Photos: ભારતમાં લોન્ચ થયું ડબલ સ્ક્રીન લેપટોપ, તસવીરોમાં જુઓ લુક

Asus એ આજે ભારતમાં તેનું ડ્યુઅલ સ્ક્રીન લેપટોપ લોન્ચ કર્યું છે. આ લેપટોપનું નામ Asus Zenbook Duo (2024) છે, તેને જાન્યુઆરી 2024માં આયોજિત CES 2024 ઇવેન્ટ દરમિયાન અમેરિકા અને યુરોપમાં લૉન્ચ કરવામાં આવ્યું હતું. આ લેપટોપ ખાસ ફિચર્સ વિશે જાણો

આ લેપટોપમાં બે OLED સ્ક્રીન છે, જેની સાઈઝ 14 ઈંચ છે અને પીક બ્રાઈટનેસ 500 nits છે. પ્રથમ ડિસ્પ્લેનું રિઝોલ્યુશન 1920 x 1200 પિક્સેલ છે અને રિફ્રેશ રેટ 60Hz છે, જ્યારે બીજા ડિસ્પ્લેનું રિઝોલ્યુશન 2880 x 1800 છે અને રિફ્રેશ રેટ 120Hz છે.

તેમાં પ્રોસેસર માટે Intel Core Ultra 9 185H ચિપસેટ, 32GB LPDDR5X રેમ, સ્ટોરેજ માટે 2TB સ્પેસ, Windows 11 ઓપરેટિંગ સિસ્ટમ અને AI ફીચર માટે સપોર્ટ છે.

કંપનીએ આ લેપટોપમાં 75Wની બેટરી આપી છે. કંપનીનો દાવો છે કે બંને સ્ક્રીન પર સતત કામ કર્યા પછી પણ યુઝર્સને આ લેપટોપમાં દસ કલાકથી વધુનો બેકઅપ મળશે. આ બેટરી 65W ફાસ્ટ ચાર્જિંગ સપોર્ટ સાથે પણ આવે છે.

તેમાં HDMI પોર્ટ, 3.5mm ઓડિયો જેક, USB A 3.2 અને 2 Thunderbolt, Harman Kardon દ્વારા કસ્ટમ સ્પીકર્સ, ડિટેચેબલ કીબોર્ડ, ટચસ્ક્રીન ફીચર, ડ્યુઅલ સ્ક્રીન ડેસ્કટોપ અને પ્રેઝન્ટેશન જેવી ઘણી વિશેષ સુવિધાઓ છે.

ભારતમાં આ લેપટોપની શરૂઆતની કિંમત 1,59,990 રૂપિયા છે, જ્યારે આ લેપટોપનું ટોપ મોડલ ખરીદવા માટે યુઝર્સને 2,39,990 રૂપિયા ખર્ચવા પડશે. આ લેપટોપના તમામ મોડલનું વેચાણ આજથી એટલે કે 16મી એપ્રિલથી એમેઝોન અને ફ્લિપકાર્ટના પ્લેટફોર્મ પર શરૂ થઈ ગયું છે.