IND Vs AUS 3rd T20 Live Score: મેક્સવેલની શાનદાર સદી, ઓસ્ટ્રેલિયાએ હારેલી મેચ જીતી

ભારત અને ઓસ્ટ્રેલિયા વચ્ચે પાંચ મેચની T20 શ્રેણીની બીજી મેચ આજે ગુવાહાટીના બારસાપારા સ્ટેડિયમમાં રમાશે.

બ્રેકગ્રાઉન્ડ

India Vs Australia 3rd T20: ભારત અને ઓસ્ટ્રેલિયા વચ્ચે પાંચ મેચની T20 શ્રેણીની બીજી મેચ આજે ગુવાહાટીના બારસાપારા સ્ટેડિયમમાં રમાશે. પ્રથમ બે T20 જીતી ચૂકેલી ટીમ ઈન્ડિયા આજે ત્રીજી મેચ જીતીને સીરીઝ પર કબજો કરવાના ઈરાદા સાથે મેદાનમાં ઉતરશે. કાંગારૂઓની નજર શ્રેણીને જીવંત રાખવા પર હશે.ઓસ્ટ્રેલિયાએ ત્રીજી T20 પહેલા પોતાની ટીમમાં મોટા ફેરફાર કર્યા છે. બેટ્સમેન સ્ટીવ સ્મિથ અને લેગ સ્પિનર ​​એડમ ઝમ્પા સ્વદેશ પરત ફર્યા છે. જ્યારે ઓલરાઉન્ડર ગ્લેન મેક્સવેલ, માર્કસ સ્ટોઈનિસ અને સીન એબોટ આવતીકાલે એટલે કે બુધવારે ઓસ્ટ્રેલિયા પરત ફરશે. ક્રિકેટ ઓસ્ટ્રેલિયાએ પણ આ ખેલાડીઓને બદલવાની જાહેરાત કરી છે. બેન મેકડર્મોટ અને જોશ ફિલિપ પહેલાથી જ ટીમ સાથે છે. બંને ત્રીજી T20 માટે પણ ઉપલબ્ધ છે. બેન દ્વારશુઈસ અને ક્રિસ ગ્રીન રાયપુરમાં ચોથી T20 પહેલા ટીમ સાથે જોડાશે.મેથ્યુ વેડ આજે પ્લેઈંગ ઈલેવનમાં ટ્રેવિસ હેડનો સમાવેશ કરી શકે છેઓસ્ટ્રેલિયાના કેપ્ટન મેથ્યુ વેડ આ મેચ માટે વિસ્ફોટક બેટ્સમેન ટ્રેવિસ હેડને પ્લેઈંગ ઈલેવનમાં સામેલ કરી શકે છે. તે મેથ્યુ શોર્ટ સાથે ઇનિંગ્સની શરૂઆત કરી શકે છે. આ સિવાય ટીમમાં કેટલાક નવા ચહેરાઓ જોવા મળી શકે છે.આ મેદાન પર કાંગારૂઓએ ભારતને હરાવ્યું છેતમને જણાવી દઈએ કે આ મેદાન પર 2017માં પણ ભારત અને ઓસ્ટ્રેલિયા વચ્ચે ટક્કર થઈ હતી.  કાંગારૂઓ જીતી ગયા હતા. 6 વર્ષ પહેલા રમાયેલી આ મેચમાં ભારતની કેપ્ટનશીપ વિરાટ કોહલીના હાથમાં હતી જ્યારે ઓસ્ટ્રેલિયાની કમાન ડેવિડ વોર્નર સંભાળી રહ્યો હતો. અહીં વોર્નરે ટોસ જીતીને પ્રથમ બોલિંગ કરવાનું પસંદ કર્યું અને ઝડપી બોલર બેહરનડોર્ફે ટીમ ઈન્ડિયાના ટોપ ઓર્ડરને સંપૂર્ણ રીતે તોડી નાખ્યો. ઓસ્ટ્રેલિયાએ 8 વિકેટે જીત મેળવી હતી.   ત્રીજી T20 માટે ઓસ્ટ્રેલિયાના સંભવિત પ્લેઈંગ ઈલેવન - ટ્રેવિસ હેડ, મેથ્યૂ શૉર્ટ, જૉશ ફિલિપ, બેન મેકડર્મોટ, એરોન હાર્ડી, ટિમ ડેવિડ, મેથ્યૂ વેડ (કેપ્ટન અને વિકેટકીપર), તનવીર સંઘા, જેસન બેહરનડૉર્ફ, નાથન એલિસ અને કેન રિચાર્ડસન.ભારતયશસ્વી જયસ્વાલ, ઋતુરાજ ગાયકવાડ, ઈશાન કિશન (વિકેટકીપર), સૂર્યકુમાર યાદવ (કેપ્ટન), તિલક વર્મા, રિંકુ સિંહ, અક્ષર પટેલ, રવિ બિશ્નોઈ, અર્શદીપ સિંહ, મુકેશ કુમાર અને પ્રસિદ્ધ કૃષ્ણા 

28/11/2023 22:54:16

ઓસ્ટ્રેલિયાએ ભારતને હરાવ્યું

ઓસ્ટ્રેલિયાએ ત્રીજી T20માં ભારતને પાંચ વિકેટે હરાવ્યું છે. પ્રથમ બેટિંગ કરતા ભારતે 20 ઓવરમાં ત્રણ વિકેટ ગુમાવીને 222 રન બનાવ્યા હતા. ઋતુરાજ ગાયકવાડે 57 બોલમાં 123 રનની ઇનિંગ રમી હતી. મેક્સવેલે શાનદાર ઈનિંગ રમતા સદી ફટકારી હતી. મેક્સવેલની સદીની મદદથી છેલ્લા બોલ પર ઓસ્ટ્રેલિયાએ મેચ જીતી લીધી હતી.   પ્રસિદ્ધ કૃષ્ણાએ છેલ્લી ઓવર કરી હતી. ટીમ ઈન્ડિયા આ રન બચાવી શકી ન હતી. મેક્સવેલ અને વેડે આટલા રન બનાવી ઓસ્ટ્રેલિયાને જીત તરફ લઈ ગયા હતા. વેડે છેલ્લી ઓવરના પહેલા બોલ પર ચોગ્ગો ફટકાર્યો હતો. ત્યારબાદ બીજા બોલ પર એક રન આવ્યો. આ પછી મેક્સવેલે ત્રીજા બોલ પર સિક્સર ફટકારી હતી. પછી ચોથા બોલ પર ચોગ્ગો ફટકાર્યો. મેક્સવેલે પાંચમા બોલ પર ચોગ્ગો ફટકારીને T20 ઈન્ટરનેશનલમાં તેની ચોથી સદી પૂરી કરી. તેણે 47 બોલમાં સદી ફટકારી હતી. ઓસ્ટ્રેલિયાને છેલ્લા બોલ પર બે રનની જરૂર હતી અને મેક્સવેલે ચોગ્ગો ફટકારીને પોતાની ટીમને જીત અપાવી હતી. મેક્સવેલ 48 બોલમાં 104 રન બનાવીને અણનમ રહ્યો હતો.  મેથ્યુ વેડ 16 બોલમાં 28 રન બનાવીને અણનમ રહ્યો હતો.

28/11/2023 22:08:50

IND vs AUS Live: ઓસ્ટ્રેલિયાને પાંચમો ફટકો

ઓસ્ટ્રેલિયાને 14મી ઓવરમાં રવિ બિશ્નોઈએ ઝટકો આપ્યો હતો. તેણે ટિમ ડેવિડને સૂર્યકુમાર યાદવના હાથે કેચ કરાવ્યો.  ખાતું પણ ખોલાવી શક્યો ન હતો. 14 ઓવર પછી ઓસ્ટ્રેલિયાનો સ્કોર પાંચ વિકેટે 136 રન છે. હાલમાં મેથ્યુ વેડ અને ગ્લેન મેક્સવેલ ક્રિઝ પર છે. ઓસ્ટ્રેલિયાને 36 બોલમાં 87 રનની જરૂર છે.

28/11/2023 21:27:12

ઓસ્ટ્રેલિયાને ત્રીજો ઝટકો

ઓસ્ટ્રેલિયાની ટીમને 6.2 ઓવરમાં ત્રીજો ઝટકો લાગ્યો છે. જોશ ઈંગ્લિશ 10 રન બનાવી આઉટ થયો છે. રવિ બિશ્નોઈએ તેને આઉટ કર્યો હતો. મેક્સવેલ હાલ રમતમાં છે. 

28/11/2023 20:47:39

IND vs AUS Live: ભારતે ઓસ્ટ્રેલિયાને 223 રનનો ટાર્ગેટ આપ્યો

ભારતે ઓસ્ટ્રેલિયાને 223 રનનો ટાર્ગેટ આપ્યો છે. ટોસ હારીને પ્રથમ બેટિંગ કરવા આવેલી ટીમ ઈન્ડિયાએ 20 ઓવરમાં ત્રણ વિકેટ ગુમાવીને 222 રન બનાવ્યા હતા. ઋતુરાજ ગાયકવાડે 57 બોલમાં 123 રનની અણનમ ઇનિંગ રમી હતી. આ સિવાય તિલક વર્મા 24 બોલમાં 31 રન બનાવીને અણનમ રહ્યો હતો. બંને વચ્ચે ચોથી વિકેટ માટે 59 બોલમાં 141 રનની અણનમ ભાગીદારી થઈ હતી. ભારતે 20મી ઓવરમાં 30 રન બનાવ્યા હતા. ટીમ ઈન્ડિયાએ છેલ્લી પાંચ ઓવરમાં 79 રન બનાવ્યા હતા. ઓસ્ટ્રેલિયાને શ્રેણીમાં વાપસી કરવા માટે 223 રન બનાવવા પડશે.

28/11/2023 19:52:30

IND vs AUS : ભારતનો સ્કોર 80/2

10 ઓવર પછી ટીમ ઈન્ડિયાનો સ્કોર બે વિકેટે 80 રન છે. રૂતુરાજ ગાયકવાડ 21 બોલમાં ત્રણ ચોગ્ગાની મદદથી 21 અને સૂર્યકુમાર યાદવ 28 બોલમાં 39 રન બનાવીને રમી રહ્યો છે. તેણે 5 ફોર અને 2 સિક્સર ફટકારી છે.

28/11/2023 19:33:51

ભારતનો સ્કોર 43 રન થયો

ટીમ ઈન્ડિયાનો સ્કોર 6 ઓવરમાં 2 વિકેટ ગુમાની 43 રન થયો છે. ઋતુરાજ ગાયકવાડ અને સૂર્યકુમાર યાદવ બંને હાલ રમતમાં છે. 

28/11/2023 19:19:21

ટીમ ઈન્ડિયાને બીજો મોટો ઝટકો લાગ્યો

ટીમ ઈન્ડિયાને બીજો મોટો ઝટકો લાગ્યો છે. ઈશાન કિશન ખાતુ ખોલાવ્યા વગર પેવેલિયન પરત ફર્યો છે. ટીમ ઈન્ડિયાએ 3 ઓવરમાં 2 વિકેટ ગુમાવીને 25 રન બનાવ્યા છે. ઋતુરાજ અને સૂર્યકુમાર રમતમાં છે. 

28/11/2023 19:12:17

ટીમ ઈન્ડિયાને પ્રથમ ઝટકો લાગ્યો

ટીમ ઈન્ડિયાને પ્રથમ ઝટકો લાગ્યો છે. યશસ્વી જયસ્વાલ માત્ર 6 રન બનાવી આઉટ થયો છે.  ઋતુરાજ ગાયકવાડ અને ઈશાન કિશન હાલ બંને રમતમાં છે. 

28/11/2023 18:42:35

ઓસ્ટ્રેલિયાએ ટીમમાં 4 ફેરફાર કર્યા છે

ઓસ્ટ્રેલિયાની પ્લેઈંગ ઈલેવન - ટ્રેવિસ હેડ, એરોન હાર્ડી, જોશ ઈંગ્લિસ, ગ્લેન મેક્સવેલ, માર્કસ સ્ટોઈનિસ, ટિમ ડેવિડ, મેથ્યુ વેડ (વિકેટકીપર/કેપ્ટન), નાથન એલિસ, જેસન બેહરેનડોર્ફ, તનવીર સાંઘા અને કેન રિચર્ડસન.

28/11/2023 18:40:49

IND vs AUS : અવેશ ખાનને તક મળી

ટીમ ઈન્ડિયાની પ્લેઈંગ ઈલેવન - યશસ્વી જયસ્વાલ, રુતુરાજ ગાયકવાડ, ઈશાન કિશન (વિકેટકીપર), સૂર્યકુમાર યાદવ (કેપ્ટન), રિંકુ સિંહ, તિલક વર્મા, અક્ષર પટેલ, રવિ બિશ્નોઈ, અર્શદીપ સિંહ, અવેશ ખાન અને પ્રસિદ્ધ કૃષ્ણા.

28/11/2023 18:40:11

IND vs AUS : ઓસ્ટ્રેલિયાએ ટોસ જીત્યો

ઓસ્ટ્રેલિયાના કેપ્ટન મેથ્યુ વેડે ટોસ જીતીને બોલિંગ કરવાનો નિર્ણય લીધો છે. ટીમ ઈન્ડિયા પ્રથમ બેટિંગ કરશે. ભારતની પ્લેઈંગ ઈલેવનમાં એક ફેરફાર કરવામાં આવ્યો છે. ઓસ્ટ્રેલિયન ટીમ ઘણા ફેરફારો સાથે મેદાનમાં ઉતરશે.