Hardik Pandya Natasa Stankovic: મુંબઈ ઈન્ડિયન્સનો કેપ્ટન હાર્દિક પંડ્યા ખરાબ તબક્કામાંથી પસાર થઈ રહ્યો છે. પહેલા તેમની ટીમ ખરાબ પ્રદર્શન સાથે IPL 2024માંથી બહાર થઈ ગઈ હતી અને હવે તેમનું ઘર તૂટી પડવાનું છે. મીડિયા રિપોર્ટ્સ અનુસાર, પંડ્યા અને તેની પત્ની નતાશા સ્ટેનકોવિક છૂટાછેડા લેવા જઈ રહ્યા છે. જો કે આ અંગે કોઈ સત્તાવાર માહિતી સામે આવી નથી. રિપોર્ટ્સ અનુસાર, નતાશા પંડ્યાની 70 ટકા પ્રોપર્ટી લેશે. પંડ્યા કે નતાશા દ્વારા છૂટાછેડા અંગે કોઈ માહિતી આપવામાં આવી નથી.
પંડ્યા અને નતાશા લાંબા સમયથી સાથે જોવા મળ્યા ન હતા. બંનેએ છેલ્લે 14 ફેબ્રુઆરીએ ઈન્સ્ટાગ્રામ પર એક ફોટો શેર કર્યો હતો. જો કે આ પછી બંને એક ફંક્શનના વીડિયોમાં સાથે જોવા મળ્યા હતા. પરંતુ હવે છૂટાછેડાના સમાચારે જોર પકડ્યું છે. રિપોર્ટ અનુસાર પંડ્યાએ પોતાની પ્રોપર્ટીનો 70 ટકા ભાગ નતાશાને આપવો પડશે. સોશિયલ મીડિયા પર આ અંગે ઘણી પોસ્ટ પણ શેર કરવામાં આવી છે. પંડ્યા કરોડોની સંપત્તિના માલિક છે. IPL માટે મળેલી મેચ ફીની સાથે તેઓ બીજી ઘણી રીતે પૈસા કમાય છે.
હાર્દિક પંડ્યા કેટલી કમાણી કરે છે?
પંડ્યા IPL ટીમ મુંબઈ ઈન્ડિયન્સનો ભાગ છે. તેને ટીમ તરફથી ફી તરીકે 15 કરોડ રૂપિયા મળે છે. તે અગાઉ ગુજરાત ટાઇટન્સનો ભાગ હતો. ગુજરાતની ટીમ પણ પંડ્યાને એટલી જ રકમ આપતી હતી. આ સાથે તેને ભારતીય ક્રિકેટ ટીમ તરફથી મેચ ફી પણ મળે છે. પંડ્યાની કમાણી કરોડોમાં છે. આ સાથે તેઓ બ્રાન્ડ એન્ડોર્સમેન્ટથી પણ કમાણી કરે છે.
વડોદરા અને મુંબઈમાં કરોડોના ઘરો છે -
હાર્દિક પંડ્યાએ મુંબઈમાં એક એપાર્ટમેન્ટ લીધું છે. મીડિયા રિપોર્ટ્સ અનુસાર, તેણે આ ઘર 30 કરોડ રૂપિયામાં ખરીદ્યું હતું. આ સાથે તેનું વડોદરામાં પેન્ટહાઉસ છે. તેની કિંમત પણ કરોડોમાં છે. પરંતુ છૂટાછેડા બાદ પંડ્યાની હાલત વધુ બગડી શકે છે.