એબી ડિવિલિયર્સે દક્ષિણ આફ્રિકાના વનડે ટીમનું સુકાની પદ છોડ્યું

ડિવિલિયર્સે કહ્યું કે, સીએસએ સાથે મળીને અમે વ્યવહારિક કાર્યક્રમ તૈયાર કરવાનો પ્રયાસ કર્યો છે. જે મારા કેરિયરને જેટલું વધારે સંભવ થાય એટલું ટકાવી રાખવા મદદ કરશે.

જોહનિસબર્ગ: દક્ષિણ આફ્રિકાના ક્રિકેટર એબી ડિવિલિયર્સે વનડે ટીમનું સુકાની પદ છોડવાની જાહેરાત કરી છે. ડિવિલિયર્સે દક્ષિણ અફ્રિકા ક્રિકેટને કહ્યું કે, વનડેમાં કપ્તાનના પદ પરથી રાજીનામું આપું છું, તેમણે ફાફ ડુ પ્લેસિસને સંપૂર્ણ સમર્થન આપતા આશ્વાસન આપ્યું છે. ફાફ ડુ પ્લેસિસ તેની ગેરહાજરીમાં સુકાનીનું પદ સંભાળતા હતા. ડિવિલિયર્સે કહ્યું કે તે ક્રિકેટના તમામ ફોર્મેટની પસંદગીમાં ઉપસ્થિત રહેશે. ડિવિલિયર્સ કહ્યું, છેલ્લા એક વર્ષમાં મને ઘણું બધું સભળાવવામાં આવ્યું છે તેથી મને લાગે છે કે, સમય આવી ગયો છે. મારી સ્થિતિને સ્પષ્ટ કરું, તેમણે કહ્યું કે, છેલ્લા લગભગ એક વર્ષથી મે પોતાના હરિફને મેનેજ કરવાની કોશિશ કરી છે. હું માનસિક અને શારીરિક રૂપથી થાકી ગયો છું.

તેમણે કહ્યું, છેલ્લા 6 વર્ષથી કપ્તાની કરવી એ મારા માટે સન્માનની વાત છે. પરંતુ હવે સમય આવી ગયો છે કે કોઈ બીજો ખેલાડી વનડે આંતરરાષ્ટ્રીય ટીમને આગળ લઈ જાય. જેને પણ નવા સુકાની તરીકે પસંદી કરવામાં આવે તેને મારું પૂરુ સમર્થન રહેશે.