AC ને કારણે વીજળીનું બિલ વધારે આલે છે તો એસીમાં ફટાફટ ઓન કરો આ મોડ, થશે હજારો રૂપિયાની બચત!

વાસ્તવમાં, એર કંડિશનર (AC) માં ઘણા મોડ આપવામાં આવે છે. મોટાભાગના લોકો AC નો ઉપયોગ કરે છે પરંતુ તેના મોડનો યોગ્ય રીતે ઉપયોગ કરતા નથી જેના કારણે વીજળીનું બિલ ઝડપથી વધવા લાગે છે.

તમને જણાવી દઈએ કે એર કંડિશનમાં ઘણા મોડ આપવામાં આવ્યા છે. આમાંથી, તમને લગભગ તમામ પ્રકારના ACમાં ડ્રાય મોડ, હીટ મોડ, સ્લીપ મોડ, કૂલ મોડ અને ઓટો મોડ મળશે. આ તમામ મોડ્સ અલગ અલગ પરિસ્થિતિઓ અને હવામાન અનુસાર સેટ કરવામાં આવ્યા છે.

જો આ મોડ્સનો યોગ્ય રીતે ઉપયોગ કરવામાં આવે તો ACની લાઈફ વધારવાની સાથે સાથે વીજળીનું બિલ પણ વધતું અટકાવી શકાય છે. જો તમે પણ ACના બિલથી પરેશાન છો તો તમને જણાવી દઈએ કે તમારે તમારા ACને ઓટો મોડ પર રાખવું જોઈએ.

તમને જણાવી દઈએ કે તમે તમારા એર કંડિશનરને ઓટો મોડ પર સેટ કરતાની સાથે જ ACનો ડ્રાય મોડ, કૂલ મોડ અને હીટ મોડ પણ ઓન થઈ જાય છે.

AC નો ઓટો મોડ તાપમાન અનુસાર સ્પીડ અને ઠંડકને આપોઆપ મેનેજ કરે છે. AC નો ઓટો મોડ એ સેટ કરે છે કે એસી ફેન ક્યારે ચાલશે, કમ્પ્રેસર ક્યારે ચાલુ રહેશે અને ક્યારે બંધ થશે. આ મોડ રૂમના તાપમાનને સતત મોનિટર કરે છે અને તે મુજબ ACને એડજસ્ટ કરે છે.

જ્યારે રૂમનું તાપમાન ઊંચું હોય છે, ત્યારે એર કંડિશનરનો ઓટો મોડ કોમ્પ્રેસર ચાલુ કરે છે અને જ્યારે રૂમ ઠંડું થાય છે, ત્યારે કોમ્પ્રેસર બંધ થઈ જાય છે. એ જ રીતે, જ્યારે રૂમની હવામાં ભેજ હોય છે, ત્યારે ACનો ઓટો મોડ ડિહ્યુમિડીફિકેશન મોડને સક્રિય કરે છે. AC નો ઓટો મોડ AC ને સતત ચાલુ રાખતો નથી, જે વીજળી બિલ બચાવવામાં ઘણી મદદ કરે છે. આ મોડ સ્પ્લિટ અને વિન્ડો AC બંનેમાં જોવા મળે છે.