AC Power Saving Tips: તમારા AC ના બિલને ઘટાડવા માટે આ સરળ ઉપાય કરો

ઉનાળાની શરૂઆત સાથે તાપમાનમાં વધારો થયો છે. હીટવેવના કારણે પંખા હવે ઠંડક આપી શકતા નથી.

પ્રતિકાત્મક તસવીર

AC Power Saving: કાળઝાળ ગરમીમાં સતત વધારો થઈ રહ્યો છે. તાપમાન 40 ડિગ્રીને પાર પહોંચી ગયું છે. આવી સ્થિતિમાં AC બિલ તમારા ખિસ્સા પર ખૂબ જ ભાર આપવાનું છે, પરંતુ નીચે દર્શાવેલ કેટલીક ટીપ્સને અનુસરીને તમે તમારા AC બિલને નોંધપાત્ર રીતે ઘટાડી શકો છો.

લોકો રૂમને ઠંડુ રાખવા માટે તેને 16-18 ડિગ્રી પર સેટ કરે છે. પરંતુ તમને જણાવી દઈએ કે બ્યુરો ઓફ એનર્જી એફિશિયન્સી અનુસાર, AC 24-26 ડિગ્રી પર પણ ચલાવી શકાય છે. આ તમારા બિલમાં 6 ટકા સુધીનો ઘટાડો કરી શકે છે.

AC ચલાવતા સમયે તમે રૂમમાં પંખો ચલાવી શકો છો. AC સાથે પંખો ચલાવવાથી ઠંડી હવા ઓરડાના દરેક ખૂણામાં સમાન રીતે પહોંચે છે અને રૂમને ઝડપથી ઠંડો કરે છે.

ધૂળથી બચવા અને ઠંડી હવા આપવા માટે એસીમાં ફિલ્ટર લગાવવામાં આવ્યું છે. આ ફિલ્ટરને સમય સમય પર સાફ કરવું જોઈએ. જો આ ફિલ્ટર ગંદુ રહે છે, તો રૂમને ઠંડુ કરવા માટે ACને વધુ લોડ લેવો પડશે, જેના કારણે તમારું વીજળીનું બિલ પણ વધુ આવશે.

AC થી થતા ખર્ચને ઓછો કરવા માંગો છો તો સૌથી પહેલા જ્યારે ACના ઉપયોગની જરુર ન હોય ત્યારે તેને બંધ કરો. આખી રાત સતત AC ચલાવવાને બદલે થોડા સમય માટે ટાઈમર સેટ કરવું વધુ સારું છે.

Continues below advertisement

તમે ઈચ્છો છો કે એસી રૂમ લાંબા સમય સુધી ઠંડો રહે તો તમારે બધી બારી-બારણા બંધ રાખવા જોઈએ. જો ઠંડી હવા નીકળી રહી છે, તો તમારા ACને વધુ મહેનત કરવી પડશે.