ગરમીમાં AC ઓન કરતા પહેલા આ 5 બાબતો ધ્યાનમાં રાખવી જોઈએ, જાણો અહીં

ગરમીમાં AC ઓન કરતા પહેલા આ 5 બાબતો ધ્યાનમાં રાખવી જોઈએ, જાણો અહીં

AC ઓન કરતા પહેલા આ 5 બાબતો ધ્યાનમાં રાખો

લાંબા સમય સુધી બંધ રહેવાથી AC ની અંદર ધૂળ જમા થઈ શકે છે. તેથી, પહેલી વાર ઉપયોગ કરતા પહેલા તેની સર્વિસ કરાવવી ખૂબ જ જરુરી છે. જો ટેકનિશિયન દ્વારા સંપૂર્ણ સર્વિસ તાત્કાલિક શક્ય ન હોય તો ઓછામાં ઓછું ફિલ્ટર સાફ કરો. ગંદા ફિલ્ટર ઠંડક ઘટાડે છે અને પાવર વપરાશને વધારે છે.

ઘરની સામાન્ય સફાઈ દરમિયાન તમે ફિલ્ટરને ધોઈ શકો છો, સોફ્ટ બ્રશથી કોઇલમાંથી ધૂળ દૂર કરી શકો છો અને બારી અથવા સ્પ્લિટ AC ના આઉટડોર યુનિટ પરની કોઈપણ ગંદકીને પાણીના જોરદાર પ્રવાહથી સાફ કરી શકો છો.

સ્પ્લિટ AC ના આઉટડોર યુનિટની જાળી પર ધૂળ એકઠી થવી સામાન્ય છે. આ બ્લોકેજ ઠંડકને અસર કરે છે અને મશીન પર વધારાનો તાણ લાવે છે. જાળીને સાફ કરો અને ખાતરી કરો કે યુનિટની આસપાસ યોગ્ય હવા પ્રવાહ જાળવવા માટે પૂરતી જગ્યા છે. AC ચાલુ કર્યા પછી કોમ્પ્રેસર અથવા પંખામાંથી કોઈપણ અસામાન્ય અવાજો નથી આવતા તે તપાસો. જો તમને જોરથી ખડખડાટ અવાજ સંભળાય તો તેને તાત્કાલિક બંધ કરો અને તેની તપાસ કરો.

જો ડ્રેન પાઇપ લાંબા સમય સુધી બંધ રાખવામાં આવે તો તેની અંદર ગંદકી જમા થઈ શકે છે, જેના કારણે પાણી ટપકવું અથવા લીક થઈ શકે છે. AC ચાલુ કરતા પહેલા પાઈપોની સ્થિતિ તપાસો જેથી પછીથી રૂમમાં પાણી લીક થવા જેવી સમસ્યાઓ ટાળી શકાય.

AC એક હાઇ-પાવર ડિવાઇસ છે, તેથી તેના પ્લગ, વાયર અને સ્ટેબિલાઇઝર સારી સ્થિતિમાં હોવા જોઈએ. કનેક્શનમાં તકલીફ હોય અથવા તૂટેલા વાયર શોર્ટ સર્કિટનું જોખમ વધારી શકે છે. ઉપરાંત, ખાતરી કરો કે સ્ટેબિલાઇઝર યોગ્ય રીતે કામ કરી રહ્યું છે જેથી વોલ્ટેજ વધઘટ કોમ્પ્રેસરને નુકસાન ન પહોંચાડે.

Continues below advertisement

AC ને સીધા કૂલિંગ મોડમાં ચલાવવાને બદલે તેને થોડા સમય માટે ફેન મોડમાં ચલાવવું શ્રેષ્ઠ છે. તેનાથી અંદર જામેલી ધૂળ બહાર નિકળી શકે છે અને મશીનની શરુઆતની સ્થિતિનો અંદાજ પણ લગાવી શકાય છે. જો કોઈ ટેકનિકલ સમસ્યા હશે તો કોમ્પ્રેસર પર દબાણ નાખ્યા વગર સામે આવી જશે.