Samsung યૂઝર્સની બલ્લે-બલ્લે, AI ફિચર્સ આવ્યા બાદ ચપટી વગાડતાં જ કરી શકશો વીડિયો એડિટ

જો તમે સેમસંગ યૂઝર છો તો કંપની તમને આવનારા સમયમાં એક મોટી ભેટ આપવા જઈ રહી છે

(તસવીર- સોશ્યલ મીડિયા પરથી)

AI Video Editing Feature: સેમસંગ ગેલેક્સી અનપેક્ડ ઈવેન્ટનું આયોજન જુલાઈ મહિનામાં કરવામાં આવી શકે છે, જ્યાં આ ફિચર વિશે માહિતી મળી શકે છે. આ વર્ષે સેમસંગની આ ઈવેન્ટ પેરિસમાં યોજાઈ શકે છે.

જો તમે સેમસંગ યૂઝર છો તો કંપની તમને આવનારા સમયમાં એક મોટી ભેટ આપવા જઈ રહી છે. એક લીક થયેલા રિપોર્ટમાં સામે આવ્યું છે કે સેમસંગ એઆઈ વીડિયો એડિટિંગ ફિચર લાવવાની તૈયારી કરી રહ્યું છે, જેના પછી તમે પળવારમાં વીડિયો એડિટ કરી શકશો.

ટિપસ્ટર આઈસ યૂનિવર્સે સોશિયલ મીડિયા પ્લેટફોર્મ X પર પોસ્ટ કર્યું કે સેમસંગ વીડિયો AI ફિચર પર કામ કરી રહ્યું છે. સેમસંગે Galaxy S24 સિરીઝ સાથે જનરેટિવ AI ફોટો એડિટિંગ ફિચર ઉમેર્યું છે.

આ ફોટો એડિટિંગ ફિચર યૂઝર્સને બિનજરૂરી વસ્તુઓને દૂર કરવા અથવા ફોટોની અંદર તેમની સ્થિતિ બદલવાની મંજૂરી આપે છે. વિડીયો એડિટ કરવા માટે હજુ સુધી આવી કોઈ સુવિધા નથી.

આ AI વીડિયો ફિચર એડિટિંગ ટૂલને સંકેત આપે છે, જે ફોટો એડિટરની જેમ જ ફોટાને એડિટ કરી શકે છે. તે આ ફોટા માટે નહીં પરંતુ વીડિયો માટે કરશે. વેલ, હજુ સુધી આ અંગે કંઈપણ પુષ્ટિ થઈ નથી. જો કે, તે આગામી ગેલેક્સી અનપેક્ડ ઇવેન્ટમાં જાહેર થઈ શકે છે.

સેમસંગ ગેલેક્સી અનપેક્ડ ઈવેન્ટનું આયોજન જુલાઈ મહિનામાં થઈ શકે છે. એક રિપોર્ટમાં કહેવામાં આવ્યું છે કે આ વર્ષે સેમસંગ પેરિસમાં આ ઈવેન્ટનું આયોજન કરી શકે છે. આ ઉપરાંત સેમસંગ તેના આગામી ફોલ્ડેબલ ફોનમાં નવું મોડલ પણ લૉન્ચ કરી શકે છે.

કંપની આગામી ઇવેન્ટમાં ગેલેક્સી રિંગનું અનાવરણ કરી શકે છે. તેની પ્રથમ સ્માર્ટ રિંગ આ વર્ષે યોજાયેલા MWC 2024માં રજૂ કરવામાં આવી હતી. મોબાઈલ વર્લ્ડ કોંગ્રેસમાં રિંગની ડિઝાઈનનું અનાવરણ કરવામાં આવ્યું હતું.