IND vs AUS: ભારત-ઓસ્ટ્રેલિયા પાંચમી ટી20 વરસાદના કારણે રદ્દ, પરંતુ ટીમ ઇન્ડિયાએ 2-1 થી જીતી સીરીઝ

IND vs AUS 5th T20: ભારત અને ઓસ્ટ્રેલિયા વચ્ચે પાંચ મેચની શ્રેણીની છેલ્લી T20 શનિવારે બ્રિસ્બેનના ગાબા સ્ટેડિયમ ખાતે રમાશે. બંને ટીમો છેલ્લે 2018 માં અહીં ટકરાઈ હતી, જ્યાં ટીમ ઈન્ડિયા હારી ગઈ હતી.

બ્રેકગ્રાઉન્ડ

IND vs AUS 5th T20: ભારત અને ઓસ્ટ્રેલિયા વચ્ચે પાંચ મેચની શ્રેણીની છેલ્લી T20 શનિવારે બ્રિસ્બેનના ગાબા સ્ટેડિયમ ખાતે રમાશે. બંને ટીમો છેલ્લે 2018 માં અહીં ટકરાઈ હતી, જ્યાં ટીમ ઈન્ડિયા હારી ગઈ હતી.

08/11/2025 16:39:20

ભારત વિરુદ્ધ ઓસ્ટ્રેલિયા 5મી T20I મેચ વરસાદને કારણે રદ

ભારત વિરુદ્ધ ઓસ્ટ્રેલિયા 5મી T20I મેચ વરસાદને કારણે રદ કરવામાં આવી છે, ગાબા ખાતે સતત વરસાદને કારણે 5મી T20I મેચ રદ કરવામાં આવી, આ સાથે જ ભારતીય ટીમ ટી20 સીરીઝ પર 2-1થી કબજો જમાવ્યો છે 

08/11/2025 16:37:52

ગાબામાં હજુ પણ વરસાદ ચાલુ

હવામાન સારા સમાચાર નથી, બ્રિસ્બેનમાં હજુ પણ વરસાદ પડી રહ્યો છે. સ્ટેડિયમ હાલમાં ખાલી છે. જ્યારે મેચ રોકાઈ ત્યારે ભારતે 4.5 ઓવરમાં 52 રન બનાવી લીધા હતા. અભિષેક 13 બોલમાં 23 રન બનાવીને અણનમ રહ્યો, જ્યારે શુભમન ગિલ 16 બોલમાં 29 રન બનાવીને અણનમ રહ્યો.

08/11/2025 14:55:23

ભારત-ઓસ્ટ્રેલિયા મેચમાં વરસાદી વિઘ્ન

ભારત-ઓસ્ટ્રેલિયા મેચ દરમિયાન ખરાબ હવામાન રહ્યું છે, હવે હળવો વરસાદ પડી રહ્યો છે. મેદાન પર ફીલ્ડ કવર મૂકવામાં આવ્યા છે, અને બંને ટીમોના બધા ખેલાડીઓને ડ્રેસિંગ રૂમમાં મોકલી દેવામાં આવ્યા છે.

08/11/2025 14:15:27

ખરાબ હવામાનને કારણે મેચ અટકી

ભારત અને ઓસ્ટ્રેલિયા વચ્ચે ચાલી રહેલી પાંચમી T20 મેચ દરમિયાન હવામાન ખરાબ થઈ ગયું છે. મેદાન પર દૃશ્યતા ખૂબ ઓછી છે. આ કારણે, 4.5 ઓવર પછી મેચ અટકાવી દેવામાં આવી છે. ભારતે વિકેટ ગુમાવ્યા વિના 52 રન બનાવી લીધા છે.

08/11/2025 13:55:59

ભારત અને ઓસ્ટ્રેલિયા વચ્ચે પાંચમી T20I શરૂ

ભારત અને ઓસ્ટ્રેલિયા વચ્ચે પાંચમી T20I શરૂ થઈ ગઈ છે. ભારત અને ઓસ્ટ્રેલિયા વચ્ચે પાંચમી T20I શરૂ થઈ ગઈ છે. ભારત તરફથી ઉપ-કપ્તાન શુભમન ગિલ અને સ્ટાર બેટ્સમેન અભિષેક શર્મા ઇનિંગની શરૂઆત કરી રહ્યા છે. ઓસ્ટ્રેલિયા તરફથી બેન દ્વારશીસ પહેલી ઓવર ફેંકી રહ્યા છે. ભારતીય બેટ્સમેનોએ પહેલી ઓવરમાં 11 રન બનાવ્યા.

08/11/2025 13:42:44

ઓસ્ટ્રેલિયાની પ્લેઇંગ ઇલેવન

ઓસ્ટ્રેલિયાની પ્લેઇંગ ઇલેવન: મિચ માર્શ (કેપ્ટન), મેથ્યુ શોર્ટ, જોશ ઇંગ્લિસ (વિકેટકીપર), ટિમ ડેવિડ, જોશ ફિલિપ, માર્કસ સ્ટોઇનિસ, ગ્લેન મેક્સવેલ, બેન દ્વારશીસ, ઝેવિયર બાર્ટલેટ, નાથન એલિસ અને એડમ ઝામ્પા.

08/11/2025 13:42:16

તિલક વર્માના સ્થાને રિંકુ સિંહ

ભારતની પ્લેઈંગ ઈલેવન: અભિષેક શર્મા, શુભમન ગિલ, સૂર્યકુમાર યાદવ (કેપ્ટન), રિંકુ સિંહ, જીતેશ શર્મા (વિકેટકીપર), વોશિંગ્ટન સુંદર, શિવમ દુબે, અક્ષર પટેલ, અર્શદીપ સિંહ, વરુણ ચક્રવર્તી અને જસપ્રિત બુમરાહ.

08/11/2025 13:41:55

ઓસ્ટ્રેલિયાએ ટોસ જીત્યો

પાંચમી ટી20 મેચમાં ઓસ્ટ્રેલિયાએ ટોસ જીતીને પ્રથમ બોલિંગ કરવાનો નિર્ણય લીધો. આ મેચમાં ભારત પ્રથમ બેટિંગ કરશે.

08/11/2025 13:32:07

બ્રિસ્બેનમાં ટી20 મેચનો રેકોર્ડ

બ્રિસ્બેનમાં ભારતનો સૌથી વધુ સ્કોર ૧૬૯/૭ છે, જે તેણે ૨૧ નવેમ્બર, ૨૦૧૮ ના રોજ ઓસ્ટ્રેલિયા સામે બનાવ્યો હતો. વરસાદથી પ્રભાવિત આ મેચમાં, ઓસ્ટ્રેલિયાએ પ્રથમ બેટિંગ કરતા ૧૭ ઓવરમાં ૪ વિકેટ ગુમાવીને ૧૫૮ રન બનાવ્યા. જવાબમાં, ભારતીય ટીમે ૧૭ ઓવરમાં ૭ વિકેટ ગુમાવીને ૧૬૯ રન બનાવ્યા, પરંતુ ડકવર્થ-લુઇસ પદ્ધતિ હેઠળ ૪ રનથી મેચ હારી ગઈ. ઓસ્ટ્રેલિયા સામેની પાંચ મેચની T20 શ્રેણીની પહેલી મેચ વરસાદને કારણે રદ કરવામાં આવી હતી. ત્યારબાદ ઓસ્ટ્રેલિયાએ બીજી મેચ ચાર વિકેટથી જીતીને લીડ મેળવી હતી. ટીમ ઈન્ડિયાએ હોબાર્ટમાં ત્રીજી મેચ પાંચ વિકેટથી જીતીને શ્રેણીની બરાબરી કરી હતી. ક્વીન્સલેન્ડમાં રમાયેલી ચોથી મેચ 48 રનથી જીતીને ટીમ ઈન્ડિયાને શ્રેણીમાં 2-1ની લીડ મળી હતી. પરિણામે, શ્રેણીની પાંચમી મેચ નિર્ણાયક બની ગઈ છે.   

08/11/2025 13:31:31

ટી20 મેચનો રેકોર્ડ

ભારત અને ઓસ્ટ્રેલિયા વચ્ચેની T20 શ્રેણીની પાંચમી અને નિર્ણાયક મેચ બ્રિસ્બેનમાં રમાશે. આ મેદાન પર T20 આંતરરાષ્ટ્રીય ક્રિકેટમાં ફક્ત એક જ વાર કોઈ ટીમ 200 રનના આંકડે પહોંચી છે. ચાલો આ મેચ પર નજીકથી નજર કરીએ. આ મેચ 9 જાન્યુઆરી, 2006 ના રોજ ઓસ્ટ્રેલિયા અને દક્ષિણ આફ્રિકા વચ્ચે રમાઈ હતી. ઓસ્ટ્રેલિયાએ પ્રથમ બેટિંગ કરતા 3 વિકેટ ગુમાવીને 209 રન બનાવ્યા હતા. આ ટીમ તરફથી ડેમિયન માર્ટિને 56 બોલમાં 96 રન બનાવ્યા હતા. તેની ઇનિંગમાં 5 છગ્ગા અને 7 ચોગ્ગાનો સમાવેશ થતો હતો. એન્ડ્રુ સાયમન્ડ્સે પણ 26 બોલમાં અણનમ 54 રન બનાવ્યા હતા. જવાબમાં, દક્ષિણ આફ્રિકાની ટીમ ૧૮.૩ ઓવરમાં ફક્ત ૧૧૪ રનમાં ઓલઆઉટ થઈ ગઈ. ટીમ તરફથી માર્ક બાઉચરે ૨૯ રન બનાવ્યા, જ્યારે શોન પોલોકે ૨૪ રન બનાવ્યા. ઓસ્ટ્રેલિયાએ ૯૫ રનથી મેચ જીતી લીધી.

08/11/2025 13:30:40

ભારત વિરુદ્ધ ઓસ્ટ્રેલિયા 5મી T20 લાઈવ ક્યારે અને ક્યાં જોવી

ભારત અને ઓસ્ટ્રેલિયા વચ્ચે 5મી T20 શનિવાર, 8 નવેમ્બર, બપોરે 1:45 વાગ્યે (IST) શરૂ થશે. ટોસ બપોરે 1:15 વાગ્યે થશે. મેચનું લાઈવ પ્રસારણ સ્ટાર સ્પોર્ટ્સ પર કરવામાં આવશે. લાઈવ સ્ટ્રીમિંગ JioHotstar એપ અને વેબસાઇટ પર પણ ઉપલબ્ધ રહેશે.

08/11/2025 13:30:25

ભારત વિરુદ્ધ ઓસ્ટ્રેલિયા હેડ ટુ હેડ (T20I)

ભારત અને ઓસ્ટ્રેલિયા વચ્ચે કુલ 32 T20I મેચ રમાઈ છે, અને આમાં ભારતનો હાથ ઉપર છે. ભારતે 20 મેચ જીતી છે અને ઓસ્ટ્રેલિયાએ 11 જીતી છે.

08/11/2025 13:30:01

કુલદીપની વાપસી નક્કી

કુલદીપ યાદવે તે મેચમાં સૌથી વધુ વિકેટ લીધી હતી. તે આશ્ચર્યજનક હતું કે સ્પિનરોએ ઝડપી બોલરો માટે અનુકૂળ પીચ પર પ્રભુત્વ મેળવ્યું હતું. એડમ ઝમ્પાએ પાછલી T20I માં પણ સારી બોલિંગ કરી હતી, પરંતુ બીજી T20I પછી કુલદીપ યાદવને બહાર કરવામાં આવ્યો હતો. કુલદીપની જગ્યાએ વોશિંગ્ટન સુંદરને રમાડવામાં આવ્યો હતો, જેના કારણે કુલદીપ પાંચમી મેચમાં પાછો ફરે તેવી શક્યતા ઓછી હતી. ભારત વિજેતા ટીમના સંયોજન સાથે ચેડા કરવા માંગશે નહીં.

08/11/2025 13:29:32

ભારત વિરુદ્ધ ઓસ્ટ્રેલિયા T20 રેકોર્ડ ગાબા ખાતે

ગાબા ખાતે ભારત અને ઓસ્ટ્રેલિયા વચ્ચેની એકમાત્ર છેલ્લી T20 મેચ 21 નવેમ્બર, 2018 ના રોજ રમાઈ હતી. તે મેચ પણ વરસાદથી પ્રભાવિત રહી હતી, અને ઓસ્ટ્રેલિયા ડકવર્થ-લુઈસ પદ્ધતિ હેઠળ જીતી ગયું હતું. પહેલા બેટિંગ કરતા ઓસ્ટ્રેલિયાએ 158 રન બનાવ્યા હતા. ટીમ ઈન્ડિયાને જીતવા માટે 17 ઓવરમાં 174 રનનો લક્ષ્યાંક આપવામાં આવ્યો હતો, પરંતુ ભારત ફક્ત 169 રન જ બનાવી શક્યું હતું. તે મેચમાં એડમ ઝમ્પાને પ્લેયર ઓફ ધ મેચ જાહેર કરવામાં આવ્યો હતો, તેમણે કેએલ રાહુલ (13) અને વિરાટ કોહલી (4) ના રુપમાં બે મહત્વપૂર્ણ વિકેટ લીધી હતી.

08/11/2025 13:05:46

ભારત અને ઓસ્ટ્રેલિયા વચ્ચે પાંચમી ટી20

ભારત અને ઓસ્ટ્રેલિયા વચ્ચે પાંચ મેચની શ્રેણીની છેલ્લી T20 મેચ બ્રિસ્બેનના ગાબા સ્ટેડિયમ ખાતે રમાશે. અહીંનો ભૂતકાળનો રેકોર્ડ ઓસ્ટ્રેલિયાના પક્ષમાં છે. ઓસ્ટ્રેલિયાએ અહીં કુલ આઠ મેચ રમી છે, જેમાં સાત જીતી છે અને માત્ર એકમાં હારનો સામનો કરવો પડ્યો છે. અહીં ભારત વિરુદ્ધ ઓસ્ટ્રેલિયા T20 મેચ 2018માં રમાઈ હતી, જેમાં એડમ ઝામ્પાને પ્લેયર ઓફ ધ મેચ જાહેર કરવામાં આવ્યો હતો. ઓસ્ટ્રેલિયાએ બ્રિસ્બેનના ગાબા સ્ટેડિયમ ખાતે આઠમાંથી સાત મેચ જીતી છે, પાંચ મેચ પહેલા બેટિંગ કરતી વખતે અને બે મેચનો પીછો કરતી વખતે. 11માંથી આઠ વખત, પહેલા બેટિંગ કરતી ટીમ જીતી છે.