જાણો છો, દુનિયાભરના સ્માર્ટફોન યૂઝર્સ આ Mobile Appsનો કરે છે વધુ ઉપયોગ, તમારા ફોનમાં કઇ છે ?

Most Popular Apps: દુનિયાભરમાં કરોડો લોકો સ્માર્ટફોનનો ઉપયોગ કરી રહ્યાં છે, આજકાલ સ્માર્ટફોન અને ઇન્ટરનેટ વિના લોકોની જિંદગી અધુરી થઇ ગઇ છે. અહીં અમે તમને એવી સ્ટૉરી બતાવી રહ્યાં છીએ, જેમાં તમે જાણી શકશો કે દુનિયાભરના સ્માર્ટફોન યૂઝર્સ પોતાના મોબાઇલ ફોનમાં કઇ એપ્સને વધુ રાખે છે. જાણો તમારા ફોનમાં આ એપ્સમાંથી કઇ કઇ ઇન્સ્ટૉલ્ડ છે....

ટિકટૉક - છેલ્લા ત્રણ વર્ષથી TikTok દુનિયાભરમાં ખુબ જ લોકપ્રિય એપ બની ગઈ છે. ભારતમાં પ્રતિબંધિત હોવા છતાં આના યૂઝર્સ કરોડોમાં છે. આ પછી Instagram અને Facebook વિશ્વભરમાં ઉપયોગમાં લેવાતી લોકપ્રિય એપ્લિકેશન છે. આ એપ્સ આજે મોટાભાગના મોબાઈલ ફોન યૂઝર્સના ફોનમાં ઈન્સ્ટૉલ છે.

વૉટ્સએપ - આખી દુનિયામાં Whatsapp નો પણ ઘણો ઉપયોગ થાય છે. આ એપ દ્વારા લોકો એકબીજાને પૈસા ચૂકવે છે અને એકબીજા સાથે જોડાયેલા રહે છે. કૉમ્યૂનિકેશનની દ્રષ્ટિએ તે એક મહત્વપૂર્ણ એપ બની ગઈ છે.

કેપકટ - ટિકટૉકની જેમ કેપકટ એપ પણ ઘણી લોકપ્રિય છે. આ એપ લોકોને શૉર્ટ્સ વીડિયો બનાવવા અને સંપાદિત કરવાની મંજૂરી આપે છે. આ પછી ટેલિગ્રામ પણ આખી દુનિયામાં લોકપ્રિય છે. તાજેતરમાં કંપનીએ સ્ટૉરી ફિચરને વૈશ્વિક સ્તરે રિલીઝ કર્યું છે. યૂઝર્સ 48 કલાક માટે ટેલિગ્રામમાં સ્ટૉરી સેટ કરી શકે છે.

સ્નેપચેટ અને સ્પૉટીફાય - Snapchat અને Spotify પણ લોકપ્રિય એપમાં સામેલ છે. Snapchat તેના અદૃશ્ય થઈ રહેલા સંદેશાઓ અને AR ફિલ્ટર્સ માટે જાણીતી છે. Spotify એપ્લિકેશન દ્વારા યૂઝર્સ પોતાના મનપસંદ ઓડિયો સાંભળી શકે છે.

આ ઉપરાંત, તમને મોટાભાગના લોકોના ફોનમાં Jio Cinema, WhatsApp Business, Shein, Twitter, YouTube, Netflix, Amazon Prime વગેરે જેવી એપ્સ પણ જોવા મળશે. આ સિવાય આજકાલ લોકોના ફોનમાં કેનવા અને પિકાસર્ટ જેવી એડિટિંગ એપ્સ પણ ઈન્સ્ટૉલ છે.