Google Maps: ગૂગલ મેપનો ઉપયોગ કરવો પડ્યો ભારે, જંગલમાં અઠવાડિયા સુધી ફસાયેલા રહ્યાં ટૂરિસ્ટ, નદીમાં મગરો પણ મળ્યા ને.....

Google Maps Wrong Route Details: લોકો તેમના ગંતવ્ય સ્થાન સુધી પહોંચવા અને ટ્રાફિકની સ્થિતિ જાણવા માટે ગૂગલ મેપનો ઉપયોગ કરે છે. પરંતુ ગૂગલ મેપ્સે બે જર્મન પ્રવાસીઓના જીવ તલ્લે ચઢાવ્યા છે. અને આ કારણે બંનેને એક અઠવાડિયા સુધી જંગલમાં ફસાયેલા રહેવું પડ્યું હતુ.

વાસ્તવમાં બે જર્મન પ્રવાસીઓ ફિલિપ માયર અને માર્સેલ શિયોન ઓસ્ટ્રેલિયા પહોંચ્યા હતા. અહીં બંનેએ એક જગ્યાએથી બીજા શહેરમાં જવા માટે ગૂગલ મેપનો ઉપયોગ કર્યો હતો. થોડે દૂર ગયા બાદ તેમની કાર જંગલમાં કાદવમાં ફસાઈ ગઈ હતી.

શરૂઆતમાં બંનેએ અસ્થાયી આશ્રયસ્થાન બનાવવાનો પ્રયાસ કર્યો, પરંતુ જ્યારે આ યોજના સફળ ન થઈ, ત્યારે બંનેએ ત્યાંથી પગપાળા જવાનું યોગ્ય ગણ્યુ, ફિલિપ અને માર્સેલે જણાવ્યું કે અમે આ પ્રવાસ પર નીકળતા પહેલા ગૂગલ મેપ્સનો ઉપયોગ કરવાનું નક્કી કર્યું, કારણ કે અમને લાગ્યું કે Google અમારા કરતાં રૂટ વિશે વધુ જાણે છે, પરંતુ આ પ્રવાસ દુઃસ્વપ્ન સમાન રહ્યો હતો.

તેણે કહ્યું કે જંગલમાંથી બહાર આવવા માટે તેણે પગપાળા નદી પાર કરવી પડી હતી. એટલું જ નહીં આ દરમિયાન તેને એક મગર પણ મળ્યો. ગૂગલે સ્વીકાર્યું કે તે ભૂલ હતી અને ફિલિપ અને માર્સેલની માફી માંગી હતી.

ગૂગલે એક નિવેદન જાહેર કરીને આ ઘટનાની પુષ્ટિ કરી છે અને કહ્યું છે કે આ રોડને ગૂગલ મેપ્સમાંથી હટાવી દેવામાં આવ્યો છે. ગૂગલે કહ્યું કે આ રાહતની વાત છે કે ફિલિપ અને માર્સેલ સુરક્ષિત છે.

આ ઘટના બાદ નેવિગેશન એપ્સ ફરી એક વખત સવાલોના ઘેરામાં આવી છે. આવી ઘટનાઓ પહેલા પણ બની છે, જ્યારે નેવિગેશન એપ્સ તેમને ખોટા મુકામ પર લઈ જાય છે.

લોકો તેમના ગંતવ્ય સ્થાન સુધી પહોંચવા અને ટ્રાફિકની સ્થિતિ જાણવા માટે ગૂગલ મેપનો ઉપયોગ કરે છે. પરંતુ ગૂગલ મેપ્સે બે જર્મન પ્રવાસીઓના જીવ બચાવ્યા. આ બંનેને એક અઠવાડિયા સુધી ઓસ્ટ્રેલિયાના જંગલોમાં ફસાયેલા રહેવું પડ્યું હતું.