DC vs GT: ગુજરાત સામે રોમાંચક મેચમાં દિલ્હી કેપિટલ્સનો 4 રને વિજય
DC vs GT Live Score IPL 2024: અહીં તમને દિલ્હી કેપિટલ્સ અને ગુજરાત ટાઇટન્સ વચ્ચેની મેચનો લાઇવ સ્કોર અને મેચ સંબંધિત તમામ અપડેટ્સ મળશે.
DC vs GT Match Report: દિલ્હી કેપિટલ્સે ગુજરાત ટાઇટન્સને હરાવ્યું છે. ગુજરાત ટાઇટન્સને જીતવા માટે 225 રનનો ટાર્ગેટ હતો, પરંતુ 20 ઓવરમાં 8 વિકેટે 220 રન જ બનાવી શકી હતી. આ રીતે શુભમન ગિલની આગેવાની હેઠળની ગુજરાત ટાઇટન્સે 4 રને હારનો સામનો કરવો પડ્યો હતો. ગુજરાત ટાઇટન્સ માટે ડેવિડ મિલરે તોફાની ઇનિંગ રમી હતી. આ બેટ્સમેને 23 બોલમાં 6 ચોગ્ગા અને 3 છગ્ગાની મદદથી 55 રન બનાવ્યા, પરંતુ ટીમને જીત તરફ લઈ જવામાં નિષ્ફળ રહ્યો. ડેવિડ મિલર સિવાય સાઈ સુદર્શને 39 બોલમાં 65 રનનું યોગદાન આપ્યું હતું. જ્યારે રિદ્ધિમાન સાહાએ 25 બોલમાં 39 રન બનાવ્યા હતા. છેલ્લી ઓવરોમાં રાશિદ ખાને 11 બોલમાં 21 રન ફટકાર્યા હતા, પરંતુ તે ટીમને જીત તરફ લઈ જઈ શક્યો નહોતો.
13મી ઓવરમાં રસિક સલામે સાઈ સુદર્શનને આઉટ કરીને ગુજરાતને ચોથો ઝટકો આપ્યો હતો. સુદર્શન 39 બોલમાં 65 રન બનાવીને પેવેલિયન પરત ફર્યો હતો. તેના બેટમાંથી 7 ચોગ્ગા અને 2 છગ્ગા આવ્યા હતા. ગુજરાતને હવે 42 બોલમાં જીતવા માટે 98 રન કરવાના છે. ડેવિડ મિલર અને શાહરૂખ ખાન ક્રિઝ પર છે. ગુજરાતનો સ્કોર એક વિકેટે 127 રન છે.
કુલદીપ યાદવે આઠમી ઓવર નાખી. આ ઓવરમાં આઠ રન આવ્યા હતા. 8 ઓવર પછી ગુજરાત ટાઇટન્સનો સ્કોર એક વિકેટે 79 રન છે. રિદ્ધિમાન સાહા 22 બોલમાં 5 ચોગ્ગા અને એક છગ્ગાની મદદથી 37 રન બનાવી રહ્યો છે. જ્યારે સુદર્શન 21 બોલમાં 34 રન બનાવીને રમતમાં છે. તેના બેટમાંથી અત્યાર સુધીમાં 5 ચોગ્ગા અને એક છગ્ગા આવી ચૂક્યા છે. ગુજરાતને હવે 72 બોલમાં જીતવા માટે 146 રન બનાવવાના છે.
ગુજરાતનો સ્કોર માત્ર 4 ઓવરમાં એક વિકેટે 50 રન સુધી પહોંચી ગયો છે. ગિલની વિકેટથી કોઈ ફરક પડ્યો નથી. રિદ્ધિમાન સાહા 10 બોલમાં 26 રન અને સાઈ સુદર્શન 9 બોલમાં 17 રન બનાવીને રમી રહ્યો છે. બંને વચ્ચે 15 બોલમાં 37 રનની ભાગીદારી છે.
બીજી ઓવરમાં શુભમન ગિલની વિકેટ પડી હોવા છતાં તેની સાથે 15 રન પણ આવ્યા હતા. 2 ઓવર પછી ગુજરાત ટાઇટન્સનો સ્કોર એક વિકેટે 24 રન છે. સાઈ સુદર્શન બે બોલમાં સાત રન અને રિદ્ધિમાન સાહા પાંચ બોલમાં 10 રન બનાવીને રમતમાં છે.
ટોસ હાર્યા બાદ પ્રથમ બેટિંગ કરવા ઉતરેલી દિલ્હી કેપિટલ્સે 20 ઓવરમાં 4 વિકેટ ગુમાવીને 224 રન બનાવ્યા હતા. દિલ્હી માટે કેપ્ટન રિષભ પંતે 43 બોલમાં 88 રનની અણનમ ઇનિંગ રમી હતી. તેના બેટમાંથી 5 ચોગ્ગા અને 8 છગ્ગા આવ્યા હતા. જ્યારે અક્ષર પટેલે 43 બોલમાં 66 રનની ઇનિંગ રમી હતી. પટેલના બેટમાંથી 5 ચોગ્ગા અને 4 છગ્ગા આવ્યા હતા. પંત અને પટેલે ચોથી વિકેટ માટે 113 રનની ભાગીદારી કરી હતી. અંતે ટ્રુસ્ટન સ્ટબ્સ સાત બોલમાં 26 રન બનાવીને અણનમ પરત ફર્યો હતો.
15 ઓવર પછી દિલ્હી કેપિટલ્સનો સ્કોર 3 વિકેટે 127 રન છે. અક્ષર પટેલે આ સિઝનની તેની પ્રથમ અડધી સદી 37 બોલમાં ફટકારી હતી. જ્યારે રિષભ પંત 26 બોલમાં 34 રન બનાવીને રમતમાં છે. બંને વચ્ચે 83 રનની ભાગીદારી છે.
9 ઓવર પછી દિલ્હી કેપિટલ્સનો સ્કોર 3 વિકેટે 68 રન છે. અક્ષર પટેલ 19 બોલમાં 19 રન સુધી પહોંચી ગયો છે. જ્યારે રિષભ પંત આઠ બોલમાં સાત રન પર છે. અક્ષરે એક ફોર અને એક સિક્સ ફટકારી છે.
5 ઓવર પછી દિલ્હી કેપિટલ્સનો સ્કોર 2 વિકેટે 43 રન છે. શાઈ હોપ ચાર બોલમાં પાંચ રન અને અક્ષર પટેલ પાંચ બોલમાં ત્રણ રન પર છે. બંને અત્યારે કાળજીપૂર્વક રમી રહ્યા છે.
સંદીપ વારિયરે ચોથી ઓવરમાં દિલ્હી કેપિટલ્સને પહેલો ઝટકો આપ્યો હતો. જેક ફ્રેઝર મેકગર્ક સિક્સર મારવાના પ્રયાસમાં બાઉન્ડ્રી પર કેચ આઉટ થયો હતો. તે 14 બોલમાં 23 રન બનાવીને પેવેલિયન પરત ફર્યો હતો. દિલ્હીએ 35 રનમાં પ્રથમ વિકેટ ગુમાવી હતી.
શુભમન ગિલ (કેપ્ટન), રિદ્ધિમાન સાહા(વિકેટકીપર), ડેવિડ મિલર, અઝમતુલ્લાહ ઓમરઝાઈ, રાહુલ તેવટિયા, શાહરૂખ ખાન, રાશિદ ખાન, આર સાઈ કિશોર, નૂર અહમદ, મોહિત શર્મા અને સંદીપ વોરિયર.
ઇમ્પેક્ટ પ્લેયર્સ: બી.આર. શરથ, સાઈ સુદર્શન, માનવ સુથાર, દર્શન નાલકંડે, વિજય શંકર.
શુભમન ગિલ (કેપ્ટન), રિદ્ધિમાન સાહા(વિકેટકીપર), ડેવિડ મિલર, અઝમતુલ્લાહ ઓમરઝાઈ, રાહુલ તેવટિયા, શાહરૂખ ખાન, રાશિદ ખાન, આર સાઈ કિશોર, નૂર અહમદ, મોહિત શર્મા અને સંદીપ વોરિયર.
ઇમ્પેક્ટ પ્લેયર્સ: બી.આર. શરથ, સાઈ સુદર્શન, માનવ સુથાર, દર્શન નાલકંડે, વિજય શંકર.
રિષભ પંત (કેપ્ટન અને વિકેટકીપર), પૃથ્વી શો, જેક ફ્રેઝર-મેગર્ક, અભિષેક પોરેલ, શાઈ હોપ, ટ્રિસ્ટન સ્ટબ્સ, અક્ષર પટેલ, કુલદીપ યાદવ, એનરિક નોર્કિયા, ખલીલ અહેમદ અને મુકેશ કુમાર.
ઇમ્પેક્ટ પ્લેયર્સ: સુમિત કુમાર, રસિક દાર સલામ, કુમાર કુશાગરા, પ્રવીણ દુબે, લલિત યાદવ.
ગુજરાત ટાઇટન્સના કેપ્ટન શુભમન ગિલે ટોસ જીતીને પ્રથમ બોલિંગ કરવાનો નિર્ણય લીધો છે. દિલ્હી કેપિટલ્સ પ્રથમ બેટિંગ કરશે. શુભમન ગિલની આ 100મી આઈપીએલ મેચ છે. ડેવિડ વોર્નર આજે રમી રહ્યો નથી. લલિત યાદવને પણ બહારનો રસ્તો દેખાડવામાં આવ્યો છે.
બ્રેકગ્રાઉન્ડ
DC vs GT Live Score IPL 2024: આજે ગુજરાત ટાઇટન્સ સામેની IPL મેચમાં ઋષભ પંતની નેતૃત્વ ક્ષમતાની કસોટી થશે. દિલ્હીને તેના હૉમ ગ્રાઉન્ડ પર બોલરો પાસેથી સારા પ્રદર્શનની અપેક્ષા રહેશે. દિલ્હીને ઘરઆંગણે તેની છેલ્લી મેચમાં સનરાઇઝર્સ હૈદરાબાદ સામે 67 રને હારનો સામનો કરવો પડ્યો હતો, જ્યારે તે પહેલા ટીમ બે મેચ જીત હતી.
ઋષભ પંતથી થઇ હતી રણનીતિક ચૂક
કેપ્ટન ઋષભ પંતે હૈદરાબાદ સામે ઘણી વ્યૂહાત્મક ભૂલો કરી હતી. તેઓએ અરુણ જેટલી સ્ટેડિયમમાં ટૉસ જીતીને પ્રથમ બોલિંગ કરવાનો નિર્ણય કર્યો હતો. ઝાકળ અંગેનું તેમનું અનુમાન સાચું ન હતું. તેણે બીજી ઓવરમાં બોલ લલિત યાદવને આપ્યો. જેના કારણે હૈદરાબાદને આક્રમક શરૂઆત કરવાની તક મળી હતી. હૈદરાબાદે પાવરપ્લેની પ્રથમ છ ઓવરમાં વિના નુકસાન 125 રનનો રેકોર્ડ સ્કોર બનાવ્યો હતો. પાછળથી બેટિંગમાં, 267 રનનો પીછો કરતી વખતે પંત 35 બોલમાં 44 રન જ બનાવી શક્યો. આટલા મોટા ટાર્ગેટનો પીછો કરતી વખતે દિલ્હીના ઓપનર પૃથ્વી શૉ અને ડેવિડ વોર્નરને આક્રમક શરૂઆત આપવાની જરૂર હતી પરંતુ બંને સફળ થઈ શક્યા ન હતા. યુવા બેટ્સમેન જેક ફ્રેઝર મેકગર્કે 18 બોલમાં 65 રનની શાનદાર ઇનિંગ રમી હોવા છતાં તેને બીજા છેડેથી પૂરો સાથ મળ્યો ન હતો. અભિષેક પોરેલે ચોક્કસપણે 22 બોલમાં 42 રન બનાવીને થોડો ટેકો આપવાનો પ્રયાસ કર્યો હતો. હૈદરાબાદના બેટ્સમેનોએ દિલ્હીના બોલરોની ખૂબ જ ધૂલાઇ કરી હતી.
નૉર્ખિયાની જગ્યાએ ઇશાન્ત શર્માને મળી શકે છે મોકો
ફિરોઝશાહ કોટલા મેદાનની બાઉન્ડ્રી નાની છે, તેથી યજમાન ટીમના બોલરોની પણ ગુજરાત સામે કસોટી થશે. ટીમનો ફાસ્ટ બોલર એનરિચ નૉર્ખિયા આ સિઝનમાં બિલકુલ ફોર્મમાં નથી. અનુભવી ઇશાંત શર્મા આ મેચમાં વાપસી કરી શકે છે, જે પીઠના તાણને કારણે છેલ્લી મેચમાં રમ્યો ન હતો. સ્પિનર કુલદીપ યાદવ આ સિઝનમાં દિલ્હી માટે અત્યાર સુધીનો સર્વશ્રેષ્ઠ બોલર રહ્યો છે. તેણે પાંચ મેચમાં 10 વિકેટ લીધી છે અને તેનો ઈકોનોમી રેટ 7.60 હતો. તે હૈદરાબાદ સામે પણ વધુ સારું પ્રદર્શન કરી શક્યો નહોતો. તેના આઠ બોલ એવા હતા કે જેના પર કોઈ રન થયો ન હતો પરંતુ તેના બોલ પર સૌથી વધુ સાત સિક્સર ફટકારવામાં આવી હતી.
ગુજરાતને કેપ્ટન શુભમની ગીલ પાસેથી મોટી ઇનિંગની આશા
શુભમન ગિલના નેતૃત્વમાં ગુજરાતની ટીમના પ્રદર્શનમાં સાતત્ય નથી, પરંતુ છેલ્લી મેચમાં પંજાબ કિંગ્સ સામે ત્રણ વિકેટથી મળેલી જીતથી ટીમનું મનોબળ વધ્યું હશે. તે જીતનો સિલસિલો જાળવી રાખવા માંગશે. કેપ્ટન ગિલ પાસેથી મોટી ઇનિંગ્સની અપેક્ષા રાખવામાં આવશે. સાઈ સુદર્શન, ડેવિડ મિલર અને અઝમતુલ્લા ઓમરઝાઈ પણ બેટથી યોગદાન આપવા માટે નજરે પડશે. રાહુલ તેવટિયા ઇનિંગ્સના અંતે ફરી મોટા શોટ મારવાનો પ્રયાસ કરશે. બોલિંગમાં અનુભવી મોહિત શર્મા, નૂર અહેમદ અને રાશિદ ખાન પર ઘણો ભાર રહેશે.
- - - - - - - - - Advertisement - - - - - - - - -