IND vs AUS 3rd Test Day 2 Updates: ઓસ્ટ્રેલિયાને જીતવા 76 રનનો ટાર્ગેટ, લાયનની 8 વિકેટ
IND vs AUS, 3rd Test, Day 2 Updates: પ્રથમ દિવસના અંતે ઓસ્ટ્રેલિયન ટીમે ભારત પર 47 રનોની લીડ બનાવી લીધી છે.
ભારત ઓલઆઉટ થતાં જ બીજા દિવસની રમત પૂર્ણ થયેલી જાહેર કરવામાં આવી હતી.
ભારત બીજી ઈનિંગમાં 163 રનમાં ઓલઆઉટ થયું છે. ભારતે ઓસ્ટ્રેલિયાને જીતવા 76 રનનો ટાર્ગેટ આપ્યો છે. ભારત તરફથી ચેતેશ્વર પુજારાએ સર્વાધિક 59 રન બનાવ્યા, ઓસ્ટ્રેલિયાના સ્પિનર નાથન લાયને 8 વિકેટ ઝડપી હતી.
બીજી ઈનિંગમાં ભારતનો સ્કોર 9 વિકના નુકસાન પર 155 રન છે. 9માંથી 7 વિકેટ નાથન લાયને ઝડપી છે. ભારત તરફથી પુજારાએ સર્વાધિક 59 રન બનાવ્યા હતા. અય્યરે 26 રન બનાવ્યા.
38 ઓવરના અંતે ભારતનો સ્કોર 5 વિકેટના નુકસાન પર 114 રન છે. પુજારા 44 રન અને ભરત 1 રને રમતમાં છે. શ્રેયસ અય્યર 26 રન બનાવી મિચેલ સ્ટાર્કની ઓવરમાં આઉટ થયો હતો. ભારતે 26 રનની લીડ લીધી છે.
બીજા દિવસે ટી બ્રેક સમયે ભારતનો સ્કોર 4 વિકેટના નુકસાન પર 79 રન છે. ટી બ્રેક પહેલાની ઓવરમાં જાડેજા 7 રન બનાવી લાયનનો ત્રીજો શિકાર બન્યો હતો. ભારત ઓસ્ટ્રેલિયાથી 9 રન પાછળ છે. પુજારા 36 અને જાડેજા 7 રને રમતમાં છે.
24 ઓવરના અંતે ભારતનો સ્કોર 3 વિકેટના નુકસાન પર 59 રન છે. ચેતેશ્વર પુજારા 24 અને રવિન્દ્ર જાડેજા 1 રને રમતાં છે. ગિલ 5, રોહિત શર્મા 12 અને કોહલી 13 રન બનાવી આઉટ થયા હતા. લાયને ભારતના બંને ઓપનરને આઉટ કર્યા હતા. ભારત 29 રન પાછળ છે.
10 ઓવરના અંતે ભારતનો સ્કોર 1 વિકેટના નુકસાન પર 22 રન છે. રોહિત શર્મા 10 અને પુજારા 3 રને રમતાં છે. ગિલ 5 રન બનાવી લાયનની ઓવરમાં બોલ્ડ થયો હતો. ભારત ઓસ્ટ્રેલિયાથી 66 રન પાછળ છે.
બીજા દિવસની રમતમાં લંચ સમયે ભારતે વિના વિકેટે 13 રન બનાવી લીધા છે. રોહિત શર્મા 5 અને ગિલ 4 રને રમતમાં છે. ભારત બીજી ઈનિંગમાં ઓસ્ટ્રેલિયાથી 75 રન પાછળ છે. આ પહેલા ઓસ્ટ્રેલિયાએ પ્રથમ ઈનિંગમાં 11 રનમાં અંતિમ 6 વિકેટ ગુમાવી હતી.
ઓસ્ટ્રેલિયા પ્રથમ ઈનિંગમાં 197 રનમાં ઓલઆઉટ થયું. જેના આધારે પ્રવાસી ટીમને પ્રથમ ઈનિંગમાં 88 રનની બહુમૂલ્ય લીડ મળી. ભારત તરફથી આજે સવારે ઉમેશ યાદવ અને અશ્વિને ઘાતક બોલિંગ કરી હતી. બંનેને ત્રણ-ત્રણ વિકેટ મળી, જ્યારે ગઈકાલે જાડેજાએ 4 વિકેટ લીધી હતી.
76 ઓવરના અંતે ઓસ્ટ્રેલિયાનો સ્કોર 9 વિકેટના નુકસાન પર 197 રન છે. ઉમેશ યાદવે મર્ફીને 0 રને બોલ્ડ કરી ભારતને નવમી સફળતા અપાવી હતી. આજે પડેલી પાંચમાંથી ત્રીજી વિકેટ ઉમેશ યાદવે લીધી હતી.
75 ઓવરના અંતે ઓસ્ટ્રેલિયાનો સ્કોર 8 વિકેટના નુકસાન પર 196 રન છે. અશ્વિને એલેક્સ કેરીને 3 રને એલબીડબલ્યુ આઉટ કરી ભારતને આઠમી સફળતા અપાવી હતી.
72.3 ઓવરના અંતે ઓસ્ટ્રેલિયાનો સ્કોર 6 વિકેટના નુકસાન પર 192 રન છે. ઉમેશ યાદવે સ્ટાર્કને આઉટ કરાવી ભારતને સાતમી સફળતા અપાવી. ઓસ્ટ્રેલિયા ભારતથી 83 રન આગળ છે. સ્ટાર્કને આઉટ કરવાની સાથે ઉમેશ યાદવે ટેસ્ટમાં ઘર આંગણે 100મી વિકેટ ઝડપી હતી.
72 ઓવરના અંતે ઓસ્ટ્રેલિયાનો સ્કોર 6 વિકેટના નુકસાન પર 188 રન છે. ઉમેશ યાદવે કેમરુન ગ્રીનને આઉટ કરાવી ભારતને છઠ્ઠી સફળતા અપાવી. આ પહેલા અશ્વિને હેંડસકોમ્બને આઉટ કર્યો હતો.
ઓસ્ટ્રેલિયાની લીડ 50 રનને પાર થઈ ગઈ છે. ઓસ્ટ્રેલિયાનો સ્કોર 4 વિકેટના નુકસાન પર 160 રન છે. પીટર હેંડસકોમ્બ 7 અને કેમરૂન ગ્રીન 10 રને રમતમાં છે.
ભારત-ઓસ્ટ્રેલિયા ત્રીજી ટેસ્ટના બીજા દિવસની રમત ટૂંક સમયમાં શરૂ થશે. ઓસ્ટ્રેલિયાની નજર મોટી લીડ પર અને ભારતની નજર પ્રવાસી ટીમને બને તેટલી વહેલી ઓલઆઉટ કરવા પર રહેેશે.
બ્રેકગ્રાઉન્ડ
IND vs AUS, 3rd Test, Day 2 Live updates: ભારત અને ઓસ્ટ્રેલિયા વચ્ચે રમાઇ રહેલી ત્રીજી ટેસ્ટના બીજા દિવસની રમત ટૂંક સમયમાં શરૂ થશે. પ્રથમ દિવસના અંતે ઓસ્ટ્રેલિયન ટીમે ભારત પર 47 રનોની લીડ બનાવી લીધી છે. ટૉસ જીતીને પ્રથમ બેટિગં કરવા ઉતરેલી ભારતીય ટીમ માટે ઇન્દોરમાં પ્રથમ દિવસ ખરાબ રહ્યો હતો, અડધા દિવસમાં જ ભારતીય ટીમ માત્ર 109 રન બનાવીને ઓલઆઉટ થઇ ગઇ હતી. તો વળી, ઓસ્ટ્રેલિયન ટીમે પ્રથમ ઇનિંગમાં પ્રથમ દિવસના અંતે ભારત સામે શાનદાર બેટિંગ કરતા 47 રનોની લીડ બનાવી લીધી છે. પ્રથમ દિવસના અંતે કાંગારુ ટીમે 54 ઓવર રમી હતી, જેમાં 4 વિકેટના નુકશાને 156 રન બનાવ્યા હતા.
ભારતની પ્રથમ ઇનિંગની વાત કરીએ તો....
ટીમ ઇન્ડિયાએ ટૉસ જીતને ઇન્દોર ટેસ્ટમાં પ્રથમ બેટિંગ કરવાનો ફેંસલો કર્યો હતો, જેમાં ભારતીય ટીમની શરૂઆત નબળી રહી હતી, આ વખતે ટીમમાં ઓપનર તરીકે કેએલ રાહુલની જગ્યાએ શુભમન ગીલને ઉતારવામાં આવ્યો હતો, ગીલ અને રોહિતે ઓપનિંગ કરી હતી. ભારત તરફથી સૌથી વધુ રન વિરાટ કોહલીએ 22 રન અને શુભમન ગીલે 21 રન બનાવ્યા હતા.
આ સિવાય ઇન્દોરની પીચ પર કોઇપણ ભારતીય બેટ્સમેન ટકી શક્યો નહતો. કેપ્ટન રોહિત શર્મા 12 રન, શ્રીકર ભરત 17 રન, ઉમેશ યાદવ 17 અને અક્ષર પટેલે 12 રનોની ઇનિંગ રમી હતી. ભારતીય ટીમ પ્રથમ ઇનિંગમાં 33.2 ઓવર રમીને માત્ર 109 રનોમાં ઓલઆઉટ થઇ ગઇ હતી.
ઓસ્ટ્રેલિયન ટીમની વાત કરીએ તો...
કાંગારુ ટીમે ઇન્દોર ટેસ્ટમાં ભારત પર વળતો પ્રહાર કરતાં શાનદાર બૉલિંગ એટેક કર્યો હતો. પ્રથમ દિવસે એકપણ ભારતીય બેટ્સમેનને ક્રિઝ પર ટકવા દીધા ન હતા. કાંગારુ ટીમમાં આ વખતે ફરીએકવા સ્પીનરનો કેર જોવા મળ્યો, મેથ્યૂ કૂહેનમેને સૌથી વધુ પાંચ 5 વિકેટો ઝડપી હતી. કૂહેનમેને પોતાની 9 ઓવરના સ્પેલમાં 2 મેડન સાથે 16 રન આપીને મહત્વની પાંચ વિકેટો ઝડપી હતી, આ સાથે જ કાંગારુઓ ભારત પર પકડ મજબૂત બનાવી લીધી હતી. આ ઉપરાંત નાથન લિયૉને 11.3 ઓવરના સ્પેલમાં 2 મેડન અને 35 રન આપીને 3 વિકેટો ઝડપી હતી. જોકે, ટૉડ મર્ફીને આ વખતે માત્ર 1 જ વિકેટ મળી શકી હતી.
ભારતીય ટીમમાં બે ફેરફાર કરવામાં આવ્યા છે, એક કે આજની મેચમાં શુભમન ગીલને કેએલ રાહુલના સ્થાન પર જગ્યા મળી છે, તો બીજી મોહમ્મદ શમીના સ્થાન પર ઉમેશ યાદવને સામેલ કરવામાં આવ્યો છે.
ત્રીજી ટેસ્ટ માટેની ભારતની પ્લેઇંગ ઇલેવન -
રોહિત શર્મા, શુભમન ગિલ, ચેતેશ્વર પુજારા, વિરાટ કોહલી, શ્રેયસ ઐય્યર, શ્રીકર ભરત, રવિન્દ્ર જાડેજા, રવિચંદ્રન અશ્વિન, અક્ષર પટેલ, ઉમેશ યાદવ, મોહમ્મદ સિરાજ
ઓસ્ટ્રેલિયામાં બે ફેરફાર કરાયા -
વળી, ઓસ્ટ્રેલિયન ટીમની વાત કરીએ તો, કાંગારુ ટીમમાં પણ ત્રીજી ટેસ્ટમાં મોટો ફેરફાર કરવામાં આવ્યો છે. પ્લેઇંગ ઇલેવનમાં બે ફેરફાર કરવામાં આવ્યા છે. ડેવિડ વોર્નર અને પેટ કમિન્સ ઓસ્ટ્રેલિયા પરત ફરવાના કારણે આ ટેસ્ટનો ભાગ નથી. વોર્નરના બદલે કેમરૂન ગ્રીન અને સ્ટાર્કને કમિન્સના સ્થાન પર ટીમમાં સામેલ કરાયો છે.
ઓસ્ટ્રેલિયાની પ્લેઇંગ ઇલેવન -
ઉસ્માન ખ્વાઝા, ટ્રેવિસ હેડ, માર્નસ લાબુશાને, સ્ટીવ સ્મિથ (કેપ્ટન), પીટર હેન્ડ્સ્કૉમ્બ, કેમરૂન ગ્રીન, એલેક્સ કેરી (વિકેટકીપર), મિશેલ સ્ટાર્ક, નાથન લિયૉન, ટૉડ મર્ફી, મેથ્યૂ કુહેનમેન.
- - - - - - - - - Advertisement - - - - - - - - -