Upcoming Smartphone: વનપ્લસથી લઇને આઇક્યૂ સુધી, જુઓ આગામી સમયમાં આવનારા બેસ્ટ સ્માર્ટફોનનું લિસ્ટ.....

Upcoming Smartphone: ભારતમાં ટેક માર્કેટ અને સ્માર્ટફોન માર્કેટમાં ઝડપથી વધારો થઇ રહ્યો છે. આગામી સમયમાં પણ કેટલીય કંપનીઓ પોતાના હાઇટેક અને બજેટ સ્માર્ટફોન લૉન્ચ કરવાની તૈયારી કરી રહી છે. ખાસ કરીને આમાં સારા પરફોર્મન્સ, શાનદાર કેમેરા અને મજબૂત બેટરી બેકઅપ સાથે કેટલાક હાઈ એન્ડ સ્માર્ટફોન ટૂંક સમયમાં ભારતીય બજારમાં લૉન્ચ થવા જઈ રહ્યા છે, જાણો આ અપકમિંગ સ્માર્ટફોન્સ વિશે....

iQOO 12: IQ આવતા મહિને ભારતમાં iQOO 12 સ્માર્ટફોન લૉન્ચ કરશે. ભારતમાં આ પહેલો સ્માર્ટફોન છે જેમાં Qualcomm નું લેટેસ્ટ ચિપસેટ છે. આ સ્માર્ટફોન 12 ડિસેમ્બરે લૉન્ચ થશે, જેને તમે Amazon દ્વારા ખરીદી શકશો.

તમે IQOO 12 માં ફ્લેટ ડિસ્પ્લે અને પાતળી બેઝલ્સ જોશો. ફોનમાં 1.5k રિઝૉલ્યૂશન સાથે 6.78 ઇંચ પંચ હૉલ OLED ડિસ્પ્લે હશે જે 144hz ના રિફ્રેશ રેટ અને 3000 nits ની પીક બ્રાઇટનેસ સાથે આવશે. સ્માર્ટફોનની સુરક્ષા માટે તમને ઇન-ડિસ્પ્લે ફિંગરપ્રિન્ટ સેન્સર મળશે.

ફોટોગ્રાફી માટે તમે ફોનમાં ત્રિપલ કેમેરા સેટઅપ જોઈ શકો છો જેમાં 50MP મુખ્ય કેમેરા, 50MP અલ્ટ્રા વાઈડ લેન્સ અને 64MP પેરિસ્કોપ લેન્સ હોઈ શકે છે. સેલ્ફી અને વીડિયો કૉલિંગ માટે કંપની ફ્રન્ટ પર 16MP કેમેરા આપી શકે છે. આ મોબાઈલ ફોન 5000 mAh બેટરી સાથે લૉન્ચ કરવામાં આવશે જે 120 વોટ ચાર્જિંગને સપોર્ટ કરશે. આ સ્માર્ટફોનમાં તમને 3X ઓપ્ટિકલ ઝૂમ અને 100x ડિજિટલ ઝૂમની સુવિધા મળશે.

OnePlus 12: IQOO 12 ની જેમ, આગામી OnePlus 12 પણ તેના સક્સેસર કરતાં મોટું અપગ્રેડ હશે અને તમને Snapdragon 8 Gen 3 SoC મળશે. કેમેરાની વાત કરીએ તો તેમાં તમને ત્રિપલ કેમેરા સેટઅપ મળશે જેમાં પેરિસ્કોપ ઝૂમ લેન્સ સામેલ છે. આ પહેલીવાર છે જ્યારે OnePlus તેના નોન-ફૉલ્ડેબલ ફોનમાં આ લેન્સ ઓફર કરી રહ્યું છે.

OnePlus 12 ને BoE દ્વારા અત્યાધુનિક 2K રિઝૉલ્યૂશન 120Hz ડિસ્પ્લે મળશે. તે તેજસ્વી અને રંગ-સચોટ પેનલ હોવાનું કહેવાય છે જે 3,000 નિટ્સથી વધુ તેજ પ્રદાન કરશે. સ્માર્ટફોનમાં 100W ફાસ્ટ ચાર્જિંગ માટે સપોર્ટ સાથે મોટી 5,400 mAh બેટરી સામેલ હોવાનું અનુમાન છે. આમાં તમને આઉટ-ઓફ-ધ-બોક્સ, એન્ડ્રોઇડ 14 આધારિત ઓક્સિજન OS 14નો સપોર્ટ મળશે.

OnePlus 12R: કંપની આ સ્માર્ટફોનને લગભગ 40,000 રૂપિયામાં લૉન્ચ કરી શકે છે. આમાં તમને Snapdragon 8 Gen 2 SoCનો સપોર્ટ મળશે.

Vivo X100 અને X100 Pro: આ સીરીઝ MediaTek Dimensity 9300 SoC સાથે લૉન્ચ કરવામાં આવશે અને તમને તેમાં Zeiss કેમેરા સેટઅપ મળશે. કંપનીએ આ બંને ફોનને ચીનમાં લૉન્ચ કર્યા છે અને તેમની કિંમત 50,000 રૂપિયાથી શરૂ થાય છે.

ટૂંક સમયમાં જ Xiaomi Xiaomi 14 Pro અને Redmi Note 13 Pro+ સ્માર્ટફોન પણ લૉન્ચ કરશે. તમને Redmi Note 13 Pro+ માં 200MP નો કેમેરો મળશે.