મેચ દરમિયાન બન્યુ એવુ કે, સિમૉન્સની કોઇ વાત પર બ્રેથવેટ ભડક્યો, ઇનિંગની આઠમી ઓવર ચાલી રહી હતી ત્યારે બ્રેથવેટ ગુસ્સે થઇ ગયો અને ત્રિનબેગો ટીમના કેપ્ટન સામે ગયો, આ દરમિયાન સિમૉન્સ સાથી બેટ્સમેન સાથે વાતો કરી રહ્યો હતો ત્યારે બ્રેથવેટ તેને અપશબ્દો બોલવા લાગ્યો હતો.
પહેલા સ્ટમ્પ ઉખાડી નાંખ્યા અને પછી રનઆઉટની અપીલ કરી હતી. આ વાતને લઇને સિમૉન્સ અને બ્રેથવેટ વચ્ચે ગરમાગરમી થઇ અને બન્ને ગાળાગાળી પર ઉતરી આવ્યા હતા. જોકે, બાદમાં એમ્પાયરે વચ્ચે પડીને બન્નેને છુટા પાડ્યા હતા.
ઉલ્લેખનીય છે કે, મેચમાં ત્રિનબેગો ટીમને પેટ્રિએટ્સને 6 વિકેટથી હરાવી દીધી છે. પહેલા બેટિંગ કરતી કાર્લૉસની ટીમે 20 ઓવરમાં માત્ર 125 રન જ બનાવ્યા હતા, જવાબમાં ઉતરેલી સિમૉન્સની ટીમ ત્રિનબેગોએ જીત મેળવી હતી.