે ઘર છોડી દીધું હતું. (ફોટોઃ સોશિયલ મીડિયા )

આ સિવાય આશુતોષ પર એક એવો સમય પણ આવ્યો જ્યારે તેના માટે પોતાનું ગુજરાન ચલાવવું પણ મુશ્કેલ બની ગયું. (ફોટોઃ સોશિયલ મીડિયા )

આશુતોષે પોતાના એક ઈન્ટરવ્યુમાં ખુલાસો કર્યો હતો કે, તેણે રોજીરોટી મેળવવા માટે એક વખત ક્લબ મેચોમાં અમ્પાયરિંગ કર્યું હતું.નોંધનીય છે કે IPL 2024ની મીની ઓક્શનમાં તેને પંજાબ કિંગ્સે 20 લાખ રૂપિયામાં ખરીદ્યો હતો. હવે 20 લાખની કિંમતનો આશુતોષ પંજાબ માટે કરોડોની કિંમતના ખેલાડીનું કામ કરી રહ્યો છે. (ફોટોઃ સોશિયલ મીડિયા )

નોંધનીય છે કે આશુતોષે આ સીઝનમાં અત્યાર સુધી ચાર ઇનિંગ્સમાં બેટિંગ કરી છે. આશુતોષે ચારેય ઇનિંગ્સમાં 30 રનનો આંકડો પાર કર્યો છે, જેમાં તેનો હાઇ સ્કોર 61 રન હતો. (ફોટોઃ સોશિયલ મીડિયા )