WTC Final 2023, India vs Australia: ભારત અને ઓસ્ટ્રેલિયા વચ્ચે વર્લ્ડ ટેસ્ટ ચેમ્પિયનશિપ (WTC)ની ફાઈનલ મેચ લંડનના કેનિંગ્ટન ઓવલ મેદાન પર રમાઈ રહી છે. અત્યાર સુધીની ફાઈનલ મેચમાં કાંગારૂ ટીમનું પલ્લું સંપૂર્ણપણે ભારે દેખાઈ રહ્યું છે. પરંતુ ત્રીજા દિવસની રમત દરમિયાન આવો જ એક નજારો જોવા મળ્યો હતો કે જેના પર કોઈને વિશ્વાસ બેસવો મુશ્કેલ હતો.
મેદાન પરના એમ્પાયરની આ હરકતે સૌકોઈનું ધ્યાન ખેંચ્યુ હતું. આ ઘટનાનો વીડિયો પણ વાયરલ થયો છે જેમાં મેદાન પરના અમ્પાયર રિચર્ડ ઇલિંગવર્થ હાથ જોડતા જોવા મળ્યા હતાં.
ત્રીજા દિવસની રમત દરમિયાન જ્યારે ઓસ્ટ્રેલિયન ખેલાડી સ્ટીવ સ્મિથ બેટિંગ કરી રહ્યો હતો. તે સમયે સાઇટ સ્ક્રીન પર થોડી હલચલ જોવા મળી હતી. આ દરમિયાન સ્મિથે મેદાન પરના અમ્પાયર રિચર્ડ ઇલિંગવર્થને આ અંગે ફરિયાદ કરી હતી. જેમણે મેચ જોવા આવેલા ચાહકોને ત્યાંથી હટી જવાનો ઈશારો કર્યો હતો. ત્યાર બાદ પણ જ્યારે ચાહકો ત્યાંથી ન હટ્યા તો ઇલિંગવર્થે તેમને બંને હાથ જોડીને રીતરસની વિનંતી કરવી પડી હતી. હવે આ ઘટનાનો વીડિયો સોશિયલ મીડિયા પર ઝડપથી વાયરલ થઈ રહ્યો છે.
ઓસ્ટ્રેલિયાનો ભારતને 444 રનનો વિશાળ ટાર્ગેટ
વર્લ્ડ ટેસ્ટ ચેમ્પિયનશિપ ફાઈનલના ચોથા દિવસે ઓસ્ટ્રેલિયાએ 270 રન બનાવીને પોતાનો દાવ ડિકલેર કર્યો હતો. આ સાથે ટીમ ઈન્ડિયાને હવે ફાઈનલ જીતવા માટે 444 રનનો ટાર્ગેટ મળ્યો છે. મેચમાં પ્રથમ બેટિંગ કરતા ઓસ્ટ્રેલિયાએ 469 રનનો સ્કોર બનાવ્યો હતો. જવાબમાં ભારત 296 રન જ બનાવી શક્યું હતું અને ઓસ્ટ્રેલિયાને 173 રનની લીડ મળી હતી.
WTC ફાઈનલ અંતર્ગત ભારતીય ટીમ લંડનના ધ ઓવલ સ્ટેડિયમમાં ચાલી રહેલી ટેસ્ટ મેચના ચોથા દિવસે ઓસ્ટ્રેલિયા સામે જીતવા માટે 444 રનનો પીછો કરવા મેદાને પડી હતી.
પ્રથમ દાવમાં સદી ફટકારનાર ટ્રેવિસ હેડ 18 જ્યારે સ્ટીવ સ્મિથ માત્ર 34 રન જ બનાવી શક્યો હતો. ભારત તરફથી બીજી ઇનિંગમાં બોલિંગમાં રવિન્દ્ર જાડેજાએ 3 જ્યારે ઉમેશ યાદવે અને મોહમ્મદ શમીએ 2-2 વિકેટ ઝડપી હતી. જો ભારત આ લક્ષ્યને હાંસલ કરવામાં સફળ થાય છે, તો તે ટેસ્ટ ઈતિહાસમાં સૌથી સફળ રન ચેઝ હશે.
પ્રથમ દાવમાં સદી ફટકારનાર ટ્રેવિસ હેડ 18 જ્યારે સ્ટીવ સ્મિથ માત્ર 34 રન જ બનાવી શક્યો હતો. ભારત તરફથી બીજી ઇનિંગમાં બોલિંગમાં રવિન્દ્ર જાડેજાએ 3 જ્યારે ઉમેશ યાદવે અને મોહમ્મદ શમીએ 2-2 વિકેટ ઝડપી હતી. જો ભારત આ લક્ષ્યને હાંસલ કરવામાં સફળ થાય છે, તો તે ટેસ્ટ ઈતિહાસમાં સૌથી સફળ રન ચેઝ હશે.