Wasim Akram On IND vs PAK Cricket Match Asia Cup 2025: એશિયા કપ 2025માં ભારત અને પાકિસ્તાન એક જ ગ્રુપમાં છે, તેમની સાથે ઓમાન અને યુએઈ ગ્રુપ Aમાં છે. 9 સપ્ટેમ્બરથી શરૂ થઈ રહેલી આ ટુર્નામેન્ટમાં સૌથી વધુ રાહ જોવાતી મેચ ભારત વિરુદ્ધ પાકિસ્તાન છે. આ શાનદાર મેચ પહેલા, ભૂતપૂર્વ પાકિસ્તાની ફાસ્ટ બોલર વસીમ અકરમે ચાહકો અને ક્રિકેટરોને ભાવનાત્મક અપીલ કરી છે.
જ્યારે પણ ભારત અને પાકિસ્તાનની ક્રિકેટ ટીમો મેદાન પર ટકરાય છે, ત્યારે ઉત્સાહ ચરમસીમાએ હોય છે. મેદાનથી લઈને લોકોના ઘર સુધી, વાતાવરણ અલગ થઈ જાય છે. વસીમ અકરમે બંને ટીમોના ખેલાડીઓ અને ચાહકોને પોતાની લાગણીઓ પર કાબૂ રાખવા માટે ભાવનાત્મક અપીલ કરી છે.
ભારત વિરુદ્ધ પાકિસ્તાન મેચ વિશે વસીમ અકરમે શું કહ્યું? ટેલિકોમ એશિયા સ્પોર્ટ્સ સાથે વાત કરતા, વસીમ અકરમે કહ્યું, "મને ખાતરી છે કે આ ભારત વિરુદ્ધ પાકિસ્તાનની અન્ય મેચો જેટલી જ શાનદાર હશે. મને ખાતરી છે કે બંને ટીમોના ખેલાડીઓ અને ચાહકો તેમની મર્યાદામાં રહેશે." બંને દેશો વચ્ચેની તણાવપૂર્ણ પરિસ્થિતિને ધ્યાનમાં રાખીને અકરમે આ વાત કહી.
અકરમે વધુમાં કહ્યું, "ભારત વિરુદ્ધ પાકિસ્તાન મેચ વિશ્વભરના અબજો લોકો જુએ છે. હું ઈચ્છું છું કે ખેલાડીઓ અને દર્શકો મેચ દરમિયાન શિસ્ત બતાવે." અકરમે સ્વીકાર્યું છે કે ભારતીય ટીમ હાલમાં મજબૂત છે અને તે ટીમ ઈન્ડિયાને ટાઇટલ માટે મજબૂત દાવેદાર માને છે.
બાબર આઝમની ખોટ સાલશેએશિયા કપ માટે પાકિસ્તાન ટીમમાં બાબર આઝમ અને મોહમ્મદ રિઝવાનનો સમાવેશ કરવામાં આવ્યો નથી. અકરમ માને છે કે પાકિસ્તાનને બાબર આઝમની ખોટ સાલશે. તેમણે કહ્યું, "વ્યક્તિગત રીતે, હું બાબરને ટીમમાં જોવા માંગતો હતો, પરંતુ તેની પસંદગી કરવામાં આવી ન હતી. હવે ટીમમાં પસંદ કરાયેલા ખેલાડીઓએ આગળ વધીને સારું પ્રદર્શન કરવું પડશે."
ભારત અને પાકિસ્તાન વચ્ચેની મેચ ક્યારે અને ક્યાં રમાશે?એશિયા કપ 2025 માં ભારત અને પાકિસ્તાન વચ્ચેની મેચ 14 સપ્ટેમ્બરના રોજ દુબઈ ઇન્ટરનેશનલ ક્રિકેટ સ્ટેડિયમ ખાતે રમાશે. આ મેચ ભારતીય સમય મુજબ સાંજે 7:30 વાગ્યે શરૂ થશે. ટુર્નામેન્ટમાં બંને વચ્ચે કુલ 3 મેચ રમી શકાય છે. એક મેચ ફિક્સ છે અને જો બંને સુપર 4 માં પહોંચે છે તો 2 અને જો બંને ફાઇનલમાં પહોંચે છે તો 15 દિવસમાં આપણને ભારત અને પાકિસ્તાન વચ્ચે 3 વખત મેચ જોવા મળશે.
એશિયા કપ માટે ભારતની સ્ક્વૉડ સૂર્યકુમાર યાદવ (કેપ્ટન), શુભમન ગીલ, અભિષેક શર્મા, તિલક વર્મા, હાર્દિક પંડ્યા, શિવમ દુબે, જિતેશ શર્મા, અક્ષર પટેલ, જસપ્રીત બુમરાહ, વરુણ ચક્રવર્તી, અર્શદીપ સિંહ, કુલદીપ યાદવ, સંજૂ સેમસન, હર્તિત રાણા, રિન્કુ સિંહ.
એશિયા કપ માટે પાકિસ્તાનની સ્ક્વૉડસલમાન અલી આગાન (કેપ્ટન), અબરાર અહેમદ, ફહીમ અશરફ, ફખર જમાન, હેરિસ રાઉફ, હસન અલી, હસન નવાજ, હુસૈન તલત, ખુશદિલ શાહ, મોહમ્મદ હેરિસ, મોહમ્મદ નવાજ, મોહમ્મદ વસીમ જૂનિયર, સાહિબજાદા ફરહાન, સઇબ અયુબ, સલમાન મિર્જા, શાહીન આફ્રિદી, સુફયાન મોકિમ.