BSNL નો એક મહિનાનો સસ્તો રિચાર્જ પ્લાન, અનલિમિટેડ કોલિંગ સાથે મળશે 300GB ડેટા

BSNL નો એક મહિનાનો સસ્તો રિચાર્જ પ્લાન, અનલિમિટેડ કોલિંગ સાથે મળશે 300GB ડેટા

પ્રતિકાત્મક તસવીર

BSNL એ કરોડો યુઝર્સ માટે અનેક સસ્તા રિચાર્જ પ્લાન લોન્ચ કર્યા છે. સરકારી ટેલિકોમ કંપની પાસે આવો જ એક સસ્તો રિચાર્જ પ્લાન છે જેમાં આખા મહિના માટે વેલિડિટી મળે છે. આ ઉપરાંત આ પ્લાનમાં યુઝર્સને અનલિમિટેડ કૉલિંગ, ડેટા સહિત અનેક લાભ આપવામાં આવે છે.

BSNLએ પોતાના સત્તાવાર X હેન્ડલ પરથી આ પ્લાન વિશે માહિતી શેર કરી છે. ભારત સંચાર નિગમ લિમિટેડનો આ રિચાર્જ પ્લાન ₹349માં આવે છે. આ પ્રીપેડ રિચાર્જ પ્લાનમાં મળતા લાભોની વાત કરીએ તો યુઝર્સને સમગ્ર ભારતમાં અનલિમિટેડ કૉલિંગની સુવિધા મળે છે. આ ઉપરાંત સમગ્ર ભારતમાં મફત નેશનલ રોમિંગનો લાભ પણ મળે છે.

BSNLનો આ પ્રીપેડ પ્લાન 300GB હાઈ-સ્પીડ ડેટા સાથે આવે છે. તેમાં દરરોજની ડેટા વપરાશની કોઈ મર્યાદા નથી, એટલે કે યુઝર્સ આ ડેટાનો ઉપયોગ પોતાની જરૂરિયાત મુજબ ગમે ત્યારે કરી શકે છે. આ ઉપરાંત યુઝર્સને દરરોજ 100 મફત SMS મોકલવાની સુવિધા પણ આપવામાં આવે છે. આ પ્રીપેડ પ્લાનમાં 28 દિવસની વેલિડિટી મળે છે.

સરકારી ટેલિકોમ કંપની પોતાના બે STV રિચાર્જ પ્લાન સાથે ₹1 લાખનું અકસ્માત વીમા કવચ અને સાયબર ફ્રોડ વીમા કવચ આપી રહી છે. ભારત સંચાર નિગમ લિમિટેડ પોતાના આ બંને પ્લાન સાથે વેલ્યૂ એડેડ પ્રોટેક્શનની સુવિધા આપી રહી છે. આ ઉપરાંત, યુઝર્સને આ પ્લાનમાં કૉલિંગ, ડેટા સહિત અનેક પ્રકારના લાભ પણ મળશે.

સરકારી ટેલિકોમ કંપની પોતાના ₹202 અને ₹2,449ના STV એટલે કે સ્પેશિયલ ટેરિફ વાઉચર સાથે આ વેલ્યૂ એડેડ પ્રોટેક્શનની સુવિધા આપી રહી છે. આ બંનેમાંથી કોઈપણ પ્લાનથી મોબાઇલ નંબર રિચાર્જ કરાવવા પર યુઝર્સને ₹1 લાખનું પર્સનલ એક્સિડેન્ટલ ઇન્શ્યોરન્સ કવર મળશે. આ ઉપરાંત, ₹10,000ના સાયબર ઇન્શ્યોરન્સ કવરનો લાભ પણ મળશે.

Continues below advertisement

પર્સનલ એક્સિડેન્ટલ ઇન્શ્યોરન્સ કવરની વાત કરીએ તો માર્ગ અકસ્માત, આગથી દાઝી જવું, સર્પદંશ, વીજળી પડવી અને ઇલેક્ટ્રિક શૉક લાગવા જેવી ઘટનાઓમાં આ વીમાનો લાભ મળી શકે છે. આ ઉપરાંત, કોઈપણ પ્રકારની સાયબર છેતરપિંડીનો ભોગ બનવા પર પણ યુઝર્સને સાયબર ઇન્શ્યોરન્સનો લાભ મળી શકે છે.