બાળકો દિવસમાં માત્ર 2 કલાક જ મોબાઈલ જોઈ શકશે, જાણો ક્યાં બનવાનો છે આવો નિયમ

સમગ્ર વિશ્વમાં બાળકો દ્વારા સ્માર્ટફોનના ઉપયોગમાં ખૂબ જ વધારો થઈ રહ્યો છે. બાળકો વધુ પડતો સ્માર્ટફોનનો ઉપયોગ કરતા હોવાથી માતા-પિતા પણ પરેશાન છે. ચીનની સાઇબર રેગ્યુલેટર સંસ્થાએ ભલામણ કરી છે કે 18 વર્ષથી ઓછી વયના બાળકો માટે ફોનનો ઉપયોગ કરવાની લિમિટ નક્કી કરવામાં આવે. રેગ્યુલેટરે 2 કલાકની લિમિટ નક્કી કરવાનું સૂચન આપ્યું છે. બાળકોમાં સ્માર્ટફોનનો ઉપયોગ દિવસમાં બે કલાક સુધી મર્યાદિત કરી દેવો જોઈએ. આ પ્રતિબંધને સફળ કરવા માટે તમામ ટેકનોલોજી કંપનીઓને આવો મોડ લગાવવો જોઈએ જેનાથી બાળકો ઈન્ટરનેટનો ઉપયોગ ન કરી શકે.

એક રિપોર્ટ અનુસાર ચીને પાંચ અલગ-અલગ ઉંમરના જૂથ માટે પ્રતિબંધોનું સૂચન કર્યું છે, જેમાં 3 થી નાની, 3-8, 8-12, 12-16 અને 16-18ની ઉંમર ધરાવતા બાળકો હશે. આ તમામનો મોડ અલગ-અલગ હશે. 3 વર્ષથી નાની ઉંમરના બાળકો માટે પ્રત્યેક દિવસ માત્ર 40 મિનિટની પરવાનગી હશે. 8થી 16 વર્ષ ની વચ્ચેની ઉંમર ધરાવતા બાળકો માટે આ સમય મર્યાદા 1 કલાક સુધીની હશે. 16 થી 18 વર્ષની ઉંમર ધરાવતા બાળકો મોબાઈલ ફોનનો ઉપયોગ માત્ર બે કલાક સુધી કરી શકશે. તેઓ રાતના 10 વાગ્યાથી સવારના 6 વાગ્યા સુધી ઈન્ટરનેટ એક્સેસ કરી શકશે નહીં.

સમગ્ર વિશ્વ વધુ સ્ક્રીન ટાઈમથી પરેશાન છે. આ કારણે ક્યાંક લોકોની આંખો બગડી રહી છે તો ક્યાંક લોકો ડિપ્રેશનમાં જઈ રહ્યા છે. આ સમસ્યાઓના ઉકેલ માટે ચીને તૈયારીઓ શરૂ કરી દીધી છે. ચીનની સાયબર રેગ્યુલેટરી બોડીએ ભલામણ કરી છે કે 18 વર્ષથી ઓછી ઉંમરના બાળકોના મોબાઈલના ઉપયોગની મર્યાદા નક્કી કરવી જોઈએ. આ સંસ્થાનું કહેવું છે કે આ વયજૂથના બાળકો માટે દિવસમાં માત્ર 2 કલાક મોબાઈલનો ઉપયોગ કરવાની મર્યાદા રાખવી જોઈએ.

આ સંસ્થાનું કહેવું છે કે 2 કલાકની મર્યાદા નક્કી કરવાથી બાળકોનો સમય પણ બચશે અને તેઓ સ્વસ્થ પણ રહેશે. જો કે, તેનાથી ઇન્ટરનેટ અને ટેક કંપનીઓને નુકસાન થઈ શકે છે. ચર્ચા છે કે ચીનની સરકાર આ સૂચનોને ગંભીરતાથી વિચારી રહી છે અને આવા નિયમો પણ બનાવી શકે છે.

આ સંસ્થા ભલામણ કરે છે કે બાળકોને રાત્રે 10 વાગ્યાથી સવારે 6 વાગ્યા સુધી મોબાઈલનો ઉપયોગ કરવાની મંજૂરી આપવી જોઈએ નહીં.

મોબાઈલના ઉપયોગની મહત્તમ મર્યાદા બે કલાક રાખવી જોઈએ. તેમાંથી 8 થી 16 વર્ષના બાળકોને માત્ર એક કલાક અને 16 થી 18 વર્ષના કિશોરોને 2 કલાક મોબાઈલ વાપરવાની છૂટ આપવી જોઈએ. સંસ્થાનું સૂચન છે કે 8 વર્ષથી નીચેના બાળકોને માત્ર 8 મિનિટ માટે જ મોબાઈલનો ઉપયોગ કરવાની છૂટ આપવી જોઈએ.

(તમામ તસવીરો સોશિયલ મીડિયા)