BGT 2023: બોર્ડર-ગાવસ્કર ટ્રોફી 2023 માટે રમાઈ રહેલી ચોથી ટેસ્ટ શ્રેણી અમદાવાદ ટેસ્ટ મેચમાં વિરાટ કોહલીએ નવો રેકોર્ડ બનાવ્યો છે. વિરાટે આ નવો રેકોર્ડ બેટિંગમાં નહીં પરંતુ ફિલ્ડિંગ  દરમિયાન બનાવ્યો છે. વિરાટ કોહલી હવે આંતરરાષ્ટ્રીય ક્રિકેટમાં 300 થી વધુ કેચ પકડનાર બીજો ભારતીય ખેલાડી બની ગયો છે. ભારતના આ મહાન બેટ્સમેને અમદાવાદ ટેસ્ટ મેચના બીજા દિવસે રવિચંદ્રન અશ્વિનની બોલ પર નાથન લિયોનનો કેચ પકડીને આ સિદ્ધિ મેળવી છે. વિરાટ કોહલીએ તેની કારકિર્દીમાં અત્યાર સુધી કુલ 300 કેચ પકડ્યા છે.


વિરાટ કોહલી રાહુલ દ્રવિડથી પાછળ છે


આંતરરાષ્ટ્રીય ક્રિકેટમાં વિરાટ સિવાય માત્ર એક ભારતીય ખેલાડી આવી સિદ્ધિ કરી શક્યો હતો. ભારતીય ક્રિકેટ ટીમના વર્તમાન મુખ્ય કોચ રાહુલ દ્રવિડે પણ પોતાની કારકિર્દીમાં 300 થી વધુ કેચ પકડ્યા છે. રાહુલ દ્રવિડે પોતાના કરિયરમાં 334 કેચ પકડ્યા છે અને હવે તેની પાછળ વિરાટ કોહલી આવી ગયો છે, જેણે અત્યાર સુધી 300 કેચ લીધા છે. આ યાદીમાં ભારતના પૂર્વ કેપ્ટન મોહમ્મદ અઝહરુદ્દીનનું નામ ત્રીજા નંબર પર આવે છે. તેણે તેની 16 વર્ષની લાંબી આંતરરાષ્ટ્રીય કારકિર્દીમાં કુલ 261 કેચ લીધા છે.


આ સિવાય માત્ર ટેસ્ટ ફોર્મેટમાં વિરાટે સુનીલ ગાવસ્કરના 108 કેચના રેકોર્ડને પાછળ છોડી દીધો છે. સાથે જ રાહુલ દ્રવિડ હજુ પણ વિરાટ કરતા ઘણો આગળ છે. રાહુલે પોતાની ટેસ્ટ કારકિર્દીમાં  334  કેચ પકડ્યા છે. જો કે અમદાવાદ ટેસ્ટ મેચની વાત કરીએ તો ઓસ્ટ્રેલિયાએ તેની પ્રથમ ઇનિંગમાં 480 રન બનાવ્યા છે.



ઓસ્ટ્રેલિયાના બે ખેલાડીઓએ સદી ફટકારી હતી


ઓસ્ટ્રેલિયા માટે ઉસ્માન ખ્વાજાએ સૌથી વધુ 180 રનની ઇનિંગ રમી હતી, જ્યારે યુવા કેમેરોન ગ્રીને પણ 114 રનની ઇનિંગ રમીને પોતાની પ્રથમ સદી ફટકારી હતી. આ સ્કોરના જવાબમાં ભારતીય ટીમે બીજા દિવસની રમતના અંત સુધી એકપણ વિકેટ ગુમાવ્યા વિના 36 રન બનાવી લીધા છે. આ ભારતીય ઇનિંગ્સમાં અત્યાર સુધી કેપ્ટન રોહિત શર્માએ 17 અણનમ ઇનિંગ્સ રમી છે અને શુભમન ગિલે 18 અણનમ ઇનિંગ્સ રમી છે.  


બેંગ્લુરુને મળી ચોથી હાર, યૂપી વોરિયર્સેની 10 વિકેટથી શાનદાર જીત


મહિલા પ્રીમિયર લીગ (WPL) માં  મુંબઈના બ્રેબ્રોન સ્ટેડિયમ ખાતે રોયલ ચેલેન્જર્સ બેંગ્લુરુ અને યુપી વોરિયર્સની ટીમ વચ્ચે મુકાબલો હતો.   આ મેચમાં, યુપી વોરિયર્સે બોલ અને બેટ બંનેથી ધમાકેદાર પ્રદર્શન કર્યું અને RCB મહિલા ટીમને 10 વિકેટથી હરાવીને સિઝનની તેમની બીજી જીત નોંધાવી. કેપ્ટન એલિસા હીલીએ યુપી વોરિયર્સ માટે મેચ વિનિંગ 96 રનની શાનદાર અણનમ ઇનિંગ રમી હતી અને માત્ર 13 ઓવરમાં જ ટાર્ગેટ હાંસલ કરવામાં મહત્વની ભૂમિકા ભજવી હતી.


રોયલ ચેલેન્જર્સ બેંગ્લોરની મહિલા ટીમની કેપ્ટન સ્મૃતિ મંધાનાએ આ મેચમાં ટોસ જીતીને પ્રથમ બેટિંગ કરવાનો નિર્ણય કર્યો હતો. ટીમ માટે ઇનિંગ્સની શરૂઆત કરનાર કેપ્ટન મંધાના અને સોફી ડિવાઇન વચ્ચે પ્રથમ વિકેટ માટે 29 રનની ભાગીદારી જોવા મળી હતી, જેમાં કેપ્ટન મંધાના 6 બોલમાં 4 રન બનાવીને પેવેલિયન પરત ફરી હતી. સોફી ડિવાઇન અને એલિસ પેરીએ પ્રથમ 6 ઓવરમાં ટીમને વધુ ઝટકો ન લગાવા દીધા અને સ્કોર 54 રન સુધી લઈ ગયા. એવા સમયે જ્યારે એવું લાગી રહ્યું હતું કે RCB મહિલા ટીમ મેચમાં મોટો સ્કોર કરવા તરફ આગળ વધી રહી છે, ત્યારે સોફી ડિવાઇન 36 રન બનાવીને પેવેલિયન પરત ફરી હતી.