WhatsApp પર બ્લૂ ટિક કઇ રીતે મળે છે ? જાણો કોને મળે છે આ ખાસ સુવિધા

મીડિયા રિપોર્ટ્સ અનુસાર, આ રકમ 639 રૂપિયાથી શરૂ થઈને 18,900 રૂપિયા સુધી જઈ શકે છે. એટલે કે, તમારા વ્યવસાયની જરૂરિયાતો અને સુવિધાઓ અનુસાર પેકેજ બદલી શકાય છે

એબીપી લાઇવ

Whatsapp Blue Tick: તમે ફેસબુક, ઇન્સ્ટાગ્રામ અને ટ્વિટર પર ઘણા લોકોની પ્રોફાઇલ પર બ્લુ ટિક જોયું હશે, જે તેમની પ્રોફાઇલ વેરિફાઇડ હોવાનો પુરાવો છે. પરંતુ શું તમે જાણો છો કે હવે વોટ્સએપ પર પણ બ્લુ ટિકની સુવિધા આપવામાં આવી રહી છે? જો કે, અહીં તેને મેળવવા માટેની પ્રક્રિયા અને શરતો અન્ય સોશિયલ મીડિયા પ્લેટફોર્મ કરતા થોડી અલગ છે.

વૉટ્સએપ પર બ્લૂ ટિક ફક્ત સામાન્ય યૂઝર્સ માટે ઉપલબ્ધ નથી. આ સુવિધા ફક્ત બિઝનેસ એકાઉન્ટ્સ માટે જ છે. એટલે કે, જો તમારું એકાઉન્ટ વોટ્સએપ બિઝનેસ પર નોંધાયેલ છે અને તમે જરૂરી દસ્તાવેજો અને માહિતી પ્રદાન કરી છે, તો જ તમને આ ચકાસણી માટે પાત્ર ગણવામાં આવશે.

મેટા વેરિફાઇડ નામની આ સેવા હેઠળ, યૂઝર્સને ફક્ત બ્લુ ટિક જ નહીં પરંતુ એકાઉન્ટ સપોર્ટ, સુરક્ષા અને અન્ય વધારાની સુવિધાઓ પણ આપવામાં આવે છે. આ એક પેઇડ સબ્સ્ક્રિપ્શન છે જે માસિક ધોરણે આપવામાં આવે છે.

જો તમારા બિઝનેસ એકાઉન્ટની ચકાસણી થઈ જાય, તો તમને WhatsAppના વિવિધ ભાગોમાં જેમ કે કોલ ટેબ, બિઝનેસ પ્રોફાઇલ, કોન્ટેક્ટ કાર્ડ, ચેટ વિન્ડોમાં અને જ્યારે તમને વેરિફાઇડ બિઝનેસ એકાઉન્ટમાંથી કોલ આવે ત્યારે બ્લુ ટિક દેખાશે.

જો તમે WhatsApp Business યુઝર છો અને વેરિફિકેશન ઇચ્છો છો, તો નીચે આપેલા સ્ટેપ્સને અનુસરો, પહેલા WhatsApp Business એપ ખોલો. એન્ડ્રોઇડ પર, ઉપર જમણી બાજુએ આપેલા ત્રણ ડોટ પર ટેપ કરો અને પછી સેટિંગ્સ પસંદ કરો. iOS યુઝર્સને નીચે જમણી બાજુએ સેટિંગ્સ દેખાશે. હવે ટૂલ્સ સેક્શનમાં જાઓ અને મેટા વેરિફાઇડ વિકલ્પ પસંદ કરો. અહીંથી તમે ઉપલબ્ધ સબ્સ્ક્રિપ્શન પેકમાંથી એક પસંદ કરી શકો છો અને ચુકવણી કર્યા પછી પ્રક્રિયા પૂર્ણ થઈ જશે.

બ્લુ ટિક માટે તમારે કેટલા પૈસા ચૂકવવા પડશે તે તમે પસંદ કરેલા સબ્સ્ક્રિપ્શન પેક પર આધાર રાખે છે. મીડિયા રિપોર્ટ્સ અનુસાર, આ રકમ 639 રૂપિયાથી શરૂ થઈને 18,900 રૂપિયા સુધી જઈ શકે છે. એટલે કે, તમારા વ્યવસાયની જરૂરિયાતો અને સુવિધાઓ અનુસાર પેકેજ બદલી શકાય છે.

વૉટ્સએપ પર બ્લુ ટિક હવે ફક્ત સ્ટેટસ સિમ્બોલ નથી, પરંતુ તે તે વ્યવસાયની વિશ્વસનીયતા દર્શાવે છે. જો તમે કોઈ વ્યાવસાયિક વ્યવસાય ચલાવી રહ્યા છો અને તમારા ગ્રાહકોને વિશ્વસનીય ઓળખ પ્રદાન કરવા માંગો છો, તો મેટા વેરિફાઇડ સેવા તમારા માટે ફાયદાકારક સાબિત થઈ શકે છે.