પર્થ ટેસ્ટમાં કોહલી સાથે થયેલા ઝઘડા પર બોલ્યો ટિમ પેન, કહ્યું- કોહલી તો....

નોંધનીય છે કે ચાર ટેસ્ટ મેચોની સીરીઝમાં ભારત અને ઓસ્ટ્રેલિયા 1-1ની બરાબરી પર છે. હવે આગામી ત્રીજી ટેસ્ટ 26 ડિસેમ્બરે મેલબોર્નમાં રમાવવાની છે.

ટિમ પેને કહ્યું કે મેદાન પર ટેસ્ટ સીરીઝમાં ટક્કર લેવી એવી વસ્તુ છે જેનો હું લ્હાવો લઇ રહ્યો હતો, હું તેનાથી બિલકુલ નારાજ નથી. પેને કહ્યું કે વિરાટ એવો વ્યક્તિ છે જે રમતમાં બધુ આપી દેવા માટે તત્પર હોય છે, તેને હાર પસંદ નથી. કોહલી એક આક્રમક ખેલાડી છે અને તેના ઝઝ્બાને હું સલામ કરુ છું.

પેને હેરાલ્ડ સન ન્યૂઝમાં લખેલી એક કૉલમના માધ્યમથી કહ્યું કે, જ્યારે હું આંતરરાષ્ટ્રીય ક્રિકેટ ન હતો રમી રહ્યો ત્યારે હું વિરાટની બેટિંગથી પ્રભાવિત હતો, તે એવો ખેલાડી છે તેને રમતો જોવો મને ખુબ ગમે છે.

નવી દિલ્હીઃ પર્થ ટેસ્ટમાં ભારતીય કેપ્ટન અને ઓસ્ટ્રેલિયન કેપ્ટન ટિમ પેન વચ્ચે ઝઘડો થયો હતો, મેદાન પર જ બન્ને ખેલાડીઓ વચ્ચે થોડી ઉગ્ર બોલાચાલી થઇ અને બાદમાં એમ્પાયરે વચ્ચે પડીને બન્નેને છુટા પડાવ્યા હતા. હવે આ ઝઘડાને લઇને કેપ્ટન ટિમ પેને પહેલીવાર રિએક્શન આપ્યુ છે.