IND vs AFG Test Day 2 Live Score: ટીમ ઈન્ડિયાએ પ્રથમ ઈનિંગ આઠ વિકેટે 564 રન પર કરી ડિક્લેર, ગિલ અને કેએલ રાહુલની સદી
IND vs AFG Test Day 2 Live: આજે ભારત અને અફઘાનિસ્તાન ટેસ્ટનો બીજો દિવસ છે. પહેલા દિવસે ભારતે KL રાહુલ અને શુભમન ગિલની સદીઓની મદદથી 3 વિકેટ ગુમાવીને 368 રન બનાવ્યા.
gujarati.abplive.comLast Updated: 07 Jun 2026 02:14 PM
બ્રેકગ્રાઉન્ડ
IND vs AFG Test Live Score: ભારત અને અફઘાનિસ્તાન વચ્ચે ટેસ્ટ આજથી શરૂ થઈ રહી છે. અફઘાનિસ્તાને 2018 માં ટીમ ઈન્ડિયા સામે પોતાની પહેલી ટેસ્ટ મેચ રમી હતી અને ત્યારથી...More
IND vs AFG Test Live Score: ભારત અને અફઘાનિસ્તાન વચ્ચે ટેસ્ટ આજથી શરૂ થઈ રહી છે. અફઘાનિસ્તાને 2018 માં ટીમ ઈન્ડિયા સામે પોતાની પહેલી ટેસ્ટ મેચ રમી હતી અને ત્યારથી આ પહેલી વાર છે જ્યારે બંને ટીમો એકબીજા સામે ટકરાશે. ભારત નિઃશંકપણે એક મજબૂત ટીમ છે પરંતુ અફઘાનિસ્તાનના સ્પિનરો પડકારો ઉભા કરી શકે છે. અત્યાર સુધી IPL મેચોનું સ્ટાર સ્પોર્ટ્સ નેટવર્ક ચેનલો પર લાઈવ પ્રસારણ કરવામાં આવતું હતું. જાણો ટેસ્ટ મેચનું લાઈવ પ્રસારણ ક્યાં અને કઈ એપ પર થશે. મેચ કેટલા વાગ્યે શરૂ થશે? સંપૂર્ણ વિગતો મેળવો.ભારત વિરુદ્ધ અફઘાનિસ્તાન ટેસ્ટ મુલ્લાનપુરના મહારાજા સિંહ PCA સ્ટેડિયમ ખાતે રમાશે. પીચ બોલરોને અનુકૂળ થવાની અપેક્ષા છે, જેના કારણે પહેલા બેટિંગ કરનારી ટીમ માટે મુશ્કેલી ઊભી થશે. ટેસ્ટ માટે ટોસ સવારે 9:00 વાગ્યે થશે. મેચ દરરોજ સવારે 9:30 વાગ્યે શરૂ થશે.કઈ ચેનલ લાઈવ જોઈ શકાશે ટેસ્ટ?ભારત અને અફઘાનિસ્તાન વચ્ચેની ટેસ્ટ સ્ટાર સ્પોર્ટ્સ નેટવર્ક ચેનલો પર લાઈવ જોઈ શકાશે. મોબાઈલ યુઝર્સ JioHotstar એપ પર લાઈવ મેચનો આનંદ માણી શકે છે. કોમ્પ્યુટર/લેપટોપ ધરાવતા લોકો JioHotstar વેબસાઇટ પર લાઈવ મેચ જોઈ શકે છે.ભારતીય બેટિંગ જોડીનું નેતૃત્વ ફરી એકવાર યશસ્વી જયસ્વાલ અને કેએલ રાહુલ કરશે. જયસ્વાલ હાલમાં ભારતના સૌથી વિશ્વસનીય ટેસ્ટ બેટ્સમેનોમાંના એક માનવામાં આવે છે, જ્યારે રાહુલને આ મેચ માટે વાઈસ કેપ્ટન પણ બનાવવામાં આવ્યો છે. IPL 2026 માં બેટિંગથી ધમાલ મચાવનાર સાઈ સુદર્શનને નંબર 3 પર તક મળવાનું લગભગ નક્કી છે. ગૌતમ ગંભીરે એ પણ સંકેત આપ્યો છે કે ટીમ મેનેજમેન્ટ યુવા બેટ્સમેનને લાંબી ઇનિંગ્સ રમવાની જવાબદારી સોંપવા તૈયાર છે. સાઈએ IPL 2026માં 722 રન બનાવ્યા હતા અને હવે તે ટેસ્ટ ક્રિકેટમાં તે ફોર્મ ચાલુ રાખવાનો પ્રયાસ કરશે. સાઈનો પ્લેઇંગ ઇલેવનમાં સમાવેશ થવાનો અર્થ એ છે કે દેવદત્ત પડિક્કલને બહાર બેસવું પડશે.
IND vs AFG Live Score: અફઘાનિસ્તાનનો દાવ શરૂ
અફઘાનિસ્તાનનો પહેલો દાવ શરૂ થઈ ગયો છે. અબ્દુલ મલિક અને સિદિકુલ્લાહ અટલે ઓપનિંગ કરી રહ્યા છે. બંને ટી-બ્રેક સુધી સાવધાનીપૂર્વક રમવાનો પ્રયાસ કરશે અને વધુ વિકેટ પડતી અટકાવશે.