આમ આ એક મોટી ભૂલ હતી જેના કારણે વરસાદ બંધ થયા પછી પણ મેચ રમાઈ ન શકી. જો કે, પાછળથી ગ્રાઉન્ડ સ્ટાફે પિચ અને ગ્રાઉન્ડને સુધારવા માટે ખૂબ જ પ્રયાસ કર્યા હતા. પરંતુ પિચ રમી શકે તેવી નહતી. મેચ ન થવાથી પ્રેક્ષકો નિરાશ થયા હતા.
ગુવાહાટી ટી-20 રદ્દ થવાથી ભારતના ઘણા પૂર્વ ક્રિકેટર પણ નારાજ જોવા મળ્યા હતા. વીવીએસ લક્ષ્મણએ કહ્યું કે, આટલા ઓછા વરસાદથી મેચનું કદ્દ થઇ જવું દુર્ભાગ્યપૂર્ણ છે. લક્ષ્મણ અનુસાર ગ્રાઉન્ડ કર્મચારીઓએ આ મેચ માટે સારી રીતે તૈયારી કરવી જોઇતી હતી. પૂર્વ ક્રિકેટર આકાશ ચોપડાએ પણ ગ્રાઉન્ડ સ્ટાફની ભૂલ હોવાનું કહ્યું હતું.
જણાવી દઇએ કે, ગુવાહાટીના બારસપરા સ્ટેડિયમમાં આ માત્ર ત્રીજી મેચ હતી અને તે પણ રદ્દ થઇ ગઇ. ગુવાહાટીમાં ભારત શ્રીલંકા વચ્ચે પ્રથમ ટી-20 મેચ જોવા માટે હજારોની સંખ્યામાં લોકો આવ્યા હતાં. પરંતુ ખરાબ તૈયારીઓના કારણે મેદાન સુકાયુ નહી અને મેચ રદ્દ કરવી પડી. ટીમ ઇન્ડિયા હવે શ્રીલંકા વિરૂદ્ધ બીજી ટી-20 મેચ ઇંદોરમાં 7 જાન્યુઆરીએ રમશે. ત્રીજી ટી-20 પૂણેમાં 10 જાન્યુઆરીએ રમાશે.