T20 Cricket: ક્રિકેટમાં સમયે સમયે બેટ્સમેનોએ પોતાની તોફાની બેટિંગથી ફેન્સનું મનોરંજન કર્યું છે. આજકાલ ટી20નો ક્રેઝ ખુબ વધ્યો છે. લોકો આ નાના ફોર્મેટને ખુબ પસંદ કરે છે. T20 ક્રિકેટની એક અલગ જ મજા હોય છે. જ્યાં બેટ્સમેન મેચના પહેલા જ બોલથી ફટકારવાનું શરૂ કરે છે. T20 ક્રિકેટમાં, ચાહકોને છગ્ગા અને ચોગ્ગાનો વરસાદ જોવા મળે છે. બેટ્સમેન તોફાની શૈલીમાં બેટિંગ કરે છે. આ શૈલીમાં રમીને, બેટ્સમેન મોટા રેકોર્ડ બનાવે છે. આ પ્રકારની બેટિંગ કરીને, એસ્ટોનિયાના બેટ્સમેન સાહિલ ચૌહાણે સૌથી ઝડપી સદી ફટકારવાનો રેકોર્ડ હાંસલ કર્યો.
T20 માં સૌથી ઝડપી સદી ફટકારનારા ટોચના 10 બેટ્સમેન
1- સાહિલ ચૌહાણ
T20 આંતરરાષ્ટ્રીયમાં સૌથી ઝડપી સદી ફટકારવાનો રેકોર્ડ એસ્ટોનિયાના બેટ્સમેન સાહિલ ચૌહાણના નામે છે. સાહિલે વર્ષ 2024 માં સાયપ્રસ સામે આ કારનામું કર્યું હતું. સાહિલે માત્ર 27 બોલમાં સદી ફટકારી હતી.
2- મુહમ્મદ ફહાદ
તુર્કીના બેટ્સમેન મુહમ્મદ ફહાદે વર્ષ 2025 માં બલ્ગેરિયા સામે માત્ર 29 બોલમાં સદી ફટકારીને ઇતિહાસ રચ્યો હતો.
3- જૈન નિકલ લોફ્ટી ઇટન
નામિબિયન બેટ્સમેન જેક નિકલ લોફ્ટી ઇટન આ યાદીમાં ત્રીજા સ્થાને છે. ઈટનએ વર્ષ 2024માં નેપાળ સામે માત્ર 33 બોલમાં સદી ફટકારીને ઇતિહાસના પાનામાં પોતાનું નામ નોંધાવ્યું હતું.
4- સિકંદર રઝા
ઝિમ્બાબ્વેના ઓલરાઉન્ડર સિકંદર રઝાનું નામ પણ આ યાદીમાં સામેલ છે. રઝાએ વર્ષ 2024માં ગામ્બિયા સામે માત્ર 33 બોલમાં સદી ફટકારી હતી.
5- કુશલ મલ્લા
નેપાળના બેટ્સમેન કુશલ મલ્લાએ મંગોલિયા સામે માત્ર 34 બોલમાં સદી ફટકારીને ઇતિહાસ રચ્યો હતો.
6- ડેવિડ મિલર
દક્ષિણ આફ્રિકાના ડેશિંગ બેટ્સમેન ડેવિડ મિલરે વર્ષ 2017માં બાંગ્લાદેશ સામે ઇતિહાસ રચ્યો હતો. જ્યારે તેણે માત્ર 35 બોલમાં સદી ફટકારી હતી.
7- રોહિત શર્મા
ભારતીય બેટ્સમેન રોહિત શર્મા ભારત તરફથી સદી ફટકારનાર સૌથી ઝડપી બેટ્સમેન છે. રોહિતે 2017માં શ્રીલંકા સામે માત્ર 35 બોલમાં સદી ફટકારી હતી.
8- સુદેશ વિક્રમશેખરા
ચેક રિપબ્લિકના બેટ્સમેન સુદેશ વિક્રમશેખરા આ યાદીમાં 8મા સ્થાને છે. સુદેશે 2019 માં એસ્ટોનિયા સામે માત્ર 35 બોલમાં સદી ફટકારી હતી.
9- અભિષેક શર્મા
ભારતીય બેટ્સમેન અભિષેક શર્માનું નામ પણ આ યાદીમાં સામેલ છે. અભિષેકે 2025 માં ઇંગ્લેન્ડ સામે માત્ર 37 બોલમાં સદી ફટકારી હતી.
10- શેખ રસિક
હંગેરીના બેટ્સમેન શેખ રસિકે 2025 માં માલ્ટા સામે માત્ર 37 બોલમાં સદી ફટકારીને ઇતિહાસ રચ્યો હતો.