રાજકોટઃ FB ફ્રેન્ડ યુવતી સાથે રંગરેલિયાં મનાવવા યુવક લવ ગાર્ડન પહોંચ્યો, બંને પ્રેમાલાપમાં મસ્ત હતાં ને..........

યુવકે ફરિયાદ નોંધાવતાં પોલીસ હરકતમાં આવી હતી. પોલીસે આ આરોપીઓનાં નામ સાનુ, અફજલ, આસિફ, હરકિસનસિંગ અને નિમિશા હોવાનું શોધી કાઢતાં યુવકે તેમની પ્રદ્યુમનનગર પોલીસ સ્ટેશનમાં ફરિયાદ નોંધાવી છે. પોલીસે ગણતરીની કલાકોમાં જ ઉપરોક્ત તમામ આરોપીને પકડી પાડ્યા છે.

સુરેશ અને નિમિષા રેસકોર્સમાં લવ ગાર્ડનમાં મળ્યાં હતાં. બંને સાથે બેસીને પ્રેમાલાવ કરતા હતાં ત્યારે જ અન્ય ચાર શખ્સો આવી પહોંચ્યા હતા. મારી બેનને કેમ મળવા આવ્યો છો, તેમ કહી ચારેય જણા સુરેશને માર મારવા લાગ્યા હતા અને 12 લાખની ખંડણી માંગી મોબાઇલની લૂંટ ચલાવી હતી.

પ્રાપ્ત વિગત મુજબ નિમિષા નામની યુવતીએ સુરેશ નામના યુવક સાથે સોશિયલ મીડિયા દ્વારા મિત્રતા કેળવી રેસકોર્સના લવ ગાર્ડનમાં બોલાવ્યો હતો. યુવતીએ સુરેશને પોતાની સાથે જલસા કરવાની લાલચ આપી હતી તેથી સુરેશ દોડતો પહોંચી ગયો હતો.

યુવતીએ યુવકને બળાત્કારના કેસમાં ફસાવી દેવાની ધમકી આપીને રૂપિયા 12 લાખની ખંડણી માંગી હતી. જેમ તેમ કરીને ભાગેલા યુવાને પ્રદ્યુમનનગર પોલીસ સ્ટેશનમાં ફરિયાદ નોંધાવી છે. પોલીસે યુવતી સહિત તમામ આરોપીને પકડી પાડ્યા છે.

રાજકોટ: રાજકોટમાં એક યુવતીએ સોશિયલ મીડિયાના ફેસબુક અને ઇન્સ્ટાગ્રામ દ્વારા મિત્રતા કેળવી એક યુવકને પોતાને મળવા અને જલસા કરવા બોલાવ્યો હતો. યુવક યુવતી સાથે રંગરેલિયાં મનાવવા માટે લવ ગાર્ડન પહોંચ્યો હતો. લવ ગાર્ડનમાં ચાર શખ્સો સાથે મળી યુવતીએ યુવાનને માર મારી તેનો મોબાઇલ લૂંટી લીધો હતો.