IND vs AUS Cricket World Cup 2023 Final: અમદાવાદના નરેન્દ્ર મોદી સ્ટેડિયમમાં ICC વર્લ્ડ કપ 2023ની ફાઈનલ મેચ ભારત- ઓસ્ટ્રેલિયા વચ્ચે રમાવાની છે. જેને લઈને અમદાવાદ સહિત દેશભરમાં ભારે ઉત્સાહનો માહોલ જોવા મળી રહ્યો છે. આ ફાઇનલ મેચને લઈ ગાંધીનગર કલેક્ટર દ્વારા જાહેરનામું બહાર પાડવામાં આવ્યું છે.
ગાંધીનગર કલેક્ટર અને જિલ્લા મેજીસ્ટ્રેટની કચેરી દ્વારા જાહેરનામું બહાર પાડવામાં આવ્યું છે. ભાટ કોટેશ્વર ચોકડીથી મોટેરા તરફ જતા શાંતિ નિકેતન(જુનિયર) સ્કુલ સુધીના રોડ પર ભારે વાહનો પ્રવેશ પર પ્રતિબંધ રહેશે. મધર ડેરી તરફથી આવતા ભારે વાહનો અપોલો સર્કલ થઈ તપોવન સર્કલ તરફ ડાયવર્ટ કરવાના રહેશે.
નરેંદ્ર મોદી સ્ટેડિયમ નજીકના અનેક રસ્તાઓ પર વાહનવ્યવ્હાર પર પ્રતિબંધ લગાવવામાં આવ્યો છે. જનપથ ટીથી મોટેરા સ્ટેડિયમ મુખ્ય ગેટ અવર-જવર પર પ્રતિબંધ છે. કૃપા રેસિડેન્સીથી લઈ મોટેરા સ્ટેડિયમ મુખ્ય ગેટ અવર-જવર પર પ્રતિબંધ રહેશે. સવારે 11થી લઈને રાત્રે 12 વાગ્યા સુધી પ્રતિબંધ રહેશે.
ભારત-ઓસ્ટ્રેલિયા વચ્ચે ફાઈનલ મેચને લઈ અમદાવાદમાં ભારે ઉત્સાહ જોવા મળી રહ્યો છે. 1 લાખથી વધુ દર્શકો સહિત ઘણા બધા રાજનેતાઓ, સેલેબ્સ હાજર રહેવાની હોવાથી અત્યારથી જ શહેરમાં ચુસ્ત પોલીસ બંદોબસ્ત ગોઠવી દેવામાં આવ્યો છે. નરેન્દ્ર મોદી સ્ટેડિયમમાં સ્ટેડિયમમાં 1 IG, 20 ACP, 145 PSI અને 13 DCP સુરક્ષામાં તૈનાત કરવામાં આવ્યા છે. સ્ટેડિયમમાં અંદાજે 4 હજાર પોલીસકર્મીઓ તૈનાત રહેશે. આ દરમિયાન શહેરમાં 4 IGP, 27 ACP, 230 PSI તૈનાત રહેશે. શહેરમાં ટ્રાફિક વ્યવસ્થામાં 1 IGP, 11 ACP, 36 PSI સુરક્ષામાં તૈનાત રહેશે. શહેરના રસ્તાઓ પર કુલ 5 હજાર પોલીસકર્મીઓ તૈનાત હશે.
આ મેચ દરમિયાન અમદાવાદ પોલીસ દ્વારા કેટલાક રસ્તાઓ પર વાહનોની અવર-જવર માટે પ્રતિબંધિત/ડાયવર્ઝન કરવામાં આવેલ છે. મુખ્યમંત્રી ભૂપેન્દ્ર પટેલે ગાંધીનગરમાં ઉચ્ચસ્તરીય બેઠક યોજીને આવતીકાલે રમાનારી વર્લ્ડ કપ ક્રિકેટ ફાઇનલ મેચ દરમિયાન સુરક્ષા-સ્વચ્છતા-ટ્રાફિક મેનેજમેન્ટ વગેરેની સમીક્ષા કરી હતી.
અમદાવાદમાં રવિવારે કેવું રહેશે હવામાન?
https://t.me/abpasmitaofficial