લંડનઃ વર્લ્ડકપની 39મી મેચમાં ચેસ્ટર લે સ્ટ્રીટ ખાતે શ્રીલંકાએ વેસ્ટ ઇન્ડિઝ સામે પ્રથમ બેટિંગ કરતાં 6 વિકેટના નુકસાન પર 338 રન બનાવ્યા હતા. શ્રીલંકા માટે 21 વર્ષીય આવીષ્કા ફર્નાન્ડોએ 103 બોલમાં 104 રનની શાનદાર ઇનિંગ્સ રમી હતી. જેની સાથે જ તેણે કોહલી, સચિન જેવા દિગ્ગજોને પાછળ રાખી દીધા છે.


આવીષ્કા વર્લ્ડકપમાં શ્રીલંકા માટે સદી ફટકારનાર સૌથી યુવા ખેલાડી બન્યો છે. તેણે 21 વર્ષ 87 દિવસની ઉંમરે આ કારનામું કર્યું હતું. આ પહેલા આ રેકોર્ડ લાહિરૂ થિરિમાનેના નામે હતો. તેણે 25 વર્ષની ઉંમરે વર્લ્ડકપમાં સદી ફટકારી હતી.


આ ઉપરાંત આવીષ્કા વર્લ્ડકપમાં સદી ફટકાનારો ત્રીજો સૌથી યુવા ક્રિકેટર બન્યો છે. વર્લ્ડકપમાં સૌથી યુવા વયે સદી ફટકારવાનો રેકોર્ડ આયર્લેન્ડના પોલ સ્ટિરલિંગના નામે છે. તેણે 20 વર્ષ 196 દિવસની વયે આ સિદ્ધી મેળવી હતી. બીજા નંબરે ઓસ્ટ્રેલિયાનો રિકી પોન્ટિંગ છે. તેણે 21 વર્ષ 76 દિવસે આ સીમાચિહ્ન હાંસલ કર્યું હતું.

ભારતના વર્તમાન કેપ્ટન વિરાટ કોહલીએ 22 વર્ષ 106 દિવસ અને ક્રિકેટના ભગવાન સચિન તેંડુલકરે 22 વર્ષ 300 દિવસની વયે આ ઉપલબ્ધિ મેળવી હતી. આ બંને અનુક્રમે ચોથા અને પાંચમા નંબરે છે.


વર્લ્ડકપ 2019: એક પણ વન ડે નહીં રમેલા મયંક અગ્રવાલની કેમ થઈ ટીમ ઈન્ડિયામાં એન્ટ્રી ? જાણો શું છે કારણ

વર્લ્ડકપ દરમિયાન ઓસ્ટ્રેલિયાના આ બેટ્સમેનને મળ્યા સારા સમાચાર, પત્નીએ આપ્યો દીકરીને જન્મ, જાણો શું નામ રાખ્યું

ખેડૂતો પ્રત્યે CM રૂપાણીની લાગણીને નીતિન પટેલે કેવી રીતે વર્ણવી, જુઓ વીડિયો