Instagramનો મોટો ધમાકો! હવે સ્ટોરી પોસ્ટ કર્યા પછી પણ કરી શકશો એડિટ
Instagram Story Edit Feature : સોશિયલ મીડિયા પર ઇન્સ્ટાગ્રામ સ્ટોરીમાં ફોટો કે વિડિયો ઉતાવળમાં પોસ્ટ કરવો સામાન્ય છે, જેનાથી પાછળથી ભૂલની ખબર પડે છે. ક્યારેક ખોટી જોડણીવાળી ટેક્સ્ટ પોસ્ટ થઈ જાય છે
Continues below advertisement

સોશિયલ મીડિયા પર ઇન્સ્ટાગ્રામ સ્ટોરીમાં ફોટો કે વિડિયો ઉતાવળમાં પોસ્ટ કરવો સામાન્ય છે
Continues below advertisement
1/5
Instagram Story Edit Feature : સોશિયલ મીડિયા પર ઇન્સ્ટાગ્રામ સ્ટોરીમાં ફોટો કે વિડિયો ઉતાવળમાં પોસ્ટ કરવો સામાન્ય છે, જેનાથી પાછળથી ભૂલની ખબર પડે છે. ક્યારેક ખોટી જોડણીવાળી ટેક્સ્ટ પોસ્ટ થઈ જાય છે અથવા ઇચ્છિત સ્ટીકર કે મ્યૂઝિક એડ કરવાનું ભૂલી જવાય છે. આવી નાની ભૂલ સુધારવા માટે યુઝર્સને પહેલા આખી સ્ટોરી ડિલીટ કરીને ફરીથી અપલોડ કરવી પડતી હતી.
2/5
આનાથી અગાઉ મળેલા વ્યૂઝ, લાઇક્સ અને કોમેન્ટ્સ પણ ગુમાવવા પડતા હતા. પરંતુ હવે ઇન્સ્ટાગ્રામે આ સમસ્યા દૂર કરી છે. કંપનીએ એક નવું ફીચર લોન્ચ કર્યું છે જે યુઝર્સને તેમની સ્ટોરી પોસ્ટ કર્યા પછી પણ એડિટ કરવાની મંજૂરી આપે છે. મહત્વનું છે કે, આ માટે સ્ટોરી ડિલીટ કરવાની જરૂર નથી અને તે પહેલાથી પ્રાપ્ત થયેલા કોઈપણ એન્ગેજમેન્ટને અસર કરશે નહીં.
3/5
ઇન્સ્ટાગ્રામના નવા અપડેટ હેઠળ યુઝર્સ સ્ટોરી પબ્લિશ થયા પછી 15 મિનિટ સુધી તેમાં ફેરફાર કરી શકે છે. આ સમય દરમિયાન તેઓ ટેક્સ્ટ, સંગીત, સ્ટીકરો અને ડ્રોઇંગને એડિટ કરી શકશે. ઇન્સ્ટાગ્રામના વડા એડમ મોસેરીએ સોશિયલ મીડિયા પોસ્ટમાં આ ફીચરની જાહેરાત કરી હતી. તેમણે સમજાવ્યું કે યુઝર્સ છેલ્લા કેટલાક સમયથી આવા વિકલ્પની માંગ કરી રહ્યા હતા. નવું ફીચરથી સ્ટોરીમાં નાની ભૂલોને સુધારવાનું પહેલા કરતાં વધુ સરળ બનાવશે.
4/5
આ ફીચરનો ઉપયોગ કરવો પણ સરળ છે. પહેલા ઇન્સ્ટાગ્રામ પર તમારી અગાઉ પબ્લિશ થયેલી સ્ટોરી ઓપન કરો. પછી સ્ક્રીનના તળિયે ત્રણ-ડોટ મેનૂ પર જાઓ. અહીં, તમને Edit Story વિકલ્પ દેખાશે. તેના પર ટેપ કરીને તમે સ્ટોરીમાં જરૂરી ફેરફારો કરી શકો છો. જો કે, આ ફીચર સ્ટોરી પોસ્ટ થયા પછી ફક્ત પ્રથમ 15 મિનિટ માટે જ ઉપલબ્ધ રહેશે. વધુમાં યુઝર્સ એડિટ કરવામાં આવેલી સ્ટોરીને Edited લેબલ સાથે જોશે.
5/5
ઇન્સ્ટાગ્રામે ફક્ત સ્ટોરી એડિટ કરવાનો ઓપ્શન આપ્યો નથી પરંતુ સ્ટોરી ક્રિએશન સાથે જોડાયેલા કેટલાક બીજા ફેરફારો કર્યા છે. પ્લેટફોર્મ હવે સ્ટીકરો માટે નવા ફોન્ટ્સ, રંગો અને આકાર રજૂ કરી રહ્યું છે. વધુમાં યુઝર્સ માટે તેઓ જે શોધી રહ્યા છે તે શોધવાનું સરળ બનાવવા માટે સ્ટીકરો અલગ શીટ્સમાં પ્રદર્શિત કરવામાં આવશે. વધુમાં સ્ટોરી બનાવતી વખતે બહુવિધ ફોટા પસંદ કરવાની રીતમાં ફેરફારો કરવામાં આવી રહ્યા છે. યુઝર્સને નવા બ્લર ઇફેક્ટ્સ, રંગ અને ગ્રેડિયન્ટ બેકગ્રાઉન્ડ વિકલ્પો પણ મળશે. આ ફેરફારો સાથે Instagram તમારી સ્ટોરીને કસ્ટમાઇઝ કરવા માટે વધુ વિકલ્પો પ્રદાન કરી રહ્યું છે.
Continues below advertisement
Published at : 20 Nov 2026 01:59 PM (IST)