DC vs MI Score: મુંબઈ ઈન્ડિયન્સે દિલ્હી કેપિટલ્સને 6 વિકેટે હરાવ્યું, રોહિત શર્માના 65 રન

IPL 2023 16મી મેચ દિલ્હી કેપિટલ્સ અને મુંબઈ ઈન્ડિયન્સ વચ્ચે રમાશે. મુંબઈએ બે મેચ રમી છે અને બંનેમાં હારનો સામનો કરવો પડ્યો છે. જ્યારે દિલ્હીએ ત્રણ મેચ રમી છે અને ત્રણેયમાં હારનો સામનો કરવો પડ્યો છે.

બ્રેકગ્રાઉન્ડ

Delhi Capitals vs Mumbai Indians Live Score Update: IPL 2023ની 16મી મેચ દિલ્હી કેપિટલ્સ અને મુંબઈ ઈન્ડિયન્સ વચ્ચે રમાશે. આ સિઝનમાં અત્યાર સુધી દિલ્હી અને મુંબઈની સ્થિતિ ખરાબ રહી છે. મુંબઈએ બે મેચ રમી છે અને બંનેમાં હારનો સામનો કરવો પડ્યો છે. જ્યારે દિલ્હીએ ત્રણ મેચ રમી છે અને ત્રણેયમાં હારનો સામનો કરવો પડ્યો છે. દિલ્હીએ આ સિઝનમાં હોમ ગ્રાઉન્ડ પર ગુજરાત સામે મેચ રમી હતી. જેમાં તેને 6 વિકેટથી હારનો સામનો કરવો પડ્યો હતો. જો પ્લેઈંગ ઈલેવનની વાત કરીએ તો મુંબઈ ફેરફાર સાથે મેદાનમાં ઉતરી શકે છે.દિલ્હીએ આ સિઝનમાં પ્રથમ મેચ લખનૌ સુપર જાયન્ટ્સ સામે રમી હતી. આ મેચમાં તેને 50 રનથી હારનો સામનો કરવો પડ્યો હતો. આ પછી તેણે હોમ ગ્રાઉન્ડ પર ગુજરાત સામે મેચ રમી હતી. આમાં પણ તેને 6 વિકેટથી કારમી હાર મળી હતી. ત્રીજી મેચમાં દિલ્હીને રાજસ્થાન રોયલ્સે 57 રને પરાજય આપ્યો હતો. હવે તે જીતના ઈરાદા સાથે મેદાનમાં ઉતરશે. પરંતુ આ મેચ પણ દિલ્હી માટે આસાન નહીં હોય. દિલ્હીના કેપ્ટન ડેવિડ વોર્નરે શાનદાર પ્રદર્શન કર્યું છે. આ સિઝનમાં સૌથી વધુ રન બનાવવાના મામલે તે હાલમાં પાંચમા સ્થાને છે. વોર્નરે 3 મેચમાં 158 રન બનાવ્યા છે.રોહિત શર્માની કપ્તાનીવાળી ટીમ મુંબઈ ઈન્ડિયન્સ સતત ખરાબ પ્રદર્શનમાંથી પસાર થઈ રહી છે. ટીમમાં ઘણા સારા ખેલાડીઓ છે. આમ છતાં તેને પ્રથમ બે મેચમાં હારનો સામનો કરવો પડ્યો છે. પ્રથમ મેચમાં મુંબઈને બેંગ્લોર સામે 8 વિકેટે હરાવ્યું હતું. જ્યારે બીજી મેચમાં ચેન્નાઈ સુપર કિંગ્સનો 7 વિકેટે પરાજય થયો હતો. મુંબઈ હવે આ સિઝનની પ્રથમ જીત નોંધાવવાના ઈરાદા સાથે મેદાનમાં ઉતરશે. 

11/04/2023 23:28:43

મુંબઈ ઈન્ડિયન્સે દિલ્હી કેપિટલ્સને છ વિકેટે હરાવી પ્રથમ જીત નોંધાવી

IPL 2023માં મુંબઈ ઈન્ડિયન્સે દિલ્હી કેપિટલ્સને છ વિકેટે હરાવી પ્રથમ જીત નોંધાવી. આ સાથે જ દિલ્હીને સતત ચોથી મેચમાં હારનો સામનો કરવો પડ્યો છે. આ મેચમાં મુંબઈ ઈન્ડિયન્સે ટોસ જીતીને પ્રથમ બોલિંગ કરવાનો નિર્ણય કર્યો હતો અને પ્રથમ બેટિંગ કરતા દિલ્હીએ 172 રન બનાવ્યા હતા. મુંબઈએ છેલ્લા બોલે ચાર વિકેટ ગુમાવીને લક્ષ્ય હાંસલ કરી લીધું હતું. મુંબઈ તરફથી રોહિત શર્માએ 65 રન બનાવ્યા હતા. 

Continues below advertisement

11/04/2023 22:50:48

મુંબઈ ઈન્ડિયન્સની ટીમને બીજો ઝટકો

મુંબઈ ઈન્ડિયન્સની ટીમને બીજો ઝટકો લાગ્યો છે. તિલક વર્મા 41 રન બનાવી આઉટ થયો છે. રોહિત શર્મા હાલ મેદાન પર રમતમાં છે.

11/04/2023 22:25:24

મુંબઈ ઈન્ડિયન્સનો સ્કોર 100 રનને પાર

મુંબઈ ઈન્ડિયન્સનો સ્કોર 100 રનને પાર પહોંચી ગયો છે. રોહિત શર્માએ ખૂબ જ શાનદાર બેટિંગ કરતા 30 બોલમાં 51 રન બનાવ્યા છે. 

Continues below advertisement

11/04/2023 22:18:48

મુંબઈ ઈન્ડિયન્સની પહેલી વિકેટ પડી

મુંબઈ ઈન્ડિયન્સની પહેલી વિકેટ 71 રનના સ્કોર પર પડી હતી. ઈશાન કિશન 26 બોલમાં 31 રન બનાવીને રનઆઉટ થયો હતો. તેણે પોતાની ઇનિંગમાં છ ચોગ્ગા ફટકાર્યા હતા. રોહિત સાથે તિલક વર્મા ક્રિઝ પર છે.

11/04/2023 21:18:07

મુંબઈને જીતવા 173 રનનો ટાર્ગેટ

દિલ્હી કેપિટલ્સની ટીમ 19.4 ઓવરમાં ઓલઆઉટ થઈ ગઈ છે. દિલ્હીએ 172 રન બનાવ્યા છે. મુંબઈની ટીમને જીત માટે 173 રનનો ટાર્ગેટ મળ્યો છે. ડેવિડ વોર્નરે શાનદાર ઈનિંગ રમતા 51 રન બનાવ્યા હતા. આ સિવાય અક્ષર પટેલે શાનદાર ઈનિંગ રમતા અડધી સદી ફટકારી છે.  મુંબઈ તરફથી પિયૂષ ચાવલા અને જેસન બેહરનડ્રોફે 3-3 વિકેટ ઝડપી હતી. 

11/04/2023 20:35:41

દિલ્હીની ચોથી વિકેટ પડી

દિલ્હી કેપિટલ્સની ચોથી વિકેટ 86 રનના સ્કોર પર પડી હતી. રોવમેન પોવેલ ચાર બોલમાં ચાર રન બનાવીને આઉટ થઈ ગયો છે.  દિલ્હીનો સ્કોર 12 ઓવર બાદ ચાર વિકેટે 95 રન છે.

11/04/2023 20:10:02

પાવરપ્લેમાં દિલ્હીએ એક વિકેટે 51 રન બનાવ્યા

દિલ્હી કેપિટલ્સે પાવરપ્લેમાં એક વિકેટ ગુમાવીને 51 રન બનાવ્યા છે. પૃથ્વી શોના આઉટ થયા બાદ મનીષ પાંડે અને ડેવિડ વોર્નરે બેટિંગ કરી રહ્યા છે. 

11/04/2023 19:53:55

દિલ્હીની પ્રથમ વિકેટ પડી

દિલ્હીની ટીમની પ્રથમ વિકેટ 33 રનના સ્કોર પર પડી હતી. પૃથ્વી શૉ 10 બોલમાં 15 રન બનાવીને આઉટ થયો છે. ડેવિડ વોર્નર સાથે મનીષ પાંડે ક્રિઝ પર છે.

11/04/2023 19:33:21

દિલ્હી કેપિટલ્સ પ્લેઈંગ ઈલેવન

દિલ્હી કેપિટલ્સ: પૃથ્વી શો, ડેવિડ વોર્નર (કેપ્ટન), મનીષ પાંડે, યશ ધુલ, રોવમેન પોવેલ, લલિત યાદવ, અક્ષર પટેલ, અભિષેક પોરેલ (વિકેટ કિપર), કુલદીપ યાદવ, એનરિચ નોર્ટજે, મુસ્તાફિઝુર રહેમાન.

11/04/2023 19:31:59

મુંબઈ ઈન્ડિયન્સ પ્લેઈંગ ઈલેવન

મુંબઈ ઈન્ડિયન્સ: રોહિત શર્મા (કેપ્ટન), ઈશાન કિશન (વિકેટ કીપર), કેમરુન ગ્રીન, સૂર્યકુમાર યાદવ, તિલક વર્મા, નેહાલ વઘેરા, ઋતિક શૌકીન, રાઈલી મેરેડિથ, અરશદ ખાન, પીયૂષ ચાવલા, જેસન બેહરેનડોર્ફ.

11/04/2023 19:25:20

મુંબઈએ ટોસ જીતીને બોલિંગ પસંદ કરી

મુંબઈ ઈન્ડિયન્સના કેપ્ટન રોહિત શર્માએ ટોસ જીતીને પ્રથમ બોલિંગ કરવાનો નિર્ણય લીધો છે. જોફ્રા આર્ચર મુંબઈ માટે આ મેચ પણ નથી રમી રહ્યો. ટ્રિસ્ટન સ્ટબ્સના સ્થાને રિલે મેરેડિથને તક આપવામાં આવી છે. આ સાથે જ દિલ્હીની ટીમમાં પણ બે ફેરફાર કરવામાં આવ્યા છે. ઈજાગ્રસ્ત ખલીલ અહેમદના સ્થાને મુસ્તાફિઝુર રહેમાનને ટીમમાં સામેલ કરવામાં આવ્યો છે અને રિલે રુસોના સ્થાને યશ ધૂલને તક આપવામાં આવી છે.

11/04/2023 18:54:09

દિલ્હી કેપિટલ્સ અને મુંબઈ ઈન્ડિયન્સ વચ્ચે મુકાબલો

IPL 2023ની 16મી મેચ દિલ્હી કેપિટલ્સ અને મુંબઈ ઈન્ડિયન્સ વચ્ચે રમાશે.  દિલ્હીના અરુણ જેટલી સ્ટેડિયમમાં રમાનારી આ મેચ માટે સાંજે 7 વાગ્યે ટોસ થશે. આ પછી, મેચ સાંજે 7.30 થી શરૂ થશે.