India vs Australia 5th T20 LIVE Blog: પાંચમી ટી-20માં ઓસ્ટ્રેલિયાનો પરાજય, ભારતે 4-1થી જીતી સીરિઝ
IND vs AUS 5th T20 Live Updates:આ પહેલા પણ આ મેદાન પર આ બંને ટીમો વચ્ચે ટી-20 મેચ રમાઈ ચૂકી છે
બેંગલુરુમાં રમાયેલી પાંચમી ટી-20માં પણ ભારતે ઓસ્ટ્રેલિયાને હરાવ્યું હતું. રોમાંચક આ મેચમાં ભારતે પ્રથમ રમત રમીને કાંગારૂઓને 161 રનનો ટાર્ગેટ આપ્યો હતો. આ પછી મેચ 19 ઓવર સુધી કાંગારૂઓ મેચની જીતની નજીક હતા પરંતુ છેલ્લી ઓવરમાં અર્શદીપ સિંહે 10 રનનો બચાવ કર્યો અને ભારતને રોમાંચક જીત અપાવી. ભારતના 161 રનના જવાબમાં ઓસ્ટ્રેલિયાની ટીમ 8 વિકેટે 154 રન જ બનાવી શકી હતી. ભારત તરફથી અક્ષર પટેલે ચાર ઓવરમાં માત્ર 14 રન આપીને એક વિકેટ લીધી હતી. જ્યારે રવિ બિશ્નોઈએ 29 રનમાં બે વિકેટ લીધી હતી. મુકેશ કુમારે સૌથી વધુ ત્રણ વિકેટ લીધી હતી.
અવેશ ખાને 18મી ઓવરમાં 15 રન આપ્યા હતા. મેથ્યુ વેડે આ ઓવરમાં ત્રણ ચોગ્ગા ફટકાર્યા હતા. હવે મેચ ફરી ઓસ્ટ્રેલિયા તરફ ગઈ છે. ઓસ્ટ્રેલિયાને જીતવા માટે છેલ્લા 12 બોલમાં 17 રન બનાવવા પડશે.
ઓસ્ટ્રેલિયાનો સ્કોર 10 ઓવર પછી 3 વિકેટે 70 રન છે. હાલમાં ઓસ્ટ્રેલિયા તરફથી બેન મેકડર્મોટ અને ટિમ ડેવિડ ક્રિઝ પર છે. બેન મેકડર્મોટે 20 બોલમાં 25 રન બનાવ્યા છે. જ્યારે ટિમ ડેવિડ 8 બોલમાં 6 રન બનાવીને રમી રહ્યો છે.
બેટ્સમેન માટે અનુકૂળ પીચ પર પ્રથમ ઇનિંગ રમ્યા બાદ ભારતીય ટીમ 20 ઓવરમાં 8 વિકેટે 160 રન જ બનાવી શકી હતી. ચાર ઓવરમાં 33 રનના સ્કોર પર પ્રથમ વિકેટ પડ્યા બાદ ટીમ ઈન્ડિયાએ નિયમિત અંતરે વિકેટ ગુમાવી હતી. ભારતે 10મી ઓવરમાં માત્ર 55 રનમાં ચાર વિકેટ ગુમાવી દીધી હતી. ઋતુરાજ ગાયકવાડ, સૂર્યકુમાર યાદવ અને રિંકુ સિંહ કઇ કરી શક્યા નહીં. જોકે, શ્રેયસ અય્યર એક છેડે ઊભો રહ્યો હતો. અય્યરે 37 બોલમાં 53 રન બનાવ્યા હતા. આ દરમિયાન તેને 5 ચોગ્ગા અને 2 છગ્ગા સાથે શાનદાર ફિફ્ટી ફટકારી હતી. જીતેશ શર્મા 24 અને અક્ષર પટેલ 31એ તેને સારો સાથ આપ્યો હતો. ઓસ્ટ્રેલિયા તરફથી જેસન બેહરેનડોર્ફ અને બેન દ્વારશુઈસે બે-બે વિકેટો લીધી હતી.
ભારતે 14મી ઓવરમાં માત્ર 97 રનના સ્કોર પર પાંચમી વિકેટ ગુમાવી દીધી હતી. જીતેશ શર્મા કેચ આઉટ થયો હતો. તેણે 16 બોલમાં 3 ચોગ્ગા અને એક છગ્ગાની મદદથી 24 રન બનાવ્યા હતા.
10 ઓવર પછી ટીમ ઈન્ડિયાનો સ્કોર ચાર વિકેટે માત્ર 61 રન છે. શ્રેયસ 14 બોલમાં 11 રન અને જીતેશ શર્મા ચાર બોલમાં પાંચ રન બનાવીને રમી રહ્યો છે. આ બંને પાસેથી મોટી ઇનિંગ્સની અપેક્ષા રાખવામાં આવશે.
ટીમ ઈન્ડિયાએ પાંચમી ઓવરમાં 33 રનના સ્કોર પર બીજી વિકેટ પણ ગુમાવી દીધી હતી. ઋતુરાજ ગાયકવાડ 12 બોલમાં માત્ર 10 રન જ બનાવી શક્યો હતો.
યશસ્વી જયસ્વાલ ચોથી ઓવરના છેલ્લા બોલ પર સિક્સર મારવાના પ્રયાસમાં કેચ આઉટ થયો હતો. પહેલા જયસ્વાલે જેસન બેહરનડોર્ફની ઓવરમાં એક સિક્સ અને એક ફોર ફટકારી હતી. ત્યારપછી બીજા જ બોલ પર મોટો શોટ રમવાનો પ્રયાસ કરતા તે આઉટ થઈ ગયો. તેણે 15 બોલમાં બે સિક્સર અને એક ફોરની મદદથી 21 રન કર્યા હતા.
યશસ્વી જયસ્વાલ, ઋતુરાજ ગાયકવાડ, શ્રેયસ ઐયર, સૂર્યકુમાર યાદવ (કેપ્ટન), રિંકુ સિંહ, જીતેશ શર્મા (વિકેટકીપર), અક્ષર પટેલ, રવિ બિશ્નોઈ, અવેશ ખાન, મુકેશ કુમાર અને અર્શદીપ સિંહ.
ઓસ્ટ્રેલિયાના કેપ્ટન મેથ્યુ વેડે ટોસ જીતીને પહેલા બોલિંગ કરવાનો નિર્ણય લીધો છે. ભારતીય ટીમ પ્રથમ બેટિંગ કરશે. ઓસ્ટ્રેલિયાએ એક ફેરફાર કર્યો છે. ટીમ ઈન્ડિયાએ પણ એક ફેરફાર સાથે એન્ટ્રી કરી છે.
બ્રેકગ્રાઉન્ડ
IND vs AUS 5th T20 Live Updates: ભારત અને ઓસ્ટ્રેલિયા વચ્ચે પાંચ મેચની T20 સીરીઝની છેલ્લી મેચ બેંગલુરુના ચિન્નાસ્વામી સ્ટેડિયમમાં રમાશે. આજે (3 ડિસેમ્બર) બંને ટીમો સાંજે 7 વાગ્યે સામસામે ટકરાશે. આ પહેલા પણ આ મેદાન પર આ બંને ટીમો વચ્ચે ટી-20 મેચ રમાઈ ચૂકી છે. ત્યારબાદ મેક્સવેલની સદીની મદદથી ઓસ્ટ્રેલિયાએ ભારતને હરાવ્યું હતું. ઓસ્ટ્રેલિયાએ આ મેચ 7 વિકેટે જીતી લીધી હતી.
27 ફેબ્રુઆરી 2019ના રોજ યોજાયેલી આ મેચમાં ઓસ્ટ્રેલિયાના કેપ્ટન એરોન ફિન્ચે ટોસ જીતીને પ્રથમ બૉલિંગ કરવાનું પસંદ કર્યું હતું. અહીં કેએલ રાહુલે શાનદાર બેટિંગ કરી અને 26 બોલમાં 47 રન બનાવીને ટીમ ઈન્ડિયાને સારી શરૂઆત અપાવી. બાદમાં વિરાટ કોહલીના 38 બોલમાં 72 રન અને એમએસ ધોનીના 23 બોલમાં 40 રનની મદદથી ટીમ ઈન્ડિયા નિર્ધારિત 20 ઓવરમાં 190/4ના સ્કોર સુધી પહોંચી ગઈ હતી. બેંગલુરુની પીચને ધ્યાનમાં રાખીને આ સ્કોર બહુ મોટો નહોતો. કારણ કે આ પીચ પર ચેઝ સરળ હતો.
મેક્સવેલની તોફાની ઇનિંગ
અહીં ઓસ્ટ્રેલિયાની શરૂઆત ખરાબ રહી હતી. 22 રનનો સ્કોર પહોંચ્યો ત્યાં સુધીમાં કાંગારૂ ટીમે બે વિકેટ ગુમાવી દીધી હતી. અહીંથી ડી'આર્ચી શોર્ટ અને ગ્લેન મેક્સવેલે 73 રનની ભાગીદારી કરીને ઇનિંગને સંભાળી હતી, શોર્ટ 28 બોલમાં 40 રન બનાવીને વિજય શંકરનો શિકાર બન્યો હતો. ગ્લેન મેક્સવેલે અહીંથી શરૂઆત કરી હતી. તેણે વિસ્ફોટક રીતે સિક્સર ફટકારી હતી. પરિણામ એ આવ્યું કે પીટર હેન્ડ્સકોમ્બ સાથે તેણે 51 બોલમાં 99 રનની અણનમ ભાગીદારી કરી અને ઓસ્ટ્રેલિયાને જીત તરફ દોરી ગયું.
આ ભાગીદારીમાં હેન્ડ્સકોમ્બે 18 બોલમાં 20 રન બનાવ્યા હતા. બાકીના રન મેક્સવેલના બેટમાંથી આવ્યા હતા. ઓસ્ટ્રેલિયાએ બે બોલ અને સાત વિકેટ બાકી રહેતા લક્ષ્યાંક હાંસલ કરી લીધો હતો. મેક્સવેલે 55 બોલમાં 113 રન ફટકારીને 'પ્લેયર ઓફ ધ મેચ'નો એવોર્ડ લીધો હતો.
ઓસ્ટ્રેલિયાએ ચિન્નાસ્વામી સ્ટેડિયમમાં બે T20 મેચ રમી અને બંને મેચ જીતી. વળી, ભારતીય ટીમ આ મેદાન પર 6માંથી 3 મેચ હારી અને 2 મેચ જીતી. ટીમ ઈન્ડિયાની એક મેચ અહીં અનિર્ણિત રહી, એટલે કે આ મેદાન પર ઓસ્ટ્રેલિયાનો રેકોર્ડ ટીમ ઈન્ડિયા કરતા ઘણો સારો રહ્યો છે.
- - - - - - - - - Advertisement - - - - - - - - -