AUS vs IND: ઓસ્ટ્રેલિયામાં સિરીઝ હાર્યું ભારત, કાંગારુઓની બીજી વનડેમાં જીત, રોહિત અને ઐયરની ફિફ્ટી પાણીમાં

AUS vs IND, 2nd ODI Live: એડિલેડ વન-ડેમાં બધાની નજર ભૂતપૂર્વ ભારતીય કેપ્ટન વિરાટ કોહલી પર રહેશે

બ્રેકગ્રાઉન્ડ

AUS vs IND, 2nd ODI Live: ભારત અને ઓસ્ટ્રેલિયા વચ્ચે ત્રણ મેચની વન-ડે સીરિઝની બીજી મેચ ગુરુવાર, 23 ઓક્ટોબરે એડિલેડના એડિલેડ ઓવલ ખાતે રમાશે. ટીમ ઈન્ડિયા પર્થમાં DLS પદ્ધતિ હેઠળ શ્રેણીની પહેલી મેચ સાત વિકેટથી હારી ગઈ હતી. આ મેચ ભારતીય ટીમ માટે કરો યા મરો જેવી સ્થિતિ છે. આ મેચ સવારે 9:00 વાગ્યે શરૂ થશે.એડિલેડ વન-ડેમાં બધાની નજર ભૂતપૂર્વ ભારતીય કેપ્ટન વિરાટ કોહલી પર રહેશે. આ મેદાન પર કોહલીનો એક નોંધપાત્ર રેકોર્ડ છે. કોહલીએ એડિલેડ ઓવલ ખાતે ત્રણેય ફોર્મેટમાં 12 મેચ રમી છે, જેમાં 65ની સરેરાશથી 975 રન બનાવ્યા છે. આ સમયગાળા દરમિયાન, કોહલીએ પાંચ સદી ફટકારી છે. કોહલીએ આ મેદાન પર ચાર વન-ડે મેચ રમી છે, જેમાં 61.00 ની સરેરાશથી 244 રન બનાવ્યા છે અને તેમાં બે સદીનો સમાવેશ થાય છે. હવે, કોહલી ફરી એકવાર તેના મનપસંદ મેદાન પર ધૂમ મચાવવાનો પ્રયાસ કરશે.વિરાટ કોહલીની જેમ ભારતીય ટીમે પણ એડિલેડ ઓવલ ખાતે શાનદાર પ્રદર્શન કર્યું છે. ભારતે આ મેદાન પર 15 વન-ડે રમી છે, જેમાંથી નવમાં જીત મેળવી છે. તેમણે પાંચ મેચ ગુમાવી હતી, જેમાં એક મેચ ટાઇમાં સમાપ્ત થઈ હતી. ભારતીય ટીમની આ મેદાન પર વન-ડે મેચમાં છેલ્લી હાર 17 ફેબ્રુઆરી, 2008ના રોજ થયો હતો.ત્યારથી ભારતીય ટીમ એડિલેડ ઓવલ ખાતે એક પણ વન-ડે મેચ હારી નથી. આનો અર્થ એ થયો કે ભારત 17 વર્ષથી આ મેદાન પર વન-ડે આંતરરાષ્ટ્રીય મેચમાં અજેય રહ્યું છે. ભારતીય ટીમે આ સમયગાળા દરમિયાન પાંચ વન-ડે મેચ રમી છે, જેમાં ચારમાં જીત મેળવી છે અને એક ટાઇ રહી છે.બીજી વન-ડે માટે ભારતીય ટીમની પ્લેઇંગ ઇલેવનમાં એક ફેરફાર થઈ શકે છે. ચાઇનામેન બોલર કુલદીપ યાદવ નીતિશ રેડ્ડી અથવા વોશિંગ્ટન સુંદરનું સ્થાન લઈ શકે છે. દરમિયાન, ઓસ્ટ્રેલિયન ટીમની પ્લેઇંગ ઇલેવનમાં ઓછામાં ઓછા બે ફેરફારની અપેક્ષા છે. વિકેટકીપર એલેક્સ કેરી અને લેગ-સ્પિનર ​​એડમ ઝમ્પા આ મેચમાં રમતા જોવા મળશે. આ બંને અનુક્રમે પ્લેઇંગ ઇલેવનમાં જોશ ફિલિપ અને મેથ્યુ કુહનમેનનું સ્થાન લઈ શકે છે.એડિલેડ વનડે માટે ઓસ્ટ્રેલિયાની સંભવિત પ્લેઇંગ ઇલેવનટ્રેવિસ હેડ, મિશેલ માર્શ (કેપ્ટન), મેથ્યુ શોર્ટ, મેથ્યુ રેનશો, એલેક્સ કેરી (વિકેટકીપર), મિશેલ ઓવેન, કૂપર કોનોલી, મિશેલ સ્ટાર્ક, નાથન એલિસ, એડમ ઝમ્પા અને જોશ હેઝલવુડ.એડિલેડ વનડે માટે ભારતની સંભવિત પ્લેઇંગ ઇલેવનરોહિત શર્મા, શુભમન ગિલ (કેપ્ટન), વિરાટ કોહલી, શ્રેયસ ઐયર, કેએલ રાહુલ (વિકેટકીપર), અક્ષર પટેલ, નીતિશ કુમાર રેડ્ડી, કુલદીપ યાદવ, હર્ષિત રાણા, મોહમ્મદ સિરાજ અને અર્શદીપ સિંહ.

23/10/2025 17:20:14

ભારતની બીજી વનડેમાં હાર

INDIA VS AUSTRALIA: ઓસ્ટ્રેલિયાએ એડિલેડમાં રમાયેલી બીજી વનડે મેચમાં મેથ્યુ શોર્ટ અને કૂપર કોનોલીની શાનદાર ઇનિંગ્સની મદદથી ભારતને 2 વિકેટથી હરાવ્યું. આ સાથે, ઓસ્ટ્રેલિયાએ ત્રણ મેચની શ્રેણીમાં 2-0ની અજેય લીડ મેળવી લીધી છે. ભારતે પ્રથમ બેટિંગ કરતા 50 ઓવરમાં 9 વિકેટે 264 રન બનાવ્યા. જવાબમાં, ઓસ્ટ્રેલિયાએ 22 બોલ બાકી રહેતા 8 વિકેટ ગુમાવીને મેચ જીતી લીધી. 17 વર્ષમાં એડિલેડમાં ભારતનો આ પહેલો વનડે હારનો પ્રસંગ છે.

 

23/10/2025 16:54:52

ઓસ્ટ્રેલિયાને 36 બોલમાં 13 રનની જરૂર

મોહમ્મદ સિરાજે 44મી ઓવર ફેંકી, ફક્ત 4 રન આપ્યા. પરંતુ ઓસ્ટ્રેલિયા હવે બોલથી પરેશાન નથી. તેમને જીતવા માટે 36 બોલમાં 13 રનની જરૂર છે, જેમાં કોનોલી 55 અને ઝેવિયર બાર્ટલેટ 2 રન બનાવી રહ્યા છે.

23/10/2025 16:53:48

41મી ઓવરમાં 13 રન આવ્યા

ઓસ્ટ્રેલિયા હવે જીત તરફ આગળ વધી રહ્યું છે, ભારત દરેક ઓવર સાથે પાછળ પડી રહ્યું છે. અક્ષર પટેલે 41મી ઓવર ફેંકી અને મિશેલ ઓવેને છેલ્લા બે બોલમાં એક ફોર અને એક સિક્સર ફટકારી. આ ઓવરમાં કુલ 13 રન બન્યા. ઓસ્ટ્રેલિયાને જીતવા માટે હવે 54 બોલમાં 36 રનની જરૂર છે.

23/10/2025 16:52:46

78 બોલમાં 75 રનની જરૂર

મિશેલ ઓવેન નવા બેટ્સમેન છે. 37 ઓવર રમાઈ ગઈ છે, 13 ઓવર બાકી છે. ઓસ્ટ્રેલિયાને જીતવા માટે 78 બોલમાં 75 રનની જરૂર છે. ભારત આ મેચ ફક્ત વિકેટ લઈને જ જીતી શકે છે, કારણ કે રન ઓછા છે અને બોલ વધારે છે.

23/10/2025 13:34:29

ભારતે બનાવ્યા 264 રન

ભારતે ઓસ્ટ્રેલિયા માટે 265 રનનો લક્ષ્યાંક આપ્યો હતો. ઓસ્ટ્રેલિયાએ ટોસ જીતીને બીજી વનડેમાં પ્રથમ બોલિંગ કરવાનો નિર્ણય લીધો. રોહિત શર્મા અને શ્રેયસ ઐયરની અડધી સદી અને હર્ષિત રાણા અને અર્શદીપ સિંહ વચ્ચેની ભાગીદારીને કારણે ભારતે 50 ઓવરમાં નવ વિકેટે 264 રન બનાવ્યા. આઉટ થયા પહેલા રોહિતે સૌથી વધુ 73 રન બનાવ્યા. શ્રેયસ ઐયરે પણ 61 રન બનાવ્યા. રોહિત અને શ્રેયસે ત્રીજી વિકેટ માટે 118 રનની ભાગીદારી કરી હતી.

ભારતની મેચની શરૂઆત ખરાબ રહી, ઝેવિયર બાર્ટલેટે કેપ્ટન શુભમન ગિલ અને વિરાટ કોહલીને આઉટ કર્યા હતા. કોહલી સતત બીજી મેચમાં કોઈ રન બનાવ્યા વિના આઉટ થયો. ત્યારબાદ રોહિત અને શ્રેયસે ઇનિંગ્સને સ્થિર કરી અને સદીની ભાગીદારી કરી હતી.  જોકે, રોહિત સદી ચૂકી ગયો. શ્રેયસ પણ ક્રીઝ પર વધુ સમય ટકી શક્યો નહીં. આ બે બેટ્સમેનોના આઉટ થયા પછી ભારતીય ઇનિંગ્સ પડી ભાંગી. અક્ષર પટેલે સારી બેટિંગ કરી હતી પરંતુ તે પણ 44 રન બનાવીને આઉટ થઈ ગયો હતો. અંતે હર્ષિત અને અર્શદીપે નવમી વિકેટ માટે 37 રન ઉમેર્યા, જેના કારણે ભારતને 260 રનનો આંકડો પાર કરવામાં મદદ મળી હતી.

ભારત માટે રોહિત, શ્રેયસ અને અક્ષર ઉપરાંત, અર્શદીપે 13, વોશિંગ્ટન સુંદરે 12, કેએલ રાહુલ 11, ગિલ 9 અને નીતિશ રેડ્ડી 8 રન બનાવ્યા. હર્ષિત રાણા 24 રન બનાવીને અણનમ રહ્યો. ઓસ્ટ્રેલિયા માટે એડમ ઝમ્પાએ ચાર વિકેટ લીધી, જ્યારે ઝેવિયર બાર્ટલેટે ત્રણ વિકેટ લીધી. મિશેલ સ્ટાર્કને બે વિકેટ મળી હતી.

23/10/2025 12:45:02

IND vs AUS 2nd ODI Live Score: અક્ષર પટેલ અડધી સદી ચૂકી ગયો

અક્ષર પટેલે એડમ ઝમ્પાના બોલ પર શોટ ફટકાર્યો હતો પરંતુ બાઉન્ડ્રી લાઇન પર ઉભેલા મિશેલ સ્ટાર્કે શાનદાર કેચ પકડ્યો. અક્ષર પટેલ 44 રન બનાવીને આઉટ થયો

23/10/2025 12:44:42

IND vs AUS 2nd ODI Live Score: વોશિંગ્ટન સુંદર 12 રન બનાવીને આઉટ થયો

વોશિંગ્ટન સુંદર ઝેવિયર બાર્ટલેટની ઓવરમાં આઉટ થયો હતો. હેઝલવુડે બાઉન્ડ્રી લાઇન પર તેનો કેચ પકડ્યો હતો. સુંદરે 14 બોલમાં 12 રન બનાવ્યા હતા. આ ભારતની છઠ્ઠી વિકેટ છે.

23/10/2025 12:08:04

IND vs AUS 2nd ODI Live Score: કેએલ રાહુલ 11 રનમાં આઉટ

એડમ ઝમ્પાએ કેએલ રાહુલને બોલ્ડ કર્યો હતો. કેએલ રાહુલ 15 બોલમાં 11 રન કરીને આઉટ થયો હતો. આ મેચમાં ઝમ્પાની બીજી અને ભારતની પાંચમી વિકેટ હતી.

23/10/2025 12:07:39

IND vs AUS 2nd ODI Live Score: ભારતે ગુમાવી ચોથી વિકેટ

ઐયરને પણ એડમ ઝમ્પાએ બોલ્ડ કર્યો હતો. ઐયરે 77 બોલમાં 61 રન બનાવ્યા.

23/10/2025 11:50:44

IND vs AUS 2nd ODI Live Score: રોહિત શર્મા 73 રનમાં આઉટ

મિશેલ માર્શે ભાગીદારી તોડવા માટે મિશેલ સ્ટાર્કને બોલ આપ્યો હતો. સ્ટાર્કે રોહિત શર્માની મોટી વિકેટ લીધી હતી. રોહિતે 97 બોલમાં 73 રન બનાવ્યા. રોહિતે ધીમી શરૂઆત કરી, 62 બોલમાં 30 રન બનાવ્યા પરંતુ તે પછી તેણે ઝડપી રન બનાવ્યા. આ ભારતની ત્રીજી વિકેટ છે. રોહિત અને શ્રેયસ ઐયરે 118 રનની ભાગીદારી કરી.

23/10/2025 11:50:20

IND vs AUS 2nd ODI Live Score: શ્રેયસ ઐયરે અડધી સદી

શ્રેયસ ઐયરે કૂપર કોનોલીના બોલ પર એક સિંગલ સાથે તેની ODI કારકિર્દીની 29મી અડધી સદી ફટકારી હતી. વાઈસ કેપ્ટન આ ઐયરે પહેલી અડધી સદી ફટકારી. તેણે 67 બોલમાં પોતાની અડધી સદી પૂરી કરી અને રોહિત શર્મા સાથે સદીની ભાગીદારી પૂર્ણ કર્યા પછી ક્રીઝ પર છે

23/10/2025 10:58:10

IND vs AUS 2nd ODI Live Score: ભારતે 100 રન પુરા કર્યા

રોહિત શર્માએ મેથ્યુ શોર્ટના બોલ પર એક સિંગલ લીધો, જેનાથી ભારતે 100 રનનો આંકડો પૂરો કર્યો હતો. રોહિત શર્મા 54 અને ઐયર 35 રન પર છે.

23/10/2025 10:57:47

IND vs AUS 2nd ODI Live Score: રોહિત શર્માએ પોતાની અડધી સદી પૂર્ણ કરી

રોહિત શર્માએ કૂપર કોનોલીની બોલ પર એક સિંગલ સાથે પોતાની 59મી વન-ડે અડધી સદી પૂર્ણ કરી. આ મેચની શરૂઆતમાં તેણે બે છગ્ગા ફટકારીને રેકોર્ડ બનાવ્યો હતો, જે આંતરરાષ્ટ્રીય ક્રિકેટમાં 150 છગ્ગા ફટકારનાર પ્રથમ એશિયન બેટ્સમેન બન્યો હતો. આ ઇનિંગમાં તેણે ઓસ્ટ્રેલિયામાં ઓસ્ટ્રેલિયા સામેની ODIમાં 1000 રન પણ પૂરા કર્યા, જે આવું કરનાર પ્રથમ ભારતીય બેટ્સમેન બન્યો હતો.  

23/10/2025 10:53:46

IND vs AUS 2nd ODI Live Score: રોહિત શર્માએ SENA દેશોમાં 150 છગ્ગા પૂરા કર્યા

રોહિત શર્માએ ઓસ્ટ્રેલિયા સામેની બીજી વન-ડેમાં વધુ એક રેકોર્ડ બનાવ્યો છે. તે SENA દેશોમાં (દક્ષિણ આફ્રિકા, ઈંગ્લેન્ડ, ન્યુઝીલેન્ડ અને ઓસ્ટ્રેલિયા) 150 છગ્ગા ફટકારનાર પ્રથમ એશિયન બેટ્સમેન બન્યો છે.

23/10/2025 10:53:26

IND vs AUS 2nd ODI Live Score: રોહિત શર્માએ એક ઓવરમાં 2 છગ્ગા ફટકાર્યા

રોહિત શર્માએ મિશેલ ઓવેને ફેંકેલી 19મી ઓવરના પહેલા બોલ પર રોહિતે સિક્સ ફટકારી હતી. આ સાથે તેના અને શ્રેયસ ઐયર વચ્ચે 50 રનની ભાગીદારી થઈ હતી. શર્માએ ઓવરના ત્રીજા બોલ પર વધુ એક સિક્સ ફટકારી હતી.

23/10/2025 10:53:26

IND vs AUS 2nd ODI Live Score: રોહિત શર્માએ એક ઓવરમાં 2 છગ્ગા ફટકાર્યા

રોહિત શર્માએ મિશેલ ઓવેને ફેંકેલી 19મી ઓવરના પહેલા બોલ પર રોહિતે સિક્સ ફટકારી હતી. આ સાથે તેના અને શ્રેયસ ઐયર વચ્ચે 50 રનની ભાગીદારી થઈ હતી. શર્માએ ઓવરના ત્રીજા બોલ પર વધુ એક સિક્સ ફટકારી હતી.

23/10/2025 09:48:36

IND vs AUS 2nd ODI Live Score: વિરાટ કોહલી શૂન્ય રનમાં આઉટ

ઝેવિયર બાર્ટલેટે આ ઓવરના પહેલા બોલ પર શુભમન ગિલને આઉટ કર્યો હતો. તેણે પાંચમા બોલ પર વિરાટ કોહલીના રૂપમાં બીજી મોટી વિકેટ લીધી. કોહલી ચાર બોલનો સામનો કર્યા પછી શૂન્ય રનમાં આઉટ થયો. ભારત માટે આ સતત બીજી શૂન્ય રન છે. ભારતને બીજો ઝટકો લાગ્યો છે.

23/10/2025 09:48:13

IND vs AUS 2nd ODI Live Score: ભારતે પોતાની પહેલી વિકેટ ગુમાવી

ઝેવિયર બાર્ટલેટની ઓવરમાં શુભમન ગિલે આગળ રમવાનો પ્રયાસ કર્યો પરંતુ ખરાબ ટાઈમિંગના કારણે સામે ઉભેલા મિશેલ માર્શે ડાઇવ લગાવીને કેચ પકડ્યો. ભારતની પહેલી વિકેટ કેપ્ટન શુભમન ગિલના રૂપમાં પડી, જે 9 બોલમાં 9 રન બનાવીને આઉટ થયો.

23/10/2025 09:48:02

IND vs AUS 2nd ODI Live Score: ભારતે પોતાની પહેલી વિકેટ ગુમાવી

ઝેવિયર બાર્ટલેટની ઓવરમાં શુભમન ગિલે આગળ રમવાનો પ્રયાસ કર્યો પરંતુ ખરાબ ટાઈમિંગના કારણે સામે ઉભેલા મિશેલ માર્શે ડાઇવ લગાવીને કેચ પકડ્યો. ભારતની પહેલી વિકેટ કેપ્ટન શુભમન ગિલના રૂપમાં પડી, જે 9 બોલમાં 9 રન બનાવીને આઉટ થયો.

23/10/2025 08:51:09

ભારતની પ્લેઈંગ ઈલેવન

23/10/2025 08:38:30

IND vs AUS 2nd ODI Live Score: ઓસ્ટ્રેલિયાની પ્લેઈંગ ઈલેવન

23/10/2025 08:35:57

IND vs AUS 2nd ODI Live Score: ઓસ્ટ્રેલિયાએ જીત્યો ટોસ, પ્રથમ બોલિંગ કરશે

બીજી વન-ડે મેચમાં ઓસ્ટ્રેલિયાએ ટોસ જીત્યો હતો અને પ્રથમ બોલિંગ કરવાનો નિર્ણય કર્યો હતો.