Imran Khan’s ex-Wife Reham Khan Marriage: પાકિસ્તાનના પૂર્વ વડાપ્રધાન અને પૂર્વ સ્ટાર ઓલરાઉન્ડર ઇમરાન ખાનની પૂર્વ પત્નીએ લગ્ન કરી લીધા છે, પૂર્વ પત્ની રેહમ ખાને પોતાના બૉયફ્રેન્ડ સાથે લગ્ન કરીને નવી જિંદગીની શરૂઆત કરી દીધી છે, આ વાતની જાણકારી તેને ખુદ એક સોશ્યલ મીડિયા પૉસ્ટથી ફેન્સને આપી છે.
તાજેતરમાં પૂર્વ ક્રિકેટર ઇમરાન ખાનની પૂર્વ પત્ની રેહમ ખાને એક ટ્વીટર પૉસ્ટ કરી છે, જેમાં તેને એક તસવીર શેર કરી છે, જેમાં તેને લખ્યુ છે - "જસ્ટ મેરિડ".. ઉલ્લેખનીય છે કે રેહમ ખાન એક પાકિસ્તાની-બ્રિટિશ પત્રકાર છે, અને તેને ઇમરાન ખાન સાથે લગ્ન કર્યા હતા. બન્નેના લગ્નએ ખુબ ચર્ચા જગાવી હતી, બાદમાં બન્નેના તલાક પણ ટૉક ઓફ ધ ટાઉન બન્યા હતા.
રેહમ ખાન એક પત્રકાર છે -
રેહમ ખાન (Reham Khan) એક પત્રકાર છે, તે ઇમરાન ખાનની (Imran Khan) બીજી પત્ની હતી, રેહમ ખાનના લગ્ન ઇમરાન ખાન સાથે 6 જાન્યુઆરી, 2015માં થયા હતા, પરંતુ માત્ર 9 મહિનાની અંદર જ બન્નેએ તલાક લઇ લીધા હતા અને બન્ને અલગ થઇ ગયા હતા.
રેહમ ખાને 13 વર્ષ નાના બૉયફ્રેન્ડ સાથે કર્યા ત્રીજા લગ્ન -
પાકિસ્તાનના પૂર્વ વડાપ્રધાન ઈમરાન ખાનની પૂર્વ પત્ની રેહમ ખાને મિર્ઝા બિલાલ બેગ સાથે ત્રીજા લગ્ન કરી લીધા છે. રેહમ ખાનના લગ્નની કેટલીક તસવીરો સામે આવી છે, જે સોશિયલ મીડિયા પર જોરદાર વાયરલ થઈ રહી છે. આ તસવીરમાં તે મિર્ઝા બિલાલ સાથે પ્રાર્થના કરતી જોવા મળી રહી છે.
આ તસવીરો રેહમ ખાને પોતાના ઈન્સ્ટાગ્રામ એકાઉન્ટ પર શેર કરી છે. તેણે કેપ્શનમાં લખ્યું, 'આખરે મને એવી વ્યક્તિ મળી ગઈ જેના પર હું વિશ્વાસ કરી શકું.' રિપોર્ટ અનુસાર રેહમ ખાનનો જન્મ લિબિયામાં થયો હતો. તેના અભ્યાસ બાદ તેણે લંડનમાં બ્રોડકાસ્ટ પત્રકાર તરીકે કામ કર્યું હતું.
આ સિવાય રેહમ ખાને બીબીસી સાઉથ ટુડે માટે વેધર પ્રેઝન્ટર તરીકે પણ કામ કર્યું છે. 2012માં પાકિસ્તાન શિફ્ટ થયા બાદ રેહમ ઈમરાન ખાનને મળી હતી. રેહમ બહુ પ્રતિભાશાળી છે. તેણે જનન નામની ફિલ્મ બનાવી છે. રેહમ ખાનનું સંસ્મરણ વર્ષ 2018માં પ્રકાશિત થયું હતું, જે ઘણા વિવાદોમાં હતું. ઉલ્લેખનીય છે કે બિલાલ મિર્ઝા 36 વર્ષનો છે અને તે રેહમ કરતા 13 વર્ષ નાનો છે. બિલાલ અગાઉ બે વાર લગ્ન કરી ચૂક્યો છે અને તેના અગાઉના લગ્નથી તેને એક સંતાન છે.