World Cup 2023: વિરાટ કોહલી છે આ વર્લ્ડકપમાં સૌથી અમીર ખેલાડી, જુઓ લિસ્ટમાં અન્ય કેટલા ભારતીય સામેલ?

વન-ડે વર્લ્ડ કપ 2023 5 ઓક્ટોબરથી શરૂ થઈ રહ્યો છે. આ વર્લ્ડ કપના ટોપ-5 સૌથી અમીર ક્રિકેટરોમાં ઓસ્ટ્રેલિયાના ત્રણ ખેલાડીઓ સામેલ છે.

વર્લ્ડ કપ 2023નો સૌથી અમીર ખેલાડી વિરાટ કોહલી છે. બીસીસીઆઈ અને આઈપીએલ કોન્ટ્રાક્ટ હેઠળ તેને માત્ર મોટી રકમ જ મળતી નથી તે તેની લોકપ્રિયતાને કારણે બ્રાન્ડ એન્ડોર્સમેન્ટ દ્વારા સારી કમાણી પણ કરે છે. કિંગ કોહલીએ પણ ઘણા મોટા રોકાણ કર્યા છે. તેમની અંદાજિત સંપત્તિ 950 કરોડ રૂપિયાથી વધુ છે. વિરાટ કોહલી પોતાની એક ઈન્સ્ટાગ્રામ પોસ્ટ દ્વારા 7 કરોડ રૂપિયા કમાય છે.

આ વર્લ્ડ કપનો બીજો સૌથી અમીર ખેલાડી ઓસ્ટ્રેલિયાનો કેપ્ટન પેટ કમિન્સ છે. તેની અંદાજિત સંપત્તિ 350 કરોડ રૂપિયાથી વધુ છે. ઓસ્ટ્રેલિયન ટીમના કેપ્ટન બન્યા બાદ તેની સંપત્તિમાં નોંધપાત્ર વધારો થયો છે.

આ યાદીમાં ભારતીય કેપ્ટન રોહિત શર્મા ત્રીજા નંબર પર છે. તે 210 કરોડથી વધુની સંપત્તિનો માલિક છે.

ઓસ્ટ્રેલિયાના દિગ્ગજ બેટ્સમેન સ્ટીવ સ્મિથ પણ અહીં રોહિત શર્માથી પાછળ નથી. તેની સંપત્તિ 200 કરોડથી વધુ હોવાનું પણ માનવામાં આવે છે.

આ યાદીમાં ટોપ-5માં છેલ્લું નામ પણ ઓસ્ટ્રેલિયાનું છે. કાંગારૂ ટીમનો ફાસ્ટ બોલર મિશેલ સ્ટાર્ક 150 કરોડ રૂપિયાથી વધુની સંપત્તિનો માલિક છે.