કેમેરાથી લઇને ડિઝાઇન સુધી.... iPhone 16 Pro Max ની લીક થઇ ડિટેલ્સ, અહીં જાણો અપડેટ

Appleની iPhone 16 સીરીઝને લઈને ઘણી ચર્ચા થઈ રહી છે, જે સપ્ટેમ્બર મહિનામાં લૉન્ચ થઈ શકે છે

(તસવીર- સોશ્યલ મીડિયા પરથી)

iPhone 16 Pro Max Details: Appleની iPhone 16 સીરીઝ આ વર્ષે સપ્ટેમ્બરમાં લૉન્ચ થઈ શકે છે. હવે આ અંગે કેટલીક લીક થયેલી વિગતો સામે આવી છે. જાણો અહીં લીક થયેલી ડિટેલ્સ વિશે...

Appleની iPhone 16 સીરીઝને લઈને ઘણી ચર્ચા થઈ રહી છે, જે સપ્ટેમ્બર મહિનામાં લૉન્ચ થઈ શકે છે. આ વખતે આઈફોન સીરીઝમાં 4 ફોન લૉન્ચ થઈ શકે છે. લૉન્ચ પહેલા જ iPhone 16 Pro Maxની કેટલીક લીક થયેલી વિગતો સામે આવી છે. આમાં કિંમતની વિગતોથી લઈને ફોનની ડિઝાઈન સુધીની ઘણી બાબતો વિશે માહિતી મળી છે.

iPhone 16 Pro Maxની કિંમતની વાત કરીએ તો સામે આવ્યું છે કે તે iPhone 16 સીરીઝનો સૌથી મોંઘો ફોન બનવા જઈ રહ્યો છે. લીક થયેલા અહેવાલોથી જાણવા મળ્યું છે કે યુએસમાં iPhone 16 Pro Maxની કિંમત $1199 (લગભગ 1 લાખ 136 રૂપિયા) હશે.

ભારતમાં તેની કિંમત વિશે કોઈ માહિતી નથી, જોકે ઈમ્પોર્ટ ટેક્સ પછી તે મોંઘી થઈ જશે. આ ફોન વિશે કહેવામાં આવી રહ્યું છે કે ભારતમાં આ ફોન પર 10,000 રૂપિયાનો વધારો જોવા મળશે.

iPhone 16 સીરીઝને લઈને દરરોજ કેટલીક લીક થયેલી વિગતો બહાર આવતી રહે છે. એપ્રિલ મહિનાની શરૂઆતમાં આ સીરીઝના ચાર ફોનમાંથી એક-એક ડમી મૉડલ લીક થયા હતા, જેનાથી ફોનની ડિઝાઇનનો ખુલાસો થયો હતો.

iPhone 16 Pro Max ની સ્ક્રીન સાઈઝ જૂના iPhones ના Pro મૉડલ કરતા મોટી હોઈ શકે છે. તેની સ્ક્રીન સાઈઝ 6.9 ઈંચ હોઈ શકે છે અને ફોનના વજનમાં પણ ફેરફાર જોઈ શકાય છે.

9To5Mac રિપોર્ટ અનુસાર, iPhone 16 Pro અને iPhone 16 Pro Max ફોનના કેમેરામાં ઘણા મોટા સુધારા અને અપગ્રેડ થવા જઈ રહ્યા છે. ઘણા ટિપ્સર્સ કહે છે કે આ વખતે Appleના પ્રૉ મૉડલમાં અલ્ટ્રા-વાઇડ કેમેરા, ઓપ્ટિકલ ઝૂમ, એન્ટી-રિફ્લેક્ટિવ કૉટિંગ અને મુખ્ય કેમેરા જેવા અપગ્રેડ થવાની અપેક્ષા છે.