India vs England: ગઇકાલે રમાયેલી આઇસીસી ટી20 વર્લ્ડકપની બીજી સેમિ ફાઇનલમાં ભારતીય ટીમની ઇંગ્લિશ ટીમ સામે કારમી હાર થતાં જ લોકોનો ગુસ્સો ફૂટ્યો હતો. આ કડીમાં પૂર્વ દિગ્ગજોએ ટીમ ઇન્ડિયાની ઝાટકણી કાઢી હતી, અને ઇંગ્લિશ ટીમની રમતની પ્રસંશા કરી હતી. 


હાર બાદ એક પછી એક દિગ્ગજો ટ્વીટ કરીને જુદીજુદી વાત કહી રહ્યાં હતા, કોઇએ ભારતની હાર પર મજાક ઉડાવી તો, કોઇએ ઇંગ્લિશ ટીમની પ્રસશા કરી. આમાં ભારતીય દિગ્ગજોથી લઇને પાકિસ્તાની દિગ્ગજો પણ સામેલ હતા. 


IND vs ENG, Match Highlights: ઈંગ્લેન્ડે ભારતને ખરાબ રીતે હરાવી ફાઈનલમાં બનાવી જગ્યા, એડિલેડમાં 10 વિકેટથી મેળવી શાનદાર જીત
T20 World Cup 2022: T20 વર્લ્ડ કપની સેમિફાઇનલ મેચમાં ભારતને ઇંગ્લેન્ડ સામે કારમી હારનો સામનો કરવો પડ્યો છે. ભારતને 10 વિકેટે હરાવીને ઈંગ્લેન્ડે ફાઇનલમાં પોતાનું સ્થાન બનાવી લીધું છે જ્યાં તેનો મુકાબલો રવિવારે પાકિસ્તાન સામે થવાનો છે. પ્રથમ બેટિંગ કરતા ભારતે 168 રન બનાવ્યા હતા જેના જવાબમાં ઈંગ્લેન્ડે 16 ઓવરમાં કોઈ વિકેટ ગુમાવ્યા વિના મેચ જીતી લીધી હતી.


હાર્દિકના કારણે ભારત મજબૂત સ્કોર સુધી પહોંચ્યું હતું


પ્રથમ બેટિંગ કરતા ભારતની શરૂઆત સારી રહી ન હતી અને તેણે બીજી ઓવરમાં જ કેએલ રાહુલની વિકેટ ગુમાવી દીધી હતી. કેપ્ટન રોહિત શર્માએ 27 રન બનાવ્યા પરંતુ આ માટે તેણે 28 બોલનો સામનો પણ કર્યો. સૂર્યકુમાર યાદવ પણ માત્ર 14 રન બનાવીને આઉટ થયો હતો અને 12મી ઓવર સુધીમાં ભારતે 75 રનમાં 3 વિકેટ ગુમાવી દીધી હતી. વિરાટ કોહલીએ એક છેડો સંભાળ્યો પરંતુ તેણે 40 બોલમાં 50 રનની ધીમી ઇનિંગ રમી હતી. બીજા છેડેથી, હાર્દિક પંડ્યાએ 33 બોલમાં 63 રનની ધમાકેદાર ઇનિંગ રમીને ભારતને 168 રનના મજબૂત સ્કોર સુધી પહોંચાડ્યું હતું. ઈંગ્લેન્ડ તરફથી ક્રિસ જોર્ડને 3 વિકેટ લીધી હતી.


સ્કોરનો પીછો કરતા ઈંગ્લેન્ડે પહેલી જ ઓવરથી જ પોતાના ઈરાદા સ્પષ્ટ કરી દીધા હતા અને તેણે ભારતીય બોલરો સામે સતત રન ફટકાર્યા હતા. પાવરપ્લેમાં જ ઇંગ્લિશ ટીમે 63 રન બનાવ્યા હતા અને તેમનું આક્રમણ ચાલુ રહ્યું હતું. શરૂઆતમાં, હેલ્સે વધુ હુમલો કર્યો અને બટલરે પણ શાનદાર ઈનિંગ રમી  ધીમે-ધીમે બટલર પણ તેના રંગમાં આવી ગયો અને તેણે પણ આક્રમક શોટ ફટકારવાનું શરૂ કર્યું. બટલરે 49 બોલમાં 80 રનની અણનમ ઇનિંગ રમી હતી જ્યારે હેલ્સે પણ 47 બોલમાં 86 રનની અણનમ ઇનિંગ રમી હતી. 


ઇંગ્લેન્ડે ટૉસ જીતીને પહેલા ફિલ્ડિંગ કરવાનો નિર્ણય કર્યો હતો. ટીમ ઈન્ડિયાએ નિર્ધારિત ઓવરમાં 6 વિકેટે 168 રન બનાવ્યા હતા. ટીમ તરફથી સૌથી વધુ હાર્દિક પંડ્યાએ 33 બોલમાં જ 63 રન ફટકાર્યા હતા. તો વિરાટ કોહલીએ 40 બોલમાં 50 રન ફટકાર્યા હતા. આ બન્ને પ્લેયર્સે ટીમની ઇનિંગને સંભાળીને ટીમના સ્કોરને 168 રન સુધી પહોંચાડ્યો હતો. 


જાણો ભારતની હાર બાદ દિગ્ગજોએ શું કહ્યું - 


ઈંગ્લેન્ડ સામેની સેમીફાઈનલમાં હાર બાદ, ભારતના ભૂતપૂર્વ દિગ્ગજ ઓપનર વીરેન્દ્ર સેહવાગે પોતાની પ્રતિક્રિયા આપતા કહ્યું કે 'ભારત  બોલિંગને લઈને સંપૂર્ણપણે ક્લૂલેસ જોવી મળી.  હેલ્સ અને બટલર ભારતીય અટેક માટે ખૂબ જ સારા હતા'.


ભારતના ભૂતપૂર્વ સ્પિનર ​​અમિત મિશ્રાએ કહ્યું હતું કે 'દિલ તૂટી ગયું છે, ઇંગ્લેન્ડે ફાઇનલમાં પહોંચવા માટે તમામ શક્તિ લગાવી દીધી છે. નેક્સ્ટ ટાઈમ બેટર લક'.


ભારતના ભૂતપૂર્વ ઓપનર વસીમ જાફરે કહ્યું કે 'ભારત માટે દિલ તૂટે તેવુ પરંતુ આ મોટી મેચ જીતવા અને ફાઇનલમાં પહોંચવા માટે ઈંગ્લેન્ડની ટીમને અભિનંદન.


ઈંગ્લેન્ડની ટીમને અભિનંદન આપતા ભારતના ભૂતપૂર્વ બોલર ઈરફાન પઠાણે કહ્યું કે 'ઈંગ્લેન્ડ તમે હંમેશા ખૂબ સારી ટીમ રહો, શુભેચ્છાઓ. ટીમ ઈન્ડિયાએ ઘણું શીખવા જેવું છે અને આગલી વખતે મજબૂત વાપસી કરો. 


ભારતના ભૂતપૂર્વ ક્રિકેટર રોબિન ઉથપ્પાએ કહ્યું કે, 'જોશ બટલર અને એલેક્સ હેલ્સ  બંનેએ શાનદાર ઇનિંગ્સ રમી હતી. ભારત માટે દિલ તૂટે તેવી હાર


તે જ સમયે, પૂર્વ પાકિસ્તાની ક્રિકેટરે ભારતની હાર પર એક ફની તસવીર મૂકી અને ટીમ ઈન્ડિયા બહાર થવા પર કટાક્ષનો પ્રયાસ કર્યો.


પાકિસ્તાનના પૂર્વ દિગ્ગજ ખેલાડી શોએબ અખ્તરે આ હાર પર કહ્યું કે '170-0 એક એવો આંકડો છે જે આવનારા સમય માટે પરેશાન કરનારો છે. ટફ ગેમ ઈન્ડિયા


પાકિસ્તાનના પૂર્વ સ્પિનર ​​સઈદ અજમલે ભારતની હાર પર કહ્યું કે 'ઈંગ્લેન્ડને અભિનંદન. જોશ બટલર અને એલેક્સ હેલ્સ વચ્ચે એકદમ શાનદાર ભાગીદારી. હાર્ડ લક ઈન્ડિયા. હાર્દિક અને વિરાટની ઇનિંગ્સ શાનદાર રહી હતી પરંતુ કમનસીબે ફાઇનલમાં જગ્યા બનાવી શક્યા ન હતા.