સ્ટીવ સ્મિથે 40મી ઓવરના બીજા બોલે સિંગલ લઈને ખાતું ખોલ્યું હતું. સિડની ખાતેના દર્શકોએ ઉભા થઈને તાળીઓ પાડી હતી. આ જોઈને સ્મિથ હસવા લાગ્યો હતો અને તેણે બેટ ઊંચું કરીને આભાર વ્યક્ત કર્યો હતો.
પ્રથમ દિવસના અંતે ઓસ્ટ્રેલિયાએ 3 વિકેટે 283 રન કર્યા છે. દિવસના અંતે માર્નસ લબુશાને 130 અને મેથ્યુ વેડ 22 રને અણનમ છે. લબુશાનેએ કરિયરની ચોથી સદી મારી છે. તેણે સ્મિથ સાથે ત્રીજી વિકેટ માટે 156 રનની પાર્ટનરશીપ કરી હતી. સ્મિથે 143 બોલમાં ફિફટી પૂરી કરી હતી. તેણે 182 બોલમાં 63 રન કર્યા અને કરિયરની 29મી ફિફટી મારી હતી.