પાકિસ્તાન સામે જીત્યા પછી રવિન્દ્ર જાડેજાએ રીવાબાને ફોન કરીને શું કહ્યું ? રીવાબાએ આપ્યો શું જવાબ ?

રવિન્દ્રએ મેચ પછી પત્નીના ખબર અંતર પૂછ્યા હતા અને ધ્યાન રાખવાની વાત કરી હોવાનું સૂત્રોએ જણાવ્યું હતું. લગ્ન પછી રવિન્દ્ર સતત સારુ રમી રહ્યો છે. જેનો એકરાર પત્નીએ પણ કર્યો હતો.

મેચ પૂરી થયા બાદ મોડી રાત્રે રવિન્દ્રએ રાજકોટમાં રહેતા પત્નીને ફોન કર્યો હતો. રીવાબા હાલ પ્રેગનેન્ટ છે અને ગમે તે ઘડીએ રવિન્દ્ર પિતા બનશે. છતાં પણ ભારત પાકિસ્તાનની મેચ હોવાથી રીવાબાએ ઘર પર બેસી આખી મેચ જોઇ હતી.

હાલ રીવાબાને નવમો મહિનો ચાલી રહ્યો છે તે તેના માતાના ઘરે આરામ કરી રહ્યા છે. ગમે તે ઘડીએ જાડેજા પરિવારમાં હરખના તેડા આવશે. રવિન્દ્ર પિતા બનશે ત્યારે તે ઇંગ્લેન્ડમાં હશે તેવું પણ સૂત્રો દ્વારા જાણવા મળી રહ્યું છે. તે તેના બાળકનુ મોઢું પણ વીડિયો કોલિંગમાં જોવે તો નવાઇ નહીં.

ભારત પાકિસ્તાનનો મેચ ખાસ હતો. જેમાં ભારતે જીત મેળવી. સાથે રવિએ સારો દેખાવ કર્યો. પરિવારમાં અને દેશમાં ખુશીનો માહોલ છે. ભારતની ટીમને ખૂબ ખૂબ અભિનંદન.

રાજકોટ: ચેમ્પિયન ટ્રોફીમાં ગ્રુપ બીની લીગ મેચમાં ભારતે પાકિસ્તાનને ડકવર્થ લૂઇસના નિયમ પ્રમાણે 124 રનથી કારમી હાર આપી હતી. આ મેચમાં ગુજરાતી ખેલાડી રવિન્દ્ર જાડેજાનું શાનદાર પ્રદર્શન રહ્યું હતું. રાજકોટમાં રહેતા જાડેજાના પત્ની રીવાબા પતિના શાનદાર પ્રદર્શનથી ખૂબ જ ખુશ થયા હતા. મેચ પૂરી થયા બાદ મોડી રાત્રે રવિન્દ્ર જાડેજાએ પોતાની પત્ની રીવાબાને ફોન કર્યો હતો. જેમાં રીવાબાએ જીત બદલ જાડેજા અને ટીમ ઇન્ડિયાને અભિનંદન આપ્યા હતા.

પત્ની રીવાબાએ જણાવ્યું હતું કે, લગ્ન બાદ રવિનું પ્રદર્શન દિવસેને દિવસે સારુ થતું જાય છે. હજુ પણ આગામી મેચમાં તે સારુ રમે તેવી પ્રાર્થના છે.