ભારત-શ્રીલંકા વચ્ચે આજે પહેલી ટી20, ઘરેલુ મેદાન પર ટીમ ઇન્ડિયા કેટલા વર્ષોથી નથી હાર્યુ, બન્નેનો શું છે રેકોર્ડ, જાણો

ભારત-શ્રીલંકાની વચ્ચે છેલ્લી ટી20 સીરીઝ જુલાઇ 2021માં રમાઇ હતી. આ સીરીઝમાં ત્રણ મેચો કોલંબોમાં રમાઇ હતી.

લખનઉઃ ભારત અને શ્રીલંકા વચ્ચે આજથી ટી20 સીરીઝ શરૂ થવા જઇ રહી છે. બન્ને ટીમો આજે સાંજે 7 વાગે લખનઉમાં મેદાનમાં આમને સામને થશે. ટીમ ઇન્ડિયાની કોશિશ હશે કે મેચમાં જીતીને ઘરેલુ મેદાનો પર શ્રીલંકા વિરુદ્ધ પોતોનો 6 વર્ષનો વિનિંગ ટ્રેક યથાવત રાખવાની ટીમ ઇન્ડિયા છેલ્લા 6 વર્ષથી ઘરેલુ મેદાનો પર શ્રીલંકા વિરુદ્ધ એકપણ મેચ નથી હારી. છેલ્લીવાર શ્રીલંકાએ 2016 માં અહીં ટીમ ઇન્ડિયાને હરાવ્યુ હતુ, ત્યારથી લઇને અત્યાર સુધી રમાયેલી 8 મેચોમાં શ્રીલંકાને જીત નથી મળી શકી.  

આવો છે ઓવરઓલ રેકોર્ડ-
ભારત અને શ્રીલંકાની વચ્ચે અત્યાર સુધી 22 ટી20 મેચો રમાઈ ચૂકી છે. આમાં ભારતે 14 મેચમાં જીત મેળવી છે, તો શ્રીલંકા ટીમે 7 મેચો પોતાના નામે કરી છે. એક મેચ ટાઇ રહી છે. આ 22માંથી 11 મેચો ભારતીય મેદાનો પર રમાઇ છે. આ 11માંથી શ્રીલંકાને માત્ર 2 મેચોમાં જ જીત મળી છે. 

ગઇ સીરીઝમાં ભારતને મળી હતી હાર-
ભારત-શ્રીલંકાની વચ્ચે છેલ્લી ટી20 સીરીઝ જુલાઇ 2021માં રમાઇ હતી. આ સીરીઝમાં ત્રણ મેચો કોલંબોમાં રમાઇ હતી. ભારતીય ટીમે 1-0ની લીડ મેળવ્યા બાદ આ સીરીઝ 2-1થી ગુમાવી દીધી હતી. ટીમ ઇન્ડિયાની હવે કોશિશ એ રહેશે કે આ સીરીઝનો બદલો લઇને સીરીઝ પર કબજો જમાવવાનો.

આ પણ વાંચો-