YouTube માટે કામની ટ્રિક્સ, અહીંથી તમે યૂઝ કરી શકો છો યુટ્યૂબ ચેનલ માટે કૉપીરાઇટ ફ્રી મ્યૂઝિક, જાણો

Technology Updates News: જો તમે તમારી યુટ્યુબ ચેનલ માટે કૉપીરાઈટ ફ્રી મ્યૂઝિકની શોધમાં છો, તો આ આર્ટિકલ તમારા માટે કામનો છે. અહીં અમે તમને એક એવી વેબસાઈટ વિશે બતાવી રહ્યા છીએ, જેમાં તમે AIની મદદથી કોઈપણ પ્રકારનું મ્યૂઝિક ફ્રીમાં બનાવી શકો છો. જલદીથી કરો ડાઉનલૉડ....

YouTube વીડિયોઝ માટે સંગીત કૉપીરાઇટ ફ્રી હોવું ખૂબ જ મહત્વપૂર્ણ છે. જો તમે કૉપીરાઇટ કરેલુ મ્યૂઝીક લો છો, તો તે ચેનલની આવક ઘટાડે છે અને જો યોગ્ય રીતે ક્રેડિટ આપવામાં ના આવે તો, ચેનલને કૉપીરાઇટ સ્ટ્રાઈકનો સામનો કરવો પડી શકે છે. ક્રેડિટ આપ્યા પછી પણ તમને વીડિયોમાંથી તે જ આવક નહીં મળે જે તમને કૉપીરાઇટ ફ્રી મ્યૂઝિક સાથે મળશે.

જો તમે તમારા વીડિયો માટે કૉપીરાઇટ ફ્રી મ્યૂઝિક ઈચ્છો છો, તો તમે rightify નામની વેબસાઈટ પર જઈને આવા મ્યૂઝિકને ડાઉનલૉડ કરી શકો છો. અહીં ગીતો AI ની મદદથી જનરેટ થાય છે જે યૂઝ માટે એકદમ ફ્રી છે.

ગીત ડાઉનલૉડ કરવા માટે સૌથી પહેલા તમારે રાઈટ્સફાઈ વેબસાઈટ પર જઈને પોતાનું રજિસ્ટ્રેશન કરાવવું પડશે. આ પછી તમારે પ્રૉમ્પ્ટમાં જણાવવાનું રહેશે કે તમને કયા પ્રકારનું ગીત જોઈએ છે અને જનરેટ મ્યૂઝિક પર ક્લિક કરો. આ રીતે, તમે AIની મદદથી આ વેબસાઇટ પરથી ગમે તેટલું મ્યૂઝિક બનાવી શકો છો.

જો તમે તમારા યુટ્યુબ વીડિયો માટે કૉપીરાઇટ ફ્રી વીડિયો અથવા ઈમેજ ઈચ્છો છો તો તમે ફ્રીપિક, પિક્સબે, વીડિયો વગેરે જેવી વેબસાઈટ પર જઈ શકો છો. અહીં તમને સબ્જેક્ટ પ્રમાણે અલગ-અલગ ફોટો અને વીડિયો મળશે.

નોંધ કરો, જ્યારે પણ તમે કોઈપણ મફત વીડિયો અથવા સંગીત વગેરેનો ઉપયોગ કરો છો, ત્યારે ક્રેડિટ આપવાનું ભૂલશો નહીં જેથી તમારી ચેનલ અને સામગ્રી સુરક્ષિત રહેશે.