પંત કહ્યું, 'રોજ વિચારતો હતો ભારત માટે જીતવું છે. આજે એ દિવસ આવી ગયો'
એબીપી અસ્મિતા વેબ ટીમ | 19 Jan 2021 06:43 PM (IST)
બ્રિસ્બેનના ગોબા મેદાનમાં પર અણનમ 89 રનની પારી રમીને ઐતિહાસિક જીત અપાવનાર ઋષભ પંતે કહ્યું, કે, “આ મારી જિંદગીની સૌથી મહત્વપૂર્ણ પળ છે”
Ind vs Aus:બ્રિસ્બેનના ગોબા મેદાનમાં પર અણનમ 89 રનની પારી રમીને ભારતને ઐતિહાસિક જીત અપાવનાર ઋષભ પંતે જણાવ્યું કે, આજે મારી જિંદગીનો સોથી મોટો દિવસ છે. ઓસ્ટ્રેલિયાએ ભારતની સામે 328 રનનું લક્ષ્ય રાખ્યું હતું. ટીમે મેચના અંતિમ દિવસે મંગળવારે 7 વિકેટ ગુમાવીને જીત હાસિલ કરી. પંત તેમના શાનદાર મેચ પ્રદર્શન માટે મેન ઓફ ધ મેચ થયા છે . પંતે જીતની ખુશી વ્યક્ત કરતા જણાવ્યું કે, “ આ મારા જીવનની આ સૌથી મોટી પળ છે. હું એ વાતથી ખુશ છું કે, જ્યારે હું સારૂ પ્રદર્શન ન હતો કરતો ત્યારે ટીમે મને સપોર્ટ કર્યો અને હંમેશા સાથ આપ્યો. આ સીરિઝ મારા માટે સપના જેવી છે”