રાજકોટઃ પોલીસ સાથે રહેતી, સેક્સ રેકેટમાં પકડાયેલી મહિલાની લાશ 90 દિવસ પછી ક્યાંથી મળી?

90 દિવસ પછી મળેલી લાશ અંગે તપાસ કરતા મહિલાને ચુંદડી વડે ગળાફાંસો આપી હત્યા કરાયાનું જાણવા મળ્યું હતું. એટલું જ નહીં, ઘરનો માલસામાન અસ્તવ્યસ્ત હતો અને કબાટ પણ ખુલ્લા હતા, જેથી લૂંટના ઈરાદે હત્યા થયાનું પોલીસ માની રહી છે. અરુણા નિવૃત્ત જમાદાર પ્રવીણ ચૌહાણ રહેતી હોવાનું પણ બહાર આવ્યું છે.

પોલીસે મોચીનગરના આ ઘરમાં માહિતીને આધારે તપાસ કરતાં ઘરમાં દુર્ગંધનુ પ્રમાણ પણ વધી ગયું હતું. પરંતુ ઘરની અંદર પ્રવેશેલી પોલીસને ક્યાંય પણ લાશ જોવા ન મળી. વધુ તપાસ હાથ ધરતાં લાશ પોલીસને બેડરૂમની અંદર રહેલા પેટી પલંગમાંથી મળી આવી હતી. અરૂણાબેનના પતિનું મૃત્યુ થઈ ગયેલું હોવાથી તેઓ પ્રવિણ ચૌહાણ નામના નિવૃત પોલીસકર્મી સાથે રહેતા હોવાની પણ માહિતી મળી છે.

પ્રાથમિક તપાસમાં હત્યા લૂંટના ઇરાદે થઈ હોવાનું સામે આવ્યું છે. ત્યારે મહિલાને ગળે ટૂંપો દઈને હત્યાર કર્યા પછી કોઈને ખબર ન પડે તે માટે લાશ પેટી પલંગમાં સંતાડી દેવામાં આવી હતી. લાશને પેટી પલંગમાં ગોદળાના પડ વચ્ચે રાખી દેવામાં આવી હતી, જેથી દુર્ગંધ ફેલાઇ નહીં. પોલીસને અત્યારે આ હત્યા પાછળ નિવૃત્ત પોલીસકર્મી પર શંકા છે.

રાજકોટઃ શહેરની રામાપીર ચોકડી પાસે મોચીનગરમાં આવેલા એક ઘરમાંથી 90 દિવસથી પેટી પલંગમાં છૂપાવેલી લાશ મળી આવતાં ચકચાર મચી ગઈ છે. આ મહિલા પતિના મોત પછી નિવૃત્ત જમાદાર સાથે રહેતી હતી. આ મહિલા અગાઉ સેક્સ રેકેટમાં પણ પકડાઈ ચૂકી હોવાનું પણ જાણવા મળ્યું છે.

ગઈ કાલે ગુરુવારે સાંજે મોચીનગરમાં આવેલા મકાનમાંથી અરુણાબેન પ્રવીણભાઈ ચૌહાણ(ઉ.વ.45)ની લાશ પોલીસને મળી આવી હતી. પાડોશીએ ઘરમાંથી દુર્ગંધ આવતી હોવાની પોલીસને જાણ કર્યા પછી તપાસમાં પેટી પલંગમાંથી આ લાશ મળી આવી હતી. એટલું જ નહીં, આ ઘટના બાદ નિવૃત્ત જમાદારનો કોઈ પત્તો નથી.