IND Vs AUS 1st T20I Score Live: પ્રથમ ટી 20મા ભારતની શાનદાર જીત, સૂર્યકુમારના 80 રન

India vs Australia 1st T20I Score Live: અહીં તમને ભારત અને ઓસ્ટ્રેલિયા વચ્ચેની પ્રથમ T20 મેચનો લાઇવ સ્કોર અને મેચ સંબંધિત તમામ અપડેટ્સ મળશે.

બ્રેકગ્રાઉન્ડ

India vs Australia 1st T20I: ભારત અને ઓસ્ટ્રેલિયા વચ્ચે આજથી પાંચ મેચની T20 શ્રેણી રમાશે. હવેથી થોડીવારમાં, પ્રથમ T20 મેચ વિશાખાપટ્ટનમના રાજશેખર રેડ્ડી ACA-VDCA ક્રિકેટ સ્ટેડિયમમાં રમાશે. આ મેચનો ટોસ 6:30 વાગ્યે થશે, જ્યારે મેચ 7:00 વાગ્યે શરૂ થશે.સૂર્યકુમાર યાદવ આ શ્રેણીમાં ભારતની કેપ્ટનશીપ કરશે. જ્યારે ડાબોડી વિકેટકીપર બેટ્સમેન મેથ્યુ વેડ ઓસ્ટ્રેલિયાની કમાન સંભાળશે. સિરીઝ માટે ભારતીય ટીમમાં મોટાભાગના યુવા ખેલાડીઓનો સમાવેશ કરવામાં આવ્યો છે. પ્રથમ ત્રણ મેચો માટે, ભારતીય ટીમમાં ફક્ત બે જ ખેલાડી હશે જેઓ વર્લ્ડ કપ 2023નો ભાગ હતા, જેમાં કેપ્ટન સૂર્યકુમાર યાદવ અને પ્રસિદ્ધ કૃષ્ણાનો સમાવેશ થાય છે. જોકે પ્રસિદ્ધ કૃષ્ણા વર્લ્ડ કપની કોઈ મેચ રમી શકયાો નથી. શ્રેયસ અય્યર શ્રેણીની છેલ્લી બે મેચમાં ટીમ સાથે જોડાશે.

23/11/2023 22:53:55

ભારતે પ્રથમ T20માં ઓસ્ટ્રેલિયાને બે વિકેટે હરાવ્યું

ભારતે પાંચ મેચની T20 શ્રેણીની પ્રથમ મેચમાં ઓસ્ટ્રેલિયાને બે વિકેટથી હરાવ્યું છે. વિશાખાપટ્ટનમના ડૉ.વાય.એસ.રાજશેખર સ્ટેડિયમમાં રમાયેલી આ મેચમાં ઓસ્ટ્રેલિયાએ જોશ ઈંગ્લિસની તોફાની સદીની મદદથી 20 ઓવરમાં ત્રણ વિકેટે 208 રન બનાવ્યા હતા. જવાબમાં ટીમ ઈન્ડિયાએ સૂર્યકુમાર યાદવ 80 અને ઈશાન કિશન 58 રનની તોફાની ઈનિંગની મદદથી છેલ્લી ઓવર સુધી લક્ષ્યનો પીછો કર્યો હતો. જોકે, એક બોલ બાકી રહેતા રિંકુ સિંહે ભારતને જીત અપાવી હતી. રિંકુ 14 બોલમાં 22 રન બનાવીને અણનમ પરત ફર્યો હતો.

23/11/2023 22:38:58

સૂર્યકુમાર યાદવ આઉટ

સૂર્યકુમાર યાદવ 42 બોલમાં 80 રન બનાવીને આઉટ થયો હતો. આ દરમિયાન તેના બેટમાંથી 9 ચોગ્ગા અને 4 છગ્ગા આવ્યા હતા. સૂર્યકુમાર જેસન બેહરનડોર્ફના હાથે કેચ આઉટ થયો હતો. હવે ભારતને અંતિમ 12 બોલમાં જીતવા માટે માત્ર 13 રનની જરૂર છે.

23/11/2023 22:10:23

ભારતને 36 બોલમાં 65 રનની જરૂર

ભારતે હવે જીતવા માટે 36 બોલમાં 65 રન બનાવવાના છે. 14 ઓવર પછી ટીમ ઈન્ડિયાનો સ્કોર ત્રણ વિકેટે 144 રન છે. સૂર્યકુમાર યાદવ 55 અને તિલક વર્મા ત્રણ રને રમતમાં છે.

23/11/2023 21:59:08

ઈશાન કિશન 58 રને આઉટ

ભારતની ત્રીજી વિકેટ પડી છે. ઈશાન કિશન 58 રને આઉટ થયો છે.  હાલમાં ભારતનો સ્કોટર  12.3 ઓવરમાં 134-3 છે. સૂર્ય 48 રને બેટિંગમાં છે.

23/11/2023 21:38:30

ઈશાન કિશને તનવીની ઓવરમાં બે સિક્સર અને એક ફોર ફટકારી

તનવીર સંઘાની ઓવરમાં કુલ 19 રન આવ્યા હતા. 9 ઓવર પછી ટીમ ઈન્ડિયાનો સ્કોર બે વિકેટે 98 રન છે. ઈશાન કિશને તનવીર સંઘાની ઓવરમાં બે સિક્સર અને એક ફોર ફટકારી હતી. સૂર્યકુમાર 38 અને ઈશાન 36 પર રમી રહ્યા છે. બંને વચ્ચે 76 રનની ભાગીદારી છે.

23/11/2023 21:13:46

ભારતની ખરાબ શરુઆત

ઓસ્ટ્રેલિયાના કેપ્ટન મેથ્યુ વેડે યશસ્વી જયસ્વાલની સામે ઓફ સ્પિનર ​​મેથ્યુ શોર્ટને બોલ સોંપ્યો હતો. યશસ્વી જયસ્વાલે પહેલા બોલ પર ચોગ્ગો અને પછી સિક્સર ફટકારી હતી. જોકે તે ત્રીજા બોલ પર કેચ આઉટ થયો હતો. યશસ્વી જયસ્વાલ આઠ બોલમાં બે ચોગ્ગા અને બે છગ્ગાની મદદથી 21 રન બનાવીને આઉટ થયો હતો. ત્રણ ઓવર પછી ભારતનો સ્કોર બે વિકેટે 25 રન છે. આ પહેલા ઋતુરાજ 0 પર આઉટ થયો હતો.

23/11/2023 20:53:53

ઓસ્ટ્રેલિયાએ ભારતને 209 રનનો લક્ષ્યાંક આપ્યો

વિશાખાપટ્ટનમના ડૉ.વાયએસ રાજશેખર સ્ટેડિયમમાં રમાઈ રહેલી 5 મેચની T20 શ્રેણીની પ્રથમ મેચમાં ઓસ્ટ્રેલિયાએ ભારતને 209 રનનો લક્ષ્યાંક આપ્યો છે. ઓસ્ટ્રેલિયા તરફથી ત્રીજા નંબરે બેટિંગ કરવા આવેલા જોશ ઈંગ્લિસે માત્ર 50 બોલમાં 11 ચોગ્ગા અને 8 છગ્ગાની મદદથી 110 રન બનાવ્યા હતા. આ સિવાય સ્ટીવ સ્મિથે 52 રન બનાવ્યા હતા. અંતે ટિમ ડેવિડ 13 બોલમાં 19 રન બનાવીને અણનમ પરત ફર્યો હતો. ઓસ્ટ્રેલિયાએ 20 ઓવરમાં ત્રણ વિકેટે 208 રન બનાવ્યા હતા. જ્યારે રવિ બિશ્નોઈ અને પ્રસિદ્ધ કૃષ્ણા ભારત માટે ખૂબ મોંઘા સાબિત થયા હતા. બંનેએ 50થી વધુ રન આપ્યા હતા. જ્યારે મુકેશ કુમારે છેલ્લી ઓવરમાં માત્ર પાંચ રન આપ્યા હતા.

23/11/2023 20:25:55

જોશ ઇંગ્લિસની સદી

જોશ ઈંગ્લિશે માત્ર 47 બોલમાં 9 ચોગ્ગા અને 8 છગ્ગાની મદદથી સદી ફટકારી છે. 17 ઓવર પછી ઓસ્ટ્રેલિયાનો સ્કોર બે વિકેટે 179 રન છે. 

23/11/2023 20:17:17

ઓસ્ટ્રેલિયાની બીજી વિકેટ પડી, સ્ટીવ સ્મિથ આઉટ

ઓસ્ટ્રેલિયાએ 16મી ઓવરમાં 161 રનના સ્કોર પર બીજી વિકેટ ગુમાવી છે. સ્ટીવ સ્મિથ 41 બોલમાં 52 રન બનાવીને આઉટ થયો હતો. તેણે પોતાની ઇનિંગમાં આઠ ચોગ્ગા ફટકાર્યા હતા. 16 ઓવર પછી ઓસ્ટ્રેલિયાનો સ્કોર બે વિકેટે 161 રન છે.

23/11/2023 19:56:55

જોશ ઈંગ્લિશએ અડધી સદી ફટકારી

જોશ ઈંગ્લિશે માત્ર 29 બોલમાં અડધી સદી ફટકારી છે. અત્યાર સુધીમાં તેણે સાત ચોગ્ગા અને ચાર છગ્ગા ફટકાર્યા છે. 12 ઓવર પછી ઓસ્ટ્રેલિયાનો સ્કોર એક વિકેટે 110 રન છે.

23/11/2023 19:43:47

પ્રસિદ્ધ કૃષ્ણાની ઓવરમાં 19 રન આવ્યા

પ્રસિદ્ધ કૃષ્ણાએ આઠમી ઓવર નાખી. આ ઓવરમાં કુલ 19 રન આવ્યા હતા. જોશ ઈંગ્લિશે આ ઓવરમાં એક સિક્સર અને ત્રણ ફોર ફટકારી હતી. 8 ઓવર પછી ઓસ્ટ્રેલિયાનો સ્કોર એક વિકેટે 65 રન છે.

23/11/2023 19:19:26

ઓસ્ટ્રેલિયાની તોફાની શરૂઆત

બે ઓવર પછી ઓસ્ટ્રેલિયાનો સ્કોર કોઈ પણ નુકશાન વિના 20 રન છે. બીજી ઓવરમાં પ્રસિદ્ધ કૃષ્ણાએ 13 રન આપ્યા હતા. આમાં કુલ ત્રણ ચોગ્ગા માર્યા હતા.

23/11/2023 18:49:01

ઇન્ડિયા પ્લેઇંગ 11

રુતુરાજ ગાયકવાડ, યશસ્વી જયસ્વાલ, ઈશાન કિશન (વિકેટકીપર), સૂર્યકુમાર યાદવ (કેપ્ટન), તિલક વર્મા, રિંકુ સિંહ, અક્ષર પટેલ, રવિ બિશ્નોઈ, અર્શદીપ સિંહ, મુકેશ કુમાર અને પ્રસિદ્ધ કૃષ્ણા.

23/11/2023 18:48:31

ઓસ્ટ્રેલિયા પ્લેઇંગ 11

સ્ટીવ સ્મિથ, મેથ્યુ શોર્ટ, જોશ ઈંગ્લિસ, એરોન હાર્ડી, માર્કસ સ્ટોઈનીસ, ટિમ ડેવિડ, મેથ્યુ વેડ (વિકેટકીપર/કેપ્ટન), સીન એબોટ, નાથન એલિસ, જેસન બેહરેનડોર્ફ અને તનવીર સાંઘા.