વડોદરાના લક્ષ્મી વિલાસ પેલેસમાં ઈરફાન-યુસુફ પઠાણની બહેનનું Wedding Reception યોજાયું, આવો હતો માહોલ

શગુફતા નિકાહમાં દેશ-વિદેશના જાણીતા ક્રિકેટરો તેમજ જાણીતી ફિલ્મી હસ્તીઓને આમંત્રણ આપવામાં આવ્યું હતું. આ ઉપરાંત લક્ષ્મી વિલાસ પેલેસને રોશનીથી શણગારવામાં આવ્યો હતો.

ક્રિકેટર ઈરફાન પઠાણ અને યુસુફ પઠાણની નાની બહેન શગુફતાના તા.27 ઓક્ટોબરે કેનેડાના બિઝનેસમેન યુવાન મોહતશીમ ખાન સાથે લક્ષ્મી વિલાસ પેલેસમાં લગ્ન યોજાયા હતાં.

વડોદરા: ભારતીય ક્રિકેટ ટીમના ઈરફાન અને યુસુફ પઠાણની નાની બહેન શગુફતાના વડોદરાના લક્ષ્મી વિલાસ પેલેસમાં ભવ્ય મેરેજ રિસેપ્શન યોજાયું હતું. આ રિસેપ્શનમાં જાણીતા ક્રિકેટર, ફિલ્મી હસ્તી સહિત વડોદરાની મોટી હસ્તીઓ ઉપસ્થિત રહી હતી. વડોદરાના લક્ષ્મી વિલાસ પેલેસ ખાતે યોજાયેલા ભવ્ય લગ્ન સમારોહમાં સાંજથી જ મહેમાનોનું આગમન શરૂ થઈ ગયું હતું.